|| شفني خذيت اقسى الطعون وشكرتك !!

جيتك وانا رويان ، واقفيت ضميان..
كني شربت من البحر من شربتك ..

هذا انت دايم ، تطري الوصل شفقان ..
وهذا انت ، ماواصلتني : من عرفتك ..

فـ ان شفتني ، ولـهانَ لاتقـول : ولـهان ..
قول : أني حبيتـك لكن ماوصلتـك ..

اسمـع ولا اميـّز .. ترانيم الالـحااان ..
وتخيل اني من سمعتـك .. عزفتـك ..

ماكان لـي ، نيـة على دمـع الاعيـان ..
الين ما ضاقت علـي وذرفتـك ..

وماكنت مـؤمن .. في معاناة الاجفـاان ..
وآمنت .. فيهاا من بكيت وسهرتـك ..

تتركني أسـاافر واناا منك ، زعــــلان ..
واناا اللي يمـكن " أنتحــر " لو جرحتـك ..
عمررك سمعت ان فيه عـدوان خلان ..
شفني خذيـت ( اقسى الطـعون ) وشكرتـك ..

لاهنت يالغالي ، وقلبـك .. ولا هااان ..
لو ماملكـتك يكـفي .. اني عشقتـك ..

يمكن ، خذلتـك .. لكن الـحب سلطاان ..
سترتني واناا بشـوقي " فضحتـك " ..

تبقى بـ قلبي ، شيـخ والعـوج رعيـاان ..
شـف كيف يا قلبي بقلبـي ، ذخرتـك ..

وشلون تنساني ، على درب الاحـزان ..
وشلون ؟؟ واناا اللي سنين انتظرتك ..

مدري اناا غلطاان او انت غلطـااان ..
بس اللي ادري فيه ، اني " خسرتـك " ..

لشاعر : صلاح العرجاني ..

أختيار رائع ومميز وقصيده قمه في الروووعه..
سلمت يداااااك
ولاتحرمنا من جديد طرحك......

تحياااتي...

نوورتي يالغلا ع الرد

وجزااك الله خييير

» شفني آنآ عند آلغدر ڪلي وفآء وعند آلمذله {ڪبريآء} !!
» ماتعلّمنا نكون اقسى مـن ( أشبـاه البشـر) ...