الله يجازي مـن يسـوي سواتـك
.........وبذنوب من سوى سواتك يجازيـك
مشيت درب الثقـل وتحـب ذاتـك
.........ماتـدري إنـه للمهالـك يـوديـك
وغـرك جمالـك ياخسـاره حلاتك
.........ماتدري إن ماغير طبعـك يحليـك
بتقـول زينـك يشفـع لسيـآتـك
.........الحسن ماهو عن وفاء الحب يعفيـك
لو التواضع والوفـا مـن سماتـك
......... بعت الحبايب كلهم ديـن وأشريـك
لكـن عجـزت أغيـرك ياجراتـك
..........على الغياب اللي بلا عـذر ينجيـك
خطاي في توضيح وشـي غلاتـك
..........وخطاك في توضيح وشـو تغليـك
وشلون توصيني وتنسـى وصاتـك
..........وتصد عن صوتن تقطـع يناديـك
مافاتـك التجريـح والعـذر فاتـك
..........وتبغي الراي الحين ماعـاد يمديـك
صحيح أحبك بـس هـاذي جزاتـك
..........بعلمـك درس يفيـدك ويحيـيـك
تدري وش أبيض من خفوقك عباتك
..........وتدري وش اللي غرني نظرتي فيك
أدري بتستغـرب تصبـر وجاتـك
..........قصيدة مـن واحـد كـان يبغيـك
وتبغي تناظر وأنت عايش مماتـك
..........شف وحدتك والناس تجلس حواليك
وتبغي تشوف أشجع رجل في حياتك
.........شفني وأنا مقفي على كثر ماغليـك
ـــــــــــــــــــــــــ
للشاعر: محمد بن فطيس المري
__________________