يقول أبوي : إن صرتي كنّك على شوك ..
وعيّا صباحك يجلب الشمس يمّك ..!
اصبري مصير الشمس تطلع وأنا ابوك..
وأمي تقول صادق كلامه وأنا أمّك !!!
.
.
.
مدري أنا ملاحظ هالشي ولا فيه أحد مثلي ..؟؟
.
.
في السنوات الأخيرة طفحت على المجتمع عادات تربوية وإجتماعية غريبة .
.
منها مثلاً تدليع الأم والأب للبنت بشكل خرافي..! هل يعلم الوالدان بإنهم بذلك يضروها ولا ينفعوها ؟؟
يعني لو كانت البنت تدلع نفسها بنفسها وتبني لها عالم خاص وتعرف بإنه خيال لا يمت للواقع للحقيقة بصله معليش يعني مثلاً تقلد نبرة حليمه بولند مو مشكله ..!
.
.
بس تربى على الدلع وقل الدبره ..فهنا المشكله ..!
.
.
أتذكر أمهات أول يخاصمون ويهاوشون ويقبصون...بس كل هذا لمصلحة البنت
.
.
هالحين الولد يتزوج ويتفاجأ بزوجة مثل قلتها ماتعرف ولا شي ! وهو يرسم في باله بإنها مثل والدته وشتان بينهما ..
.
.
تعالو شوفوا هذي القصة:
.
.
.
المكان / إحتفال زواج
.
.
الأم تضع ورق عنب في صحن وتلاحق البنت في صالة الطعام تعالي يافلانه كلي ورق عنب الله يخليك !!
والبنت ترفض : يمه يوووه بعدين خلاص ..!
فلانه هذي جحشه ..عمرها 22 سنه ليست طفله والأم تعاملها كطفلة
وأخيراً جات البنت وقعدت معنا فوق الطاولة وقامت الأم تقطع للبنت الأكل شوي وبتأكلها ..
قلت لها : سلامات لا يكون بنتك نونو بس
قالت : لاااااا بنتي ماتعرف تقطع اللحم
.
.
.
المكان // بيت البنت يوم الملكة ..
.
.
البنت لابسه فستان مفتوح ومشخلع ..
.
.
الزوج رفض هذا اللبس وزعل ونادى الأم والأب
.
.
الأم والأب قالو: هذا لبس بنتنا وهي حره وحنا ماقدرنا نقولها شي تجي إنت تتحكم فيها ومن الحين بدري عليك بدري ؟
.
.
قام وطلقها
.
.
.
المكان // بيت واحد مسكين ..
أحدهم تزوج بنت دلوعه وياي
..
بعد فتره جابت الطفل الأول ..وبعدها جابت الطفل الثاني ..وأخيراً الثالث ..
.
.
جات من الباب للطاقه وقالت له : طلقني ..!
قال : ليش سلامات زوجتي وأم عيالي ومستحيل أطلقك ..
الحت في طلب الطلاق بحجة أنها لا تستطيع تحمل مسئولية الأطفال وبإنها هي طفلة مثلهم
.
.
رفض الزوج لإنه يحبها ...ويحب أطفاله ..
ذهب للعمل كعادته ورجع للبيت تفاجأ بأن عفش زوجته غير موجود
وعندما أتصل على والدتها : أخبرته بإن إبنتها لا تريده ولا تريد الزواج أصلاً هي ماتدري إنها بتشيل كل هذا الحمل والمسئولية
.
.
.
من المسئول عن دلع البنات بهذا الشكل ..وهل الأهل يعلمون بإن إبنتهم المصون التي تدللت بشكل مبالغ فيه ستتزوج ربما من رجل لا يستطيع توفير كل مستلزمات الراحه من خدم وحشم لها ؟؟
.
.
ولماذا يستميت الأب والأم في الدفاع عن أبنتهم ويصدقونها في كل شي ويقفون ضد الحق أحياناً لأجل أبنتهم ..؟؟
.
.
البنت بعد كل هذا الدلع ولااا مسئولية ...
.
.
هل ياترى ستستطيع تحمل المسئولية ؟؟
.
.
هل أنت مع أو ضد دلع البنات بشكل مبالغ فيه ؟؟
.
.
.
.
.
.
.
.
.
.
.
.
.
.
.
قفلة
يا لعنبو دمعه على خد طفله ،
منهو يحس بـ/حسرة الطفله اليوم !!
جرح ٍ عمل بخدودها شبه حفله
عزم جميع ( الهم ) والخد : مصدوم !!