تو ما لبست الشماغ وانتي العبايه <<..طفونتنـآآ ..

يازين يوم اني انا وانتي صغار
توما لبست شماغ وانتي عبايه..

بالطول ماناصل ولا خمسة اشبار

دايم نقيس اطوالنا بالمرايه..

مابيننا شي (ن) نخبيه واسرار

ماغير لعب اطفال كل الحكايه..

ماهمنا موجز ولا نشرةاخبار

التسليه صارت وسيله وغايه..

وان جا فلم كرتون للبس و الفار

نجلس نتابع قصته للنهايه..

بالمدرسه نزعل على شان الاصفار

انتي سبب لعبك وانا من غبايه..

ياما تهاوشنا على كيسة افشار

انحاش به وافرح بطردك ورايه..

وان قلتي يا(محمد) ياويلك من النار

اخاف واستسلم وابين خطايه..

والى ضربتيني تقل بيننا ثار

وان قلت كافي قلتي ماهو كفايه..

والى خلصتي ضرب بيمين ويسار

اخذتي الفشار واللي معايه..

والى زعلت وقلت ابا اروح للدار

صحتي وقلتي اسفه يا غلايه..

واصدقك وافرح بعد ذيك الاعذار

واجيك لا حاقد والا احمل وشايه..

بس لو اشوفك مع بشر غيري اغار

لو كان اخوي أو من أعز اصدقايه..

واركض لخوك اقول شفها مع اكبار

عشان يفرض لي عليك الوصايه..

هذي طفولتنا براءه وتذكار

دايم نحن اليا ذكرنا البدايه..

واليوم ابا اكتبها سواليف واشعار

وافكر انتجها بفلم وروايه..

مولـــ بــالـــحب عــــه " ...

يعافيك ربي يالغلا على هالابدآع
لاحرمنآ جديدك و أبدآعـك

والله يعطيك الف عاافيه ياااشووقي ع الرد

منوره

» وانتي ماشيه بالسوق طحتي اختاري من 1 الين 9
» كيف ابكتب بك قصيدة توصفك وانتي قصيدة