مراحب ياحلوين..
اقرو وقولولي وش رايكم..
وحده اسمها ريم شافت حبيبها بالسوق ومعه حرمه وبنوته وقالت:..
بعد خمس سنين مرت انا بالسوق شفته..
صدفه جابتني بدربه من بعد خمسه سنين..
والله اني من سمعته كلم البايع عرفته..
التفت بلهفه اللي حيل مضنيها الحنين..
لكن الصدمه عظيمه شايلن بيديه بنته..
ومعه ام البنت تمشي شابكه فيه اليدين..
وقتها دارت بي الدنيا وحزني مااحتملته..
حارت دموعي واواسي نفسي ياريم اليقين..
وصرت افكر يعني يعرفني مثل ماانا عرفته..
والا ناسي قلبي اللي مارضى بغيره ضنين..
دق جواله ونزل من على الاحضان بنته..
وخثعت بنته ونادى:ريم لالا توقعين..
قمت اناظرها ودمع احتار بعيوني ذرفته..
واستوى هالدنيا عندي عادي لو موتي يحين..
وانحنيت ابوس ريم وخدها الايمن لمستها..
التفت لي وقال لي؛ياهيه فيها وش تبين..
قمت اتجاهل واسوي نفسي كني ماسمعته..
قال؛يااختي ابعدي عنها ولاتستهبلين..
ويوم قرب لي بعيني من ورا البرقع خزرته..
وانكسر صمتي وقلت:الله على الدنيا يعين..
طاح جواله وقال :انا بحلمن حلمته..
ولا واقع فهميني ليه عني تبعدين..
ليه عني ماسألتي وانا هذا الكون بعته..
لجل عينك ياعيوني ومااضنك تجهلين..
انا من بعدك ياريمي حتى طاري العرس عفته..
ناظري فيني وشوفي كيف من بعدك حزين..
والله اني ماانام الاوماضينا ذكرته ..
انتي وحدك من جعلتي قلبي القاس يلين..
اقسم بربي غلاك بيوم ماعمري جحدته..
ماالتفت لبنت غيرك ماسمعت العاذلين..
ماسهجت دروب غيرك دربك بس اللي سهجته..
وش اسوي لجل ياروحي لكلامي تصدقين..
حتى هذي اختي تشهد بصدق اللي قلته..
وهذي طفلتهاعلى اسمك اسمها وتستاهلين..
صدقيني مانسيتكحبك الصادق حشمته..
حتى حرف الراء منك باقي له بأذني رنين..
قلت:انا والله حبك بوسط قلب صنته..
حبك اللي كان اصفى من ورود الياسمين..
كم طلبني واحدن غيرك وانا لجلك رفضته..
ووكم تحملت الغثاء واسمع شماته الشامتين..
وكم لجل عينك بكيت وحتى ليلي لك سهرته..
حيل ذابحني غيابك وفرحو بي الحاسدين..
وانت تدري بأن حبي ماابالغ لو وصفته..
بأنه اصدق حب يحصل في حياه الصادقين..
قال لي:ياريم ربي يشهد بدمع نـ ثرته..
ويشهد اني وافي لحبك ولاسرارك امين..
ارجعي لابوك وقولي نصفي الثاني وجدته..
واحتريني جايب نـ مهرك ودبله باليمين..
ابتسمت وقلت في نفسي حرام اني ظلمته..
ثم طلعت من المحل والفرحه بعيوني تبين..
قمت اتمتم بين نفسي هاذي اخته ..هاذي اخته..
تحياتي{الخجوله}..