مكتوب يادنيا الجروح

يادنيا كافيني هموم وكافي على قلبي عذاب
كافي اللي جاني من جروح صارت على وجهي تبين


راح العمر وانا أقول يجي لقا عقب الغياب
وأقول اكيد انه يجي يومٍ على حظي يزين


لكن أشوف ان الهنا صاير كما حلم وسراب
وأشوف حظي في الهوى صاير على قلبي يهين


ياما تمنيت أستريح وأعيش أنا فوق السحاب
واخلي حزني والهموم وابيك يافرحة تجين


مكتوب يادنيا الجروح نبقى انا وانتي قراب
نبقى رفاقة في العمر ونبقى سوى طول السنين


ياربي ياللي نرتجيك ياليت رجواتي تجاب
هوّن على مر الحياة وليتك على الشدة تعين

منقول لروعتهــا ...