الله يمسـيكم ويصبحكم بالخير والسرور كلكم .
هذه أبيات جـئتكم بها بعـد فترة من التوقـف . . إن شالله تصلح لكم
ريـاح المحـبـة
شمعات ليلي عقب مـا رحـت مطفيّـة // والنفـس في همها والليل يغريها
يا صاحبـي عـاد تكفـى عجّـل الجيّـة ْ/// نفسي دخيلك عن الاوهام تحميها
اذكر..زمـان الـوفـا.. واذكــر نـواديّـه /// يـوم الغـلا..تـاج نجمـاتـه ْ نراعـيها
قبلك يـهـب الهـوى والنفـس محمـيّـة /// ما ميّلَـتْ بي ولاني في محاريها
وْمن حين هبّـتْ رياحـك مـن حواليّـه /// شافتْ مكـنّة ْ بقلبي واقـعدتْ فيها
مدّت ْ وسـدّت ْ ولـدت ْ مَـن لهـم نيـة ْ /// عـن جيّـةّ ٍ ترتجـي وصل ٍ يراعيها
عذّلْت نفسي !! : حبالك ليش مرخية ْ// مانتي من اللي تساهل فـي مباديها .؟
قالت سهَكْني على الغفـلة ْ شماليـة /// ضاعت بها..حيلتي والوهن تاليها
لكن تناسى العنـا.. واغفـر له السيـّة /// واذكر..ليالي معه بالـولف تحييها
واصبر..تـرى لـغـدت فيّـة تجـي فـيّـة /// يمكن تجيب الاماني شف راجيها
يمكن يوافي يباس العـشب وسمية /// تبطـي هماليلها من امر..والـيها
فيلا..حصل ذا..وزان العود مـن ريّـه /// أنعم ونـادم ضيا..قمرا..ليـاليها
سالمين وغانمين