لاحد سالك .. وقالك وين مغليك ...!

استأذنك .. بسافـر ايـام واجيـك
وان طالت ايـام السفـر .. لاتحاتـي

حتى ولو طولـت .. ماني بناسيـك
ياللي بدونك .. ويش تسـوا حياتـي ؟

تامر على حاجه ؟ .. بودعـك واليـك
عسى عوض الايـام .. فـي المقبلاتـي

حتى يدي .. ماودهـا تفـارق يديـك
ساكت .. وانا اشوف البلا في سكاتـي

ماشفتني لارحت منك .. التفـت فيـك
بـلاي والله روحتـي والتفـاتـي

لكن قبل مـاروح .. ودي اوصيـك
وانت الوحيـد اللي يقـدر وصاتـي

لاحد سالك .. وقالك وين مغليك ؟
قلـه لوازم لاقضـاهـا بيـاتـي

وان طروا النسيان .. ماني بناسيـك
يـاراس مالي في الحيـاه .. وغناتـي

وان طروا السلوان .. ماني بساليـك
طيفك معي حتـى وانا في صلاتـي

قلبي .. وهو قلبي اذا مـر طاريـك
لولا ضلوعي .. كان عـزوا مماتـي

لو جض صدري .. كان يمديه ياتيـك
ويبـات عندك .. ويهنى بالمبـاتـي

انا وقلبي .. والغلا ساكن فيـك
وانته وقلبك .. والغلا وسط ذاتـي

غلاك .. مثل الحكم عند المماليك
اكبر طموحي لا كل امنياتـي

شف في غيابي اي حاجه تسليـك
لاني بعدك .. اسلى مع ذكرياتـي

احاول اذكر .. اي شي يطريـك
واقول هو سوا .. وانا ذي سواتـي

كني موادع .. كل شي حواليـك
وكني حسبت حساب حزة وفاتـي

احب .. لاني مقدر انساك وابيـك
ولا اقدر اخليك .. ياللـي تحاتـي

معنى احب .. وماقدر انسى واخليك
يعني بدونك ويش تسـوا حياتـي

وان طروا النسيان .. ماني بناسيـك
يـاراس مالي في الحيـاه .. وغناتـي

وان طروا السلوان .. ماني بساليـك
طيفك معي حتـى وانا في صلاتـي

قلبي .. وهو قلبي اذا مـر طاريـك
لولا ضلوعي .. كان عـزوا مماتـي

لو جض صدري .. كان يمديه ياتيـك
ويبـات عندك .. ويهنى بالمبـاتـي
___

وربي كلها رووعه برووعه تسلم ايدك ياااااشووقي

يااذووق

مرورك الاروع يالغلا

والذوق اخذته منك حياااتي

وشااكره لك مرورك الدائم في متصفحي

جعل ربي مااايحرمني منك يااارب

» لاحدٍ سالك .. وقالك وين مغليك؟‎
» ميت يغمز لاحد المصليين