((((من يقول ان البراءه في عيونك سحر وزينه ))))

النهار الي مضى ودع العاشق ضنينه
العاثر الحظ ونكوصه ماتجهمت امتثلت



خذت بعضي ونزويت في متاهات وغبينه
اعتبرت الصد خيره ماتشاءمت تفاءلت



من يقول ان البراءه في عيونك سحر وزينه
من يراهني وانا الي من عيونك انقتلت



ليه ماشفتك حسافه يوم قلبي تاخذينه
او جنون الحب نشوه لين ماحدي ثملت



او لاني عشت قصة حب لوماهو بحينه
او كمين امن المشاعر كذب او مقلب وكلت



تجربه كنتي بحياتي حلم وفصوله حزينه
فيه آلامي جروحي نزف عمري الي بذلت



المهم اني كشفته دورك الي تلعبينه
الطفوله و الخجل ذبت فيهم ونهبلت



ماذكر ان شي لا طلبتي قلت لا لا تطلبينه
والجزا منك الخيانه مهما سويت و عملت



بس يكفي باقي عمري الي بقا لا تهينينه
عزة النفس راس مالي لوفشلت وما وصلت



حبي ودعته دفنته انتي لازم تدفنينه
قولي تم تكفين لني لا طلبتي مابخلت



بنصحك انتي وضميرك يعني بس بينك وبينه
الكذب حبله قصير ينفتل مهما جدلت



لاسالوك الناس عني قولي مدري عنه وينه
ما سال عني وانا صرت مثله ما سالت