من خلقني وانا لي الطبع الفريد ..

السلام عليكم ورحم الله وبركاااته...




الحكيَ في بعض المواقف .. ما يفيد ..
دام السكوت احيان ياتي ,, بثَمره ..



وشهوله احكي او اناقش او .. اعيد ..
مدام حكَيي عند مثلك ,, ثرثره !! ..






من خلقني وانا لي الطبع الفريد ..
ماهو غرور إلآ ثقه او مقدره ..





ولا هو اكيد اني عرفتك بس .. اكيد ..
ان الزمن لابد كل ٍ .. يحذره ..



انا ( الحليم ) إلي صبر .. صبرٍ حميد ..
وإليا نفذ صبري لمثلك ,, بعذره ..



هذا الخبيَل إليآ ربع من دون .. قيد ..
(تقيّده) روس الرجال و ( تهجره) ..



مدآم مثلي ما عرف خوَة بليد ..
اكيد مثلك لو اشوفه بحقره ..



ماني ب/ اعدك .. لا خوي ولا عضيد ..
ولاهو ب/ مثلك للمواقف .. اذخره ..



اتعب على الطيب وهو كل .. الرصيد ..
واشيل حمله لو زمانه بعثره ..



لو إن عيني شافت إلي .. ما تريد ..
ولو إن وقتي وسط ظهري خنجره ..



ولو إن همي لآ بدا ليلي .. شديد ..
ولو إن ليلي كل يوم ٍ ,, اسهره ..



طآل الزمن والعمر ينقص .. ما يزيد ..
وكل ِ يبي بالعمر شي ٍ يذكره ..



بعض العرب لآ رآح .. ماهو بالفقيد ..
وبعض العرب لآ رآح ربعه ,, تخسره ..



وبعض العرب لآ شفت زوله من .. بعيد ..
(تستكبره) وإليآ حكى ,, ( تستصغره ) ..



عشنا وشفنآ والزمن هذا .. عنيد ..
إليآ نوآ ماضني احدٍ ,, يقدره ..



ولآ انآ مآلي سوآ .. حرف القصيد ..
وصوت ٍ ليآ من ضقت ,, هز الحنجره ..



و ( الصمت ) في بعض المواقف .. ما يفيد ..
و ( الحكي ) في بعض المواقف ,, ثرثره ..