غبت
غبت وبدالك جابه الله على الـذوق ......... قلب لقيتـه فيـه نسيـان مافـات
قلب سرقني من رجاويـك برفـوق .......... وانهى بقلبي مـن هـواك المعنـاة
بادلته الإحسـاس بالـود والشـوق .......... وداويت فيه اجروحي اللي خفيـات
وارتاح قلب كان يرجيك مشفـوق ......... رهنتـه لحبـك ولاسـج لحظـات
ضيعت قلب كان بيديـك موثـوق .......... وأهديتـه لغيـرك بليـا حسافـات
صبح الغلا بين بعيني له أشـروق .......... وانهيت من ليل الرجا فيك الآهـات
مابي لك أعذار ومابي لك حقـوق ............. عن وقتي اللي ضاع شوق ومدارات
يقـول وشلونك
يقول وشلونك يبـي يجرحـن زود ........ كلمة عطوف وجرح قلبي وراهـا
يقولهـا والقصـد بعيونـه السـود .......... الكلمـة اللـي قالهـا ماعنـاهـا
بسلوب طيب القلب والعطف والجود ......... يجرح ويـدرك غايـةٍ ماحكاهـا
والمشكل أني له من القلب مشـدودت .......... غار روحي مـن غـلاه ونساهـا
يدري بحبي لـه ولامنـه مـردود ........... إلا ان نفسـي للمـذلـه حـداهـا
يذلنـي لاقلـت ياناعـم الـعـود ............ وإلى ابتعد زود على الروح داهـا
الصبر قالوا لويطـول لـه حـدود ............. وانا لعينـه صبـر قلبـي عداهـا
آخر آهاتي
يا آخر الآهات هز الرجـا فيـك ............ غيابك االلي صرت انا منه محتار
غايب وانا أشوفك بعيني واراعيك ............. من غير ماتدري وأدور لك اعذار
اشتاق لمصافحك وابعـد واخليـك ........... في راحتك مادمت للبعـد مختـار
مادام غيري في حياتـك مسليـك ........... ياقرب يوم خاطري عنـك ينـدار
خذ راحتك دور على مـن يهنيـك .............. أيامنـا كلـه صواديـف واقـدار
حتى العتب ماني معاتـب لياليـك ............ عاتبتها من قبلك بغير وش صار؟
عندي قناعه أن شخـص يجافيـك ............... مامن رجاه الا 00 يولع بك النار
أضحك وصدق ضحكتك لين ينسيك ............. وقتك غلاه وبادلـه صـد وانكـار
بيني وبينك
بيني وبينك مابقـي غيـر مافـات ............ ياللي لغير الجـرح مايـوم حبيـت
سامحت مرات وتغاضيـت مـرات ............. للعذر ويش مـن المعاذيـر خليـت
ماكان حلمي ضعف لو طول اسكات ........... نفسي على كثر الخطا كل ما أخطيت
كـررت غلطاتـك وكثـرت زلات .............. نفسك وانا غريتك بكثر ما أغضيت
مافاد بك صبري وكثـر المـدارات .......... ضاقت سعة حلمي وبالحيـل مليـت
اليوم أنـا مقفـي ولابـه مـراوات .............. ولعزتي معـذور لوفيـك ضحيـت
حاولت اعلمك الوفاطـول الاوقـات ........... وقبلك تعملت الجفـا منـك وأقفيـت
من سألته عنــــــك
من سألته عنك في وجهي تبسـم ......قال هي تسأل بعد نفس السـؤال
ابتسمت وصرت في صمت أتعشم........واتذكر طيفـك اللـي بالخيـال
اعتصر قلبي من الشـوق وتألـم..........منوتي تكرار شوفـك والوصـال
ما اقدر اشكي شوق قلبي واتكلـم...........صابـرٍ ومـطـولٍ للهم بــال
ياعذابي كان أنـا فيـك أتوهـم ..........والغلى ماله على بالـك مجـال
عندك زهور العطر صارت كذوبه
عذبه ياكل الذوق بالحيـل عذبـه ............ ماظن بين النـاس مثلـك عذوبـه
البارحه حسن القمر صـار كذبـه ........... وعندك زهور العطر صارت كذوبه
حتى الفراش احتار من وين دربـه ........... بينك وبين الـورد ضيـع دروبـه
واللي بسحر الزين حسنـه يشبـه ........... لوناظروك النـاس ماشبهـو بـه
وصفك على كل المخاليق صعبـه .............. وان ابتسمتي زاد وصفك صعوبـه
رقـه وحنيـه وعطـف ومحبـه ............. وعند الجميع الله عليـك محبوبـه
أعـمـت الغـيره عـيونـــك للأســـف
خاب ظني فيك والوضع واختلف ............ بعد ماظنيتـك انسانـه مـلاك
أعمت الغيره عيونـك للأسـف ............. واندفعتي مع ظنونك من قسـاك
ماكفاك اللي بربـه لـك حلـف ............... ماخدعك وخان لحظه في غلاك
وان قلبـه بالمحبـه ماعـرف ................ غير حبك ياشقا النفس وهـواك
قلبي المجروح من ظلمك نـزف .................. كل ذرة حب ساقتـه لرضـاك
ابعدي وابعد كفايـه ماوصـف .............. قبلك اخلاص وشوقي في رجاك
بيننا أيـام وتشوفيـن الصـدف........... كل ماجت بي تذكرك بخطـاك
اتصالـــك
هز اتصالك فيني الشوق وانهـار ............... قلبي وزادت حيرتـي والتياعـي
بين الفرح والخوف والشوق والنار ............. ياغاليـه زاد العنـا والصراعـي
تلعب بي امواج الهواجيس واحتار ............. مابين شوقي لك وبين الضياعـي
موجة حنين تزيدني حب واصرار ............. وموجات عن شاطيك تبعد شراعي
ياحبي الخافي وياكـل الاسـرار ............ تحطمت نفسـي ولامـن يراعـي
إلـى ضحـك الليالـي بالانـوار ................ جتنا عواكيس الزمـن بندفاعـي
مدري وش اللي بس تخفيه الاقدار .......... هو لم شمل أوهو فراق وضياعي
بين الرجا والياس قاسيت الأمرار............ أكثر من اللي كان في مستطاعـي
موضوع: رسااايل جديده 
الأحد مايو 31, 2009 10:02 am
