طالبك طلبه **وسع لي القبر وياك

مرت أيام ... لا أكل .. لا شرب .. حابس نفسي .. إن كلمني أحد ما أرد .. المدرسه ما قدرت أروح لها .. و كيف أروح و انا متعود كل صباح أمر عليه آخذة ....
غير هـذا .. مكانه بجنبي بالمدرســة اللي رااح يكون فاضي .. وينه اللي كان يجلس فيــه ..؟؟؟ و كيف أتحمل أجلس و هو مو فيه ؟؟!
كنت أنتظره يرجع من القصيم لآجل يرجع لمكآنه جنبي و نرجع مثـل أول !!
قدر الله .. وما شـــآء فعــل ..
كل يوم .. و كل ساعه و كل دقيقه افكر في .. مواقفنا .. جمعاتنا .. طلعاتنا .. سواليفنا .. كل شي ..
جف دمع عيني .. من كثر البكاء ...

غصب .. رحت أختبر الإختبارات النهائيه ..
نجحت بنسبة مرتفعه و مستغرب نفسي كيف جبتها .. 95 % بمساعدة المدرسين و علمهم بظروفي ..

مرت فترة .. و أهلي و أقاربي .. ما يذكرون إسم بسام عندي ..
مره من المرات .. سمعت إسمه يتكلمون عنه ... هاجت نفسي و تذكرته .. و جااني شي عظيم لدرجة التشنــج ..
قدر الإمكان أحاول أتجنب أي شي يجيب طاريه .. ذكراه تهيجني و تأثر تأثير قوي ع قلبي ..




راح .. و راحت خيراته ..
راح .. و راحت ذكرياته ..
رااااح .. و راحت جمايله .. وعضاته ..

بعد .. عدة شهور ..
دخلت الملحق اللي كنا نذاكر و نجلس فيه أوول .. واللي تقفل ما أنفتح إلا هاليوم ..
فتحت البااب .. ما ودي أشووف المكآن و أتذكر المااضي .. لكن إلى متى ..!! قدر الله .. نرضى بالمكتوب ..

.
.
.


هذا المكان .. إيــه يا دنيا ..
نفس المكان .. فيه تجمعنا ..
فيه ضحكنا .. و تكلمنا .. مر الزمــان ..
أوقف .. اتذكــرك ..
....
و أناديــك .. في كل مره ..
دمعي فضــح !!
و إنكشف ســره !!
هــذا المكاااان ..
فتح جروحي ..!!
نزفت روحي ..!!
و يصرخ الخافق .. لرووحي :
نوحي نووحــي !!
هذا الصديق هذا الرفيق !
هــذا هو بلســم جروووحــي ...

نرجــع للمكــاان .. هذا المكان ...
نفس الزمان ..
أجتمع فيه [ إنســاان ]
مع أغلــى | إ ن س ا ن | !

.
.
.

دارت عيني بالمكان ..
دخلت جوا .. أدور بلا هدف ..
بس أتأمل المكآن بحزن كبير ..
و تذكرت اللحظاات اللي عشناها مع بعض بهالمكاان ..
أشوف المرتبه اللي يجلس فيها دآيم ..
و كتبنا الحوووسه .. و الأقلام .. و النوتآآت ..
طالعت بالباب .. أتخيل لو يدخل هاللحظه ..


أطلب منك طلب !!
تسويه لو " مرة "
ابي منك الطله
تسوا ألف طله
و تطفي من الشووق جمرة
و أوعدك يكون سر
و هالقلب ما يكشف لهم سره
أبيهااا
أبيها تبرد من القلب حررة
أبيها .. أبيهاا هالطله ..


.
.

نفضت راسي من هالأفكار ..
خلاص ( الله يرحمه و يغفر له ) ..
رجعت عيوني تتجول بالغرفة .. أو بالأصح " المشب " اللي كنا نتدفى فيه أيام الشتااء الباردة ..

و عيوني تدور .. ركزت ع شيء بالطآوله ..
........ الساعــــه ..!!
هذي السااعه .....
حقت بسااام .. اللي كانت عاجبتني وازعجته بهاا ...
.
تذكرت آخر كلام عنها ...




*****
بسام : هالساعه بتنكسر أو بيجيها شي من عينك .. خذهااا أصرف ..
أنا : لا .. خلها بس أقولك إنها عاجبتني بالحييل ..
بسام : طيب خذهااا هديـه ما تغلى عليك ..
أنا : ماا تقصر والله حرام سعرها يروح فيني : )
بسام : أفاا بس والله تستاهلهاا ..
أنا : تسلــم ..
.
كان مصر إني آخذها لكن أنا رافض لأن سعرها موو سهل ...

و تركها هنا آخر مرة زارني .. ما كنت أدري إنه تاركها .. إلا لما شفتهاا ..

دمعت عينــي ..
و صرخت من جواااا ....
ليتــــك موجــــوووووود ..
( ليــت كلمة صعبة هاللحظه )

خليتهم ... يرتبون المكآن ..
كان حوسه بشكــل و مغبر ...

بعد ما خلصو ..
أعطوني جواال سوني أريكسون .. و قالو إنه موجود تحت المرآتب والكنبات ..

شفته و ليتني ما شفته ..
جواااااااله ..
جواله اللي كان ضايع و لا لقااه ..
مــرت سنه عليه هناا ..
.
تذكرت كلامه ......

******
بسام : أحسن شي إنه ضااع أبي أشتري غيره ..
أنا : حسافه ..
بسام : بكييييفه .. قديم ..
أنا : الأرقام كلهاا فيه صح ..! طــاااارت ..
بسام : نسجلها من جديد وش المشكله .. أهم شي أشتريت جواال جديد ..

.
.

لا الجوااال و لا السااعه .. ليتني ما شفتهااا .. ضاااقت علي الدنيا بهاليوم .. و رجع للصدر همووومه ..

كل هذا غير الدفاتر و الذكريات و حركآت أوول .. اللي كلما دخلت غرفتي لازم أشوفهاا ..
كنت بحط صور لـ بعض هالذكريآت .. لكن ما حبيت الفكــرة ..
خليها مدفونه جوا الدولات أحسن لا تطلع ..

/
/
/
/
/

بعد وفاة بسام بفترة ما أتذكر كم .. لكن كان بوقت رجوع حالي الطبيعي لي .. و بديت أدخل مع الناس بعد ما تقوقعت عنهم فتره طويلــه ..

أتصل علي إبراهيم .....
أستغربت إتصااله ... من بعد وفاة بسام .. قطعتهم و لا صرت أشوفهم ...
بعد السلام .. و السؤال عن الحــال ..
إبراهيم : وينــك ما عاد شفتك .. تقطعناا كذا .. كم شهر ما شفناك ؟ و كلما بغيت أقابلك تصرفنــي ...
أنا سكت .......
( الصــدق ... بسام و أخوآنه يتشابهوون كثير .. و أقرب واحد لملامح بسام هو إبراهيم اللي أكبر منه بسنتيــن ) ....
عشاان كذا أنا أصرفه ماابي أشوفــه و أتذكر بسااام .. عارف عمري بتأثررر لا شفتــه ...

نرجع للمكآلمه ..
إبراهيم : أكلمك أنت معي ؟؟
أنا استوعبت : إيه كمل وش اتقول ؟
إبراهيم : الأن ودي أجي أشوفك ..
أنا : الله .. يحييك يا هــلا بك .. أنتظرك ..
.
الصدق ما كنت حااب فكرة إنه يجينــي .. مابي أشووفه بنفجــر ..
.
لما وصــل البيت ..
إبراهيم : يالله حيــووه ..
( أنتبهت للكلمــة ! هذي دآيم بسام يقولهااا ... تضآيقت و أعتفس وجهي )
أنا : ربي يحييك .. شرفتنــا نور البيت ..
( من أول ما جا وأنا ما رفعت عيني عليه مابي أشــــوف وجهه )
إبراهيم : وش فيك ؟
أنا : ها ؟
إبراهيم : كانك مرتبك ؟؟ هي أول مره تشوفني ؟؟؟
أنا أطالع الجدار : ليـه ؟ ملااحظ ؟
إبراهيم : طالعني طيب ..
رفعت عيني له .. و شفت ملآمحه .. جاا في بآلي وجه بسام آخر مره شفته ....
إبراهيم : ؟؟؟؟؟
أنا بدون شعور : والله أنك مــره تشبهه ...
إبراهيم تغير وجهه : الله يرحمه ..
سكت شوي بعدين كمل : لو تبيني أكون بدل بسام أبشر ..
أنا دمعت عيني : لو .. ألف الدنياا و أدوور ما ألقى مثلــه ... حتى لو إنت حاولت .. والله ما تجي ربعــــه .. هو صاحبي الأول و الأخيــر ..
إبراهيم أنزعج من كلامي : الدنيا ما تتوقف هنــاا .. قداامك الطريق .. لا تخلي اليأس يتملكك ....
( الصراحه مااسك نفسي بقوة .. سيرة بسام فتحت جروووح .. و لو إن إبراهيم مو موجود كان أنفجــرت )
مد لي يــدة ..
إبراهيم : هذا جوال بسام ..
أنا تنحت : ليه أنا .. بالذات ؟
إبراهيم : ما ودنا نبيعه .. غير كذا .. أنت أولى من غيرك يااخذة ..
أنا سكت ما رديت عليه .. " يمكن بسام ما يرضى أحد يآخذه .. لأنه كان يحب هالجوااال كثير " ..
( أستغربت تفكيري الغبي )
إبراهيم : هذا الجوال بين يديك ما حركناه أبد .. سـو فيه اللي تبي .. لكن لا تعطيه أحد ... إذا ما تبيه بااخذة أحتفظ به عندي ..

أنا .. أخذته .. بدوون تردد .. أكيد أبيــه .. عشان أتذكره ما أنسااه .. يكفي فيه لمسات الغالي ..
.
كلمتيـــن .. و بعدها طلع من عندي إبراهيم ..
.
.
فتحت الجواال عشاان أستخدمه ..
أول ما فتح .. وصل مسج ...
فتحته .. المرسل > حمد <
المحتوى :
( وينك يا قاطع ما تسأل و لا شي نهــون عليك - ليه جوالك مقفل ؟ )

عورنــي قلبي ع المســج و ضييق صدري بالحييييل ..
حمد واحد من أخويااه بالقصيم .. ما عرف بخبر وفاتــة ....

رديت عليه ..
( بسام بن .... ال .... يطلبك الحل .. والله يرحمـه )

فتحت الذاكرة ..
الرسايل المرسله قريتهااا ..
كلها سوآليف ..
جتني ضيييقه ... و رجع لي الهم ثااني ..
.
حولت ع الصور .. صور له و لأخوانه و أخوياه ..
دمعت عيوني .. ( توي نسيتك و أرجع أتذكرك )
الله يرحمك ..
ما قدرت أكمل .. مااا أتحمل هذاا كله ..
كسرت الذاكرة عشان ما أرجع افتحهاا من جديد ..
و شلت الشريحــه .. و رجعتهاا لإخوه ..

.

أستخدمت الجواال .. و أشتريت بعده كثير لكن ما غيرته .. هو الأساااسي .. خرب وتكسر لكن متمسك فيه ..
طبعا غير القديم اللي لقيناه بالملحق ..

.
.
.
.
.

بسام مالك قلوب الناس .. لطيب أصله و تواضعه .. و حبابته ...
أول هالناس هو [ إبــوي ] ..
ما كآن يبيني أصآحب غيره ..
يحبه و يعتبره زي ولــده ..
نادر إبوي تعجبه الشخصياات .. بس بسام غيــــر ...
و من حبــه له ..
بعد وفآته ..
بنى له مسجد في أبهاا ..
الى الأن و هم يبنون فيــه ..


و أرسل مجموعــه لـ أفريقيا .. تحديدا .. إلى ( سيراليون )
و بنو لـه جامع هناك ..
إنتهوا من بنآيته قبل أقل من السنــه ...
.

كثير سأل كم مضى على هالحدث ..

مر عليه سنتين و شوي ..

و الأن عمري 17 أدرس بثآلث ثآنوي .. أصغر من بسام بسنه تقريبا



يتبـــــــــــــــــــــــــع ,\

















--------------------------------------------------------------------------------

فترة الأقامة : 166 يوم
زيارات الملف الشخصي : 107

إحصائية مشاركات » ||بنوته گول هبله ع طول ||
المواضيـع الــــــردود
[+] [+]

بمـــعــدل : 0.94 يوميا

||بنوته گول هبله ع طول ||
مشاهدة ملفه الشخصي
إرسال رسالة خاصة إلى ||بنوته گول هبله ع طول ||
البحث عن كل مشاركات ||بنوته گول هبله ع طول ||
إضافة ||بنوته گول هبله ع طول || إلى الإتصالات الخاصة بك

04-15-2010, 04:35 PM #4
||بنوته گول هبله ع طول ||
▪« حلآَ بدآ يطَير’ ≈●
شآمخه حيل وهآمتي مرفووعــه



--------------------------------------------------------------------------------





بيانات اضافيه [ + ]
رقم العضوية : 5
تاريخ التسجيل : Mar 2010
أخر زيارة : 07-06-2010 (09:19 PM)
المشاركات : 157 [ + ]
التقييم : 10

لوني المفضل : Cadetblue


--------------------------------------------------------------------------------



إلى هنـآ .. إنـتـهــى .. سـرد قصتـي ..

.
.

[ دعــــآء ]
.
.
.

اللهـم .. يا حنَّان يا منَّان يا واسع الغفران اغفر له و ارحمه و عافه و اعف عنه

و أكرم نزله و وسع مدخله و اغسله بالماء و الثلج و البرد و نقِّه من الذنوب و الخطايا كما ينقَّى الثوب الأبيض من الدنس

اللهـم .. أبدله داراً خيراً من داره و أهلاً خيراً من أهله ..

و أدخله الجنة و أعذه من عذاب القبر و من عذاب النار

اللهـم .. إن كان محسنا فزد في حسناته و إن كان مسيئا فتجاوز عنه يارب العالمين

اللهـم .. اجعل قبره روضة من رياض الجنة و لا تجعله حفرة من حفر النار

اللهـم .. ارحمه تحت الأرض و استره يوم العرض و لا تخزِهِ يوم يبعثون

اللهـم .. يمِّن كتابه و يسِّر حسابه و ثقِّل بالحسناتِ ميزانه و ثبِّت على الصراط أقدامه

و أسكِنه في أعلى الجنات في جوار نبيِّك و مصطفاك صلى الله عليه و سلم

اللهـم .. أمِّنه من فزع يوم القيامة و من هول يوم القيامة و اجعل نفسه آمنةً مطمئنة ، و لقِّنه حجَّته

اللهـم .. اجعله في بطن القبر مطمئنا و عند قيام الأشهاد آمن و بجود رضوانك واثق و إلى أعلى علو درجاتك سابق

اللهـم .. حل روحه محل الأبرار و تغمَّده بالرحمة أثناء الليل و النهار برحمتك يا أرحم الراحمين

اللهـم .. أوصل ثواب ما قرأناه من القرآن العظيم إليه و ضاعف رحمتك و رضوانك عليه

اللهم إني أسألك بمنك وكرمك أن تتغمد الفقيد برحمتك الواسعه

وأن تجعل قبره روضه من رياض الجنه

وأن تثبته بالقول الصالح

نسأل الله العلي القدير ان يجعله من اهل الجنه

وان يسكنه فسيح جناته وان يجعل قبره روضة من رياض الجنة

وان يمد له في قبره مد البصر

وان تكون الآخرة خير له من الدنيا

وان يفتح لها ابواب الجنان

اللهم اجعل قبره روضه من رياض الجنة اللهم ابدله دارا خير من داره ..

اللهم ابدله اهلا خير من اهله اللهم صبر اهله على فراقه و اجمعهم به فى الفردوس الأعلى ..

اللهم اغفر له و لجميع موتى المسلمين .. اللهم اغفر لهم جميعا وارحمهم ..

اللهم اغفر لجميع موتى المسلمين الذين شهدوا بأنك الإله الحق ..

وأن محمداً عبدك ورسولك وماتوا على ذلك ..

اللهم آنس و حشته و أغفر زلته و نفس كربته

اللهم أجعل القرآن الكريم في قبره جليسا و أنيسا ويوم القيامة شفيعا و إلى أعلى جناتك قائدا و رفيقا

اللهم ثبته يوم الدين و ثقل موازينه و يمن كتابه و يسر حسابه و اجعله من ورثة جنة النعيم

اللهم أنزل على قبره الضياء و الفسحة و السرور و الروح و الريحان و الفسحة و الرضوان ونور له في قبره ووسع له مد بصره

اللهم شفع فيه القرآن و شفع فيه نبيك المصطفى و أرورده حوضه المورود و احشره تحت لوائه المعقود

اللهم أجعله في بطون الألحاد من المطمئنين و عند قيام الأشهاد من الآمنيين

اللهم أكرمه و لا تهنه و رضه و أرض عنها

اللهم أرفع ذكره و أرفع درجته و أكرم مقامه يوم الدين و اجزل ثوابه

اللهم أجمعه مع المتقين في جنات و نهر في مقعد صدق عند مليك مقتدر.
.

اّميـــن يــا رب العالميــن

.
.

مشكوووره حبيبتي ع الموووضووع

وتسلم ايدك ع النقل

الله يسلمك

مشكوره هلاليه ع موضوعك

الله يعطيك العاافيه

ولا تحرمينا من مواضيعك يالغلا

الله يعافيك ياقلبوا الله لايحرمني منك يارب