كذبة وفاء
ما دفعنـي للغيـاب إلا لقـاك ............ وماندمت من الفراق الا عليـك
صورتك في عيني إنسانه ملاك ................ وصورتي (كذبة وفاء)ماتهتويك
صعب تجمعنا المسافة في غلاك ............. والمشاعر تختلف فيني وفيـك
كان غيري ماصدق يوم بهواكا ............... لأصابع ماتساوى فـي يديـك
صار شوفك جرح واتعبني لقاك .................. راحتي بالبعد لو قلبـي يبيـك
ابعدي وابعد مادام إنه رضـاك ................. الفراق أرحم لقلـبٍ يرتجيـك
كلمة في خاطري
كلمة فـي خاطـري دايـم تجـول ............... كلمـةٍ لوقلتـهـا لــه ماشقـيـت
ودك أن الحـب مايبلـى خـجـول .................. أنقضى بالصمت عمـري ماحكيـت
إن تلاقينـا وإلـى صمتـى يطـول ............. وإن رحل قلت آه ليتي لـه شكيـت
حايـرٍ بالصمـت مفقـود الحلـول .............. حيلتـي ترديـد كلمـة ليـت ليـت
كلمـا حاولـت اعبـر لـه وأقـول ............... ضـاع تعبيرالـكـلام وماقـويـت
شوق يدفعني وخـوفٍ بـي يحـول ............ لين ضاع الوقـت منـي مادريـت
يازمان الصمت بـي شـوقٍ يهـول ......... وانقضى عمري ولا أدري وش نويت
لاتذكرني
لاتذكرني رحيلـك والغيـاب .............. لا تعجل فـي دمـوعٍ مقبـلات
لاتعذبني قبل وقـت العـذاب ............. لك دموع العين مافيها فـوات
خلني مرتاح لاتطري غيـاب ................ لاتخاف اعتاد ضحكات الشفات
حاسب للهم في بالي حسـاب ............... مانسيت أيامي اللـي مقبـلات
عارف ان أفراحنا هذي سراب ............. تنتهي بكرى وتبقي ذكريـات
ما نسيت أني جريحك لاتهـاب ................ سلوتي يانور عينـي بالحيـاة
لاتلتفت
لاتلتفت مثلك على الصد نقـوى ............ والجرح ياما غير حبك يداويـه
ياما بخلق الله مجاريح رجـوى ......... كم خاطرٍ مجروح والوقت مشقيه
بالناس أبلقى عن رجاويك سلوى ............ مافات شي ومنك انا الحب مابيه
جاملتك التجريح من غير شكوى ............ صبرت لين القلب ضاقت محانيه
يازين ماني لك على منت تهوى ............. يومٍ تبـي حبـي ويـوم تخليـه
بارق سحابك مالنا فيه رجـوى ............ مسكين قلبٍ من لياليك يرجيـه
لاتوهــم
لاتوهم رجعتـي يمـك ذليـل .............. ينقضي عمرك بوهم الانتظـار
كل جرح لعزتي عندي جميـل ............ وكل بسمة ذل بين اشفاي نـار
لونهاري صار من فرقاك ليـل ............. مابكت عيني على شوف النهار
ولو نسيت النوم من هـم ثقيـل ............. ماشكا جفن السهر لك وين صار
طبعي العزه وراسـي مايميـل ............. غير لله فـي مذلـه وانكسـار
كان عندك بي امل لوهو قليـل ............. أمسحه مانيب راجع باختصـار
لحظة التوديع
لحظة التوديع فيها ويش أقـول ............ كل مابالقلـب قالتـه الدمـوع
أعذرن يازين لوصمتي يطول .......... لاتلومن حسرة الفرقـا تلـوع
ودي أوادعك والعبره تحـول ............. موقفي صعبٍ وفرقاكم تـروع
أنتصر حزني وضاعن الحلول ........... وانطفت من لوعتي كل الشموع
في خفا قلبي تعابيـرٍ تجـول ............... في وداعك وانتهت بين الظلوع
للأسف
للأسف وبكل مراره لك أقـول .............. انتهينا واذكـر ايامـي بخيـر
مابقى لي غير فرقانـا حلـول ........... عن هوانا جرحك ابعدني كثير
كم تمنيـت المحبـه لوتطـول ............ و للاسف ماكل مانرجي يصيـر
وردة الأشواق لاجاهـا ذبـول ........... صعب ترجع مثل ماكانت عبير
لاتزيد اعـذار وتعيـد وتقـول .......... من غلاك احساس قلبي مستخير
فات وقت وراحت ايام القبـول .......... الفراق ارحم ولا به حل غيـر
للسالفـه باقــي
للسالفـه باقـي وللوقـت كلـمـه ............ تقولها لك عنـي احـوال الايـام
اللي ذرف لك تالي الدمـع دمـه .............. بكرى تشوفه حب ويشوفك اوهـام
لو للغـلا ياجـارح القلـب ذمـه ............... ماكنت انا اسهر وانت في ليلك تنام
ياللي تعشق الجرح ماذقـت همـه ............ ولا شكيت الحزن ليله من العـام
غير الوفـا ماشفـت فينـا مذمـه ............. واكبر عيوب الورد تعطير الانسام
ماعاد قلبـي فيـك شـي يهمـه .......... بيني وبينـك دارت ايـام وايـام
مات الغلا في قلبي اللـي يضمـه ............. واليوم ذق من صدنا موت الاحلام
لو تبادلني سلامـي
لوتبادلنـي سلامـي بالـسـلام ............ واضحٍ فيك الزعل ماهـو قليـل
باختصـارك ياحبيبـي للكـلام ......... . والتفات عيونك بسرعـه دليـل
واضح أنه ماكفى عـذري مـلام ........... تلتفت يمي وفـي لحظـه تميـل
كم علي أخطيت وتمـر بسـلام ........... ارتضي عذرك وقلبـي مايشيـل
عنك اسامح والتفت لك باهتمـام ............ وابتسم لاجيـت ماكنـي عليـل
انسى جرحي من غلاك ومن هيام ............ نفسي اللي فيك ماترضـى بديـل
لاتذللنـي سبـب زلـه حــرام ............. ماهقيتك يوم ترضى انـي ذليـل
لك شرحت الوضع في كل احترام ............ وش تبي أكثر من العـذر بدليـل
كان قلبك حـب غيـري ماتـلام .............. مالي الا انساك في صبرٍ جميـل
لو ماتشوف الود
لوماتشـوف الـود عينـي بعينـك ............. صدقت هجرانـك وكذبـت عينـي
ولو ماتحس أيدي برعشـة يدينـك .............. لاجيت اسلم قلـت مانتـب تبينـي
جمعت مع صـدك بعينـك حنينـك .............. حيرتني واحترت لك فـي حنينـي
بالله قلـي ويـش بينـي وبيـنـك .............. يغريـك صـد ويبعـدك ماتجينـي
ماشفت شخصٍ مثل طيبـك ولينـك ............... وماشفت انا أقسى منك أبد في سنيني
ما اقول لك مخطي
ما اقول لك مخطي ولا اقول غلطان ........... أقول انا فيك الظـروف اخذلتنـي
مانت اول اجروحي ولا أول انسان .......... غالي ومن شوفته ظروف احرمتني
في قلبي جروح وتباريح واحـزان ........... وعلى الصبر دنيا الشقـا علمتنـي
الله معك وانس الـذي بيننـا كـان ........... غلطه عليك اشواق نفسي رمتنـي
ماغيّرك غيري
ماغيّرك غيري حقيقه وأنـا أخطيـت ............ غريتـك بكثـر الغـلا واحتـرامـي
أسرفت لك بالود ليـن أنـي احييـت ........... فيـك الغـرور بلهفتـي وبهيـامـي
ماتدري أنـك بالجفـا لـو تماديـت ............ تفقـد غـلاك وبـك يقـل اهتمامـي
أعتاد من صدك على الصد إلى أبطيت ............ ويصير مالـك عنـدي الا السلامـي
طرد السراب ورجوة الحـي للميـت ............. ماتخـدع إلا معـه قـلـب عـامـي
ماكنت في بالي
ماكنت في بالي ولاكنت هاويك ............ وماكنت يالغالي تثير اهتمامـي
وماكان يعنيني إلا جيب طاريك .............. اسم وسمعته مثل كل الاسامـي
لين اجمعتني في عيونك لياليك ........... وحسيت لي عندك مكان ومقامي
شديتني في طيبةٍ شفتهـا فيـك ............ وكسبت تقديري وكل احترامـي
مالي ومال الوقـت
مالي ومال الوقت مادمت وأيـاك ............ أنت الزمن لي وانت كل المواعيد
خذ من زماني كل وقتي ويفـداك .............. مافي حياتي لك من الوقت تحديد
أنت الذي في بسمة من شفايـاك ............. أنسى همومي والسعاده لي تزيد
وأنت الذي يااعز غالي بيمنـاك ............. أخذتني من بحر الأحزان للعيـد
أقدر على نسيان قلبي ولا أنساك ............. غيرك أنا يافرحة العمر ما أريد
موضوع: مسجات _ رسايل _ مسج_ رساله 
الأحد مايو 31, 2009 10:05 am
