غربيه هالدينا تكتب لنا الفراق عنوان !!

غريبة حال هالدنيا تفرقنا بدون شعور..
ولا ترحم ولا تعطف ولا تقدر محبتنا ..

صحيح أن الزمن غدار وأيام الزمان تدور..
وصحيح أن الوداع صعب و هو أعظم مصيبتنا

توادعنا وتفرقنا ومشينا وسط ذاك السور..
جميله سنينا كانت سعادتنا وشقاوتنا..

أحد ينسى ذاك الصوت المعروف والمشهور..
يصبحنا مع الطابور ونزيد بكلمتنا

وعشان نعصي كنا نأخر الطابور..
ونتفلسف ونقهرهم نجاوبهم بضحكتنا..

وتبدا الحصه الأولى ويجينا المدرس المغرور
نحاول نحرق أعصابه بما تحمله خبرتنا..

ويجينا الثاني بوجه مبتسم و مسرور..
ونقلب ضحكته هم وهاذي هي طبيعتنا ..

ننسى المدرس والحصه نشارك ننصب المجرور ..
نزيد الطين بله ونتعيبط في إجابتنا..

نسولف بأول الحصه نكتب والقلم مكسور..
نموه للمدرس مادرى وش هي كتابتنا..

نشاغب نزعج ونضحك ولكن قلبنا عصفور..
نسامح غلطة الثاني لجل خاطر براءتنا..

تحياتي يا أيام الدراسه وأغفري المستور ..
كتمنا أو تكلمنا عن الموجود بساحتنا..