شيصبرني وأنا احبك ومثلك في البشر نادر

تعودني عليك أيام أبد ما أفارقك ليله
وإذا عنك أروح اليوم أقولك نلتقي باكر

تعودني على لطفك على اسلوبك وتدليله
وتتوقع أنا بحيا بدونك يوم بتسافر

أنا ماودي أشكيلك ولكن قلت الحيله
أليمه فرقتك والله وأنا على البعد مب قادر

دخيلك أجل الموعد إذا تقدر على تأجيله
دخيلك حط دمعاتي في عينك قبل لاتسافر

ياشين الوقت في بعدك دقيقه كنها ليله
شيصبرني وأنا احبك ومثلك في البشر نادر

تعلق قلبي بقلبك يسمع منه ويحكيله
تدلل قول بس اطلب أقولك غالي وتامر

أنا مدري إذا قلبي رفض يصبر شسويله
تخيل حالتي بعدك أنا اتحطمت على الآخر

أكلم نفسي في غيابك ألوم القلب وأشكيله
وأصبـّر نفسي بالقوة وأقضي الليل أنا ساهر

أنا اتمنى قبل لايروح يلمس دمعي منديله
أبيه يحس بإحساسي أبيه يقولي تامر

أبي حضنه يدفيني خليلي ودع خليله
وأقول بصوت به شهقى فمان الله يامسافر

وارجع من المطار وحدي يشلني الهم وأشيله
شيصبرني أنا شهرين وهو بس توه مسافر

عزاي إنه أخذ قلبي في وسط عيونه يشيله
وأنا أصبحت في بعده وحيد وأكسر الخاطر



تحياتي لكم




فااااااااااااااارس العشاق اااااااااااااااه ريتة يدري بغلاته

روووع

تسلم اخووي

أكلم نفسي في غيابك ألوم القلب وأشكيله
وأصبـّر نفسي بالقوة وأقضي الليل أنا ساهر

أنا اتمنى قبل لايروح يلمس دمعي منديله
أبيه يحس بإحساسي أبيه يقولي تامر

أبي حضنه يدفيني خليلي ودع خليله
وأقول بصوت به شهقى فمان الله يامسافر


وربي لقصييد روووعه

مشكوورع الابدااع