(((((( يامشغلن بالك بهم وتفاكير)))))))

يامشغلن بالك بهم وتفاكير
بسباب ولا كود من دون اسباب


الي انكتب ماحال دونه محاذير
الموت حق الوعد يوم الحساب


الي عمل يلقى من الشر والخير
يلقاه قدامه على صفحة اكتاب


صلي وصوم وحج زكي الدنانير
من قبل ما يحثى على قبرك اتراب


وبر امك الي ر بتك يومك اصغير
وبوك لا تنساه لوان قد شاب


الصدق ينجي كيف ما صار ويصير
والكذب زايل كما زال السراب


صديق مابه نفع مافيه من خير
عند النوايب بلاه وللذهاب


صديقك الي بالشدايد يغير
قلبه وروحه بحزاة الصعاب


لا شتت علوم و غدت بك تدابير
تلقاه لا خلوك ربعك والاصحاب


لا من تهايق بك شهيق وزفير
وجفت شفاهك من الريق العذاب


يجيك بعيونه آلام وتحاسير
همه لهمك ومنك عنك ناب


يقول آمر تراك اليوم امير
يجبرلك الخاطر وكبر المصاب


يفداك كله في قليل اوكثير
ينصحك من قلبه سؤال وجواب


ماهوب سلحان وقتك يافقير
على الرخا واللين تلقاهم احباب