جاي تسأل عن مكانك! هو بقى فيني مكان؟؟

ماتغيَّر شي .. لكن .. صار فاضي هالمكـان
يعني إنتَ شفت قلبي طحت مِنْ عيني وعينـه

كان لك قلبي مدينة ولاحظ إني قلت : (كان)
يعني إنتَ الحين واحد (خارج حـدود المدينة)

ليه مستغرب كلامي وليـه أعطيـك الأمـان؟
وليه تَكْذِب في كلامك العـذر وينـك ووينـه!

ما ألومك كان قلبـك ثـارت أمواجـه وخـان!
الخطــا منَّي لأني صرت فـي بحـرك سفينة..

والسؤال اللَّي كتمته وما نِطَـق فيـه اللسـان،
كيف إيدك إطعنتني وآنا أحْسِبْهَـا أمينـة ..؟

يُوم أحبك قلت كلمة : ( يكرَم المرء أو يُهان )
وإنتَ قلبي ما كرمته وما قدرت إنِّـك تهينـه..

( عزِّتـي ).. ما هي جديدة آنا شامخ من زمان،
إغسل إيدك من رجوعي وروح يا إبن اللذينه..

طاب خاطر قلبي منِّك وهذي الفرقـى رهـان
وحتَّى لو قلبي يحبـك ربِّـي بفراقـك يعينـه !!

تدري لما قلت أحبك قلت وما عنـدي ضمـان
واختياري كان خاطىء تجربه بالحيـل شينـة..

كنت تخطي وكنت أسامح مرَّة مرتين وثمـان
أدمح الزلة عشانك وأكتـم أنفـاس الغبينـة!!

كنت أحبك وكنت أعزك والغلا فينـي جبـان!
اخاف تزعل لو ألومك ضعت ما بينـك وبينـه..

ماني أوَّل من يحب ومنتَ آخر شخص خـان...
المحبة في زمانك بحـــرها من غيـر مينـة..

الفشل .. كان النتيجة وأعتقـد آن الأوان...
أبني مستقبل حياتي وأنسى قصتنـا الحزينـة.

وخطوتي الأولى غيابك وراح أطبقها عشـان،
يبكي قلبك لا فقدني والندم .. يملـي سنينـه ..

جاي تسأل عن مكانك !!هو بقى فيني مكان ؟؟
الله يرحمها المشاعر اللي كانت لـك رهينـة.

قلت لك قلبي ( مدينـة ) فيها لك حشمه وشان..
لكن إنتَ الحين أغرب شخص عن هذي المدينة!!
/

والسؤال اللَّي كتمته وما نِطَـق فيـه اللسـان،
كيف إيدك إطعنتني وآنا أحْسِبْهَـا أمينـة ..؟

يُوم أحبك قلت كلمة : ( يكرَم المرء أو يُهان )
وإنتَ قلبي ما كرمته وما قدرت إنِّـك تهينـه..

( عزِّتـي ).. ما هي جديدة آنا شامخ من زمان،
إغسل إيدك من رجوعي وروح يا إبن اللذينه..

رووووعه روووعه يااامولعه وربي خياااال
الله يعطيك الف عاااافيه ع نقلك الرائع
وربي اعجبتني بااالحيل

الارووع وجوودك يالغلا تسلمين ع الرد

مشكوووره ..

روووعه وربي جناااان تسلنيم الله يعطيكـ الف عآفيه
تسلم ايدك ع نقلك

مشكووره مولعه ع الابيات الروووووعه

يعطيك العافيه وما قصرتي

تسلمووون حباابي ع الرد

والله يعاافيكم ع الرد

جزااكم الله خيير

» فيني ألم مامر بقلب مطعون فيني حزن مامر بعيون أيتام
» ((مكانك يالغلاا موجوود))
» لا سفر بعد اليوم زور كل العالم وانت مكانك
» كل شي له بقلبي مكان
» هل لي مكان بينكم ؟؟