احتاجلك اذا ضيق الوقت صدري/روايه رومانسيه مره

البارت الـ 13

يوم الخميس ليله الحفل
لجائزه افضل لوحه فنيه

الساعه 6:30 المغرب
ريم تنزل من الدرج وهي ميته رعب وتروح للصاله
ريم بتوتر:هاسعود يلا
سعود يطالع في ريم ويضحك
ريم متعجبه
ريم: خير!!؟
سعود:امي شوفي شكلها كنها رايحه تشوف خطيبها
ام سعود تبتسم:الله يوفقك يابنتي ماعليكي من اخوكي هذا مخرف
سعود: الله ياامي دحين صرت مخرف
ريم تبتسم: احسن خذ على راسك
ام سعود:يلا خلاص اتوكلو على الله
ريم: ماما فين بابا
ابو ريم يدخل: انا هنا يا احلى الحلوات
ريم تبوس يد ابوها: وانت احلى الأبهات
ابو ريم :الله يوفقك بنتي
ريم تبتسم: الله لا يحرمني منكم انشاء الله
ليان: الله الله يعني انا مافي عندكم مافي انا في العيله
سعود: البنت كلّجت
الكل يضحك
ابو سعود: وانتي كمان احلى الحلوات
ليان: ايوا كذا طيب انا ابغى اروح معاهم
سعود: كملت
ابو سعود: تروحي حبيبتي ليش ماتروحي
ريم: ياناسو عليها حبيبتي بتجي معايا
ام سعود وابو سعود يبتسمو
ريم: طيب ليش ماتجو انتو معانا
ام ريم: ومين قال اننا بنخليكي لوحدك
ريم بفرح: والله حمااس

عند المركز
عند الإستقبال في الدور الأول
ابو سعود: السلام عليكم
الإستقبال: وعليكم السلام
ابو سعود: لو سمحت المشاركات لفين يروحو
الإستقبال: المشاركات يطلعو فوق وياخذو هذي الأوراق يكتبو بياناتهم هناك ويجي أخ وبيستلمها منهم
وانتو اهلها تتفضلو هنا تجلسو لأنو ممنوع الدخول لغير المشتركات واللجنه
سعود يكلم ريم بصوت واطي: ابويا قالو جمله وحده الا هوا قال فيه مقال
ريم تدق سعود: اسكت
ابو سعود: يلا حبيبتي خذي هذي الأوراق اكتبي بياناتك فوق واحنا نستناكي هنا
ريم: اطلع لوحدي اخاف
ام ريم: ايش الي بيخوف؟
سعود: ايوا ايش يطلعها لوحدها
ابو سعود: انتو مو في اي مكان وبعدين انا مااخاف على ريم اخاف على الناس من ريم
ريم تبتسم وتاخذ الأوراق
ريم تلتفت على امها وتحضنها:الله لا يحرمني منك ياماما
وتحضن ابوها: الله لا يحرمني منكم
الكل مستغرب من تصرف ريم
ريم: تطالع في امها وابوها وكانت تبغى تبكي بس قدرت تمسك دموعها
ريم تطلع الأسنسير
وتوصل للدور الرابع وهي طالعه من الأسنسير عند الباب تطيح الأوراق وتنزل تجيبها
وبنفس الوقت قدامها شخص لابس غتره وثوب وكان كشخه تطيح منه اوراقه مع اوراق ريم
وينزل يجيبها
ريم ترفع راسها والشخص يرفع راسه
تجي عيونها في عيونه وكل واحد تفوح ريحه عطره وتجنن الثاني

يوم شفتـہ

متكشخ ... ومتعطر ... ومتزين

طآح كـآسي

فدوتـہ رآسي ... ونآسي

مو بكيفي ...!!

يُمـہ جنني بـ { حنانــہ

|| مآآآ يـخـون ||

الهوى عندهـ امانــہ

وريحة انفاسـہ { دخـون !


10 ثواني ماتزيد الا ريم تشيل اوراقها وتبعد عنها وتروح لموقع الرسم وهيا ترجف وقلبها يدق بسرعه وتتنفس بصعوبه
ريم في نفسها: انا ايش صار فيني ليش ارتبكت كل هذا الإرتباك
ريم تحط يدها على قلبها:يالله اهدي ياريم اهدي


ريم وهي مرتبكه
......:لو سمحتي
ريم: هلا حبيبتي

لمار وحده من الي مشاركات عمرها 19 بنفس جامعه ريم
لاكن تخصصها علم نفس غير تخصص ريم انسانه رقيقه ناعمه

لمار:انا مرره خايفه هوا انا بس الي خايفه ولا ايش؟
ريم: ياحبيبتي صدقيني مافي وحده خايفه اكثر مني
لمار:لاعارفه منتي فاهمتني هذي اول مره اختلط فيها
ريم: وانا زيك ياعسل

بدء وقت الرسم وكل وحده صارت ترسم

لمار: خاايفه
لمار كانت ترجف
ريم: حبيبتي اهدي ماراح تعرفي ترسمي كذا
لمار: بحاول اهدي
ريم: فكري في الرسم لا تفكري في الي حولك ولا مين حولك
كنك في غرفتك وترسمي بدفترك
لمار: اوكي

ريم بدآ ترسم
وكل المشاركات بدؤو يرسمو
بعد نص ساعه
ريم حست بشعور غريب
حست انها متضااااايقه وحست انو صاير شي
ريم تركت فرشاة الرسم
ريم مع نفسها: اعوذ بالله من الشيطان الرجيم
ريم تمسك الفرشه وتكمل رسم
وبعد نص ساعه تانيه

انتهى وقت الرسم فالتتقدم كل واحده منكم بتقديم لوحتها للمسؤولين

الكل قدم لوحاتهم ولأن ريم خجوله ماقدرت ترفع راسها لأن المسؤول كان رجال
فأعطته اللوحه من غير ماتطالع فيه
المسؤول: لو سمحتي
ريم على طول رفعت راسها

ألقى خيالك في خيآلي .. و { أضمممه !

وأشوف زولك ، بين { رمشي وعيني !}
يمرني طاريك عجــل !

وألمـه ~

من لهفتي عليك .. تسببق { عيوني يديني !}

مثل العبير ، يفووح - عطرك - و { أشمممه ~

في لحظة / تسوى بقـايا سنيني !

أحتاج لك

أحتاج لك

أحتاج لك

حاجة وريدي لِ - دمه -
ترد لي روح , { تروح وتجيني .. }

المسؤول بإرتباك:لوحتك حلوه
ريم انحرجت وماقدرت وراحت وتركته وهيا ترجف وقلبها يدق بسرعه
ريم في نفسها:هذا صوت رجوان معقول معقول يكون هوا

الرجاء من جميع المشاركات العوده لأماكنهن

لمار: ماشاء الله لوحتك تجنن
ريم: حتى لوحتك ماشاء الله خيالك كان حلو
لمار: لا بس صدقيني انتي الي بتفوزي
لو لاحظتي كلنا كانت لوحاتنا تعبر عن الخيال والطبيعه لاكن لوحتك كانت تعبر عن الرومانسيه
ريم: ماادري بس يمكن في احلى..على فكرا انتي ايش اسمك؟ انا ريم
لمار تبتسم: ادري انك ريم قريته لما كتبتيه على اللوحه مانزلت عيوني من عليها ماشاء الله مبدعه..انا اسمي لمار
ريم: تسلمي حياتي وعاشت الأسامي
لمارتنزل راسهاخدودهاحمرا
ريم: ايش فيكي انحرجتي؟
لمار: انا كذا انحرج بسرعه
ريم: ياناسو عليكي شوفي خدودك كيف صارت
ريم ولمار:يبتسمو

وبعد كم دقيقه

وقت اعلان الفائزات

ريم تمسك يد لمار

الفائزه بالمرتبه الثالثه

فلانه بنت فلان
الفائزه بالمرتبه الثانيه
(لمار بنت .........
لمار :لا مو مصدقه
ريم:مبروك ياعسل
لمار تروح تاخذ الهديه

صاحبه المرتبه الأولى اميرنا يفضل انه يقولها بنفسه
الأمير: السلام عليكم
بصراحه كنتو جدا مبدعات وكانت لوحات قمه الروعه
بس هناك لوحات فيها شيئ من الغرابه
وفي لوحه كانت معبره
اثرت فيني وفي اللجنه
كانت قمه الرومنسيه والنعومه
صاحبه اللوحه هي
(ريــم بنت .............
ريم بفرح شديد: لا انا لا مو مصدقه
لمار: مبرووووووووك
البنات كلهم يصفقو
ريم تروح تاخذ الجايزه من الأمير وهيا منحرجه
ريم تروح عند لمار: الحمد لله
لمار: ياحياتي انتي مبروووووووك
ريم:الله يبارك فيكي
لمار: قلت لك بتفوزي
ريم: حياتي قبل لا تطلعي عطيين رقم جوالك
لمار: اوكي 056.......؟
ريم: خلاص بتصل فيكي وسجلي رقمي مستعجله بروح اخبر اهلي
لمار : اوكي
ريم تنزل في الأسنسير
ريم:فزت فزت
سعود: مبروووووووووووك والله مو مصدق
ريم: والله فزت
ريم: فين ماما وبابا
سعود: طفشو قالو يروحو البيت يرتاحو
ريم حست بنفس ذاك الشعور حست بضيق
ريم صارت تطالع في سعود وكنها مصدومه
ريم: سعود وديني البيت
سعود: ريم ايش فيكي؟
ريم: سعود الله يخليك
سعود: اوكي يلا
عند بابا البيت
ريم تجري تروح تفتح الباب وتدخل الصاله
ريم بفرح: ماما بابا فزت فزت
ريم تسكت وتطالع حولها
سعود: فين راحو ليش ماجو البيت
ريم: لا انا كذا بديت اقلق من جد
سعود: يمكن راحو عند خالتي
ريم: انا حاسه انو صار شي
سعود بعصبيه: ريم فاولي فال خير
سعود ياخذ الجوال ويدق على ابوه
ريم تاخذ الجوال وتدق على امها
ليان تدمع: فين ماما ابغى ماما
سعود وريم مع بعض: مقفل
ريم: لا مااقدر اجلس لا زم اعرف فينهم سعود لا يكون صاير لهم شي
سعود بعصبيه: ريم لا تقولي كذا انشاء الله بخير
يدق جوال سعود
سعود: رقم غريب
سعود يفتح الخط: الو
المستشفى: السلام عليكم اخ سعود
سعود: وعليكم السلام مين معايا
المستشفى: معك مستشفى ــــــــــــــــــــ
سعود بفجعه: خير
ريم خافت وحضنت ليان
المستشفى:الوالد والوالده هنا عندنا صااير لهم حادث
سعود: حادث
ريم: ماما بابا
سعود يسكر الخط وهو مصدوم
ريم تبكي: سعود ماما وبابا فين فينهم ياسعود
سعود: صاير لهم حادث
ريم بصدمه: لا لا تقول قول انك تمزح
سعود بصراخ: قومي بسرعه خلينا نروح لهم المستشفى

في المستشفى
ريم تجري هيا وسعود وليان للعنايه المركزه
عند الباب يطلع الدكتور
سعود: دكتور كيف حالتهم
الدكتور: انتو اهلهم
سعود وريم: ايوا
الدكتور: ماااقدر اخبي عليكم حالتهم جدا صعبه
كل شي بيد الله
ريم: لااااا
سعود: طيب نقدر نشوفهم
الدكتور: مستحيل
الدكتور يروح
ريم تبكي: سعود لا ياسعود اكيد بيمزح الدكتور صح
سعود يحضن ريم
ليان تبكي: ابغى ماما وبابا
سعود: بس خلاص اهدو
ريم: كنت ابغاهم يحسو بفرحتي ياسعود
سعود: ريم خلاص ..خلاص ياريم
ليان تبكي:ماما ابغى ماما
سعود: انا مو قادر لكم "غصبا عنه نزلت دمعه خوف على خده"
ريم تجلس بالأرض: آآآآآه انا مالي غيركم لا تتركوني
يارب تاخذ من عمري وتعطيهم يارب
ليان تحضن ريم: انا خايفه
سعود يتصل في مازن:مازن تعالي على مستشفى ـــــ
مازن بفجعه: ليش؟
سعود: اهلي مسوين حادث وحالتهم صعبه تعال وخلي خالتي تجي تهدي ريم انا مو قادر اهديها انا اعصابي تالفه
مازن: خلاص خلاص انا جاي
رولا بفجعه: مازن ايش فيك؟
مازن: خالتي رانيا وزوجها بالمستشفى مسوين حادث يلا البسي خلينا نروح بسرعه
سعود يقول ريم مرا منهارا
رولآ تشهق : خالتي
سعود يدق في امه: امي بسرعه تعالي على مستشفى ـــــ
ام مازن مفجوعه: ليش خير؟؟
مازن: خالتي وزوجها مسوين حادث
ام مازن: رانيا ...طيب هيا بخير
مازن: امي بقول بسرعه سعود يقول تعالو هدو ريم مرا منهارا
ام مازن: يلا يلا
في المستشفى
رولآ: ريم
ريم تحضن رولآ: شفتي ايش صار يارولآ مالي غيرهم
ام مازن تبكي: اختي ايش فيها؟
رولآ: ريم اهدي اهدي حبيبتي انشاء الله بتطلع بالسلامه
نوف: ريم حياتي لا تبكي انشاء الله يكونو بخير
ام مازن: ابغى ادخل عندها
سعود: الدكتور يقول حالتهم ماتسمح اننا ندخل
ام مازن: يارب تخلي اختي لعيالها يارب
ريم: خالتي لو ماما وبابا تركوني انا مااعيش هما اغلى شي في حياتي
الخاله: اهدي حياتي يقومو بالسلامه انشاء الله
رولآ: ريم حياتي اهدي انشاء الله مافيهم شي
نوف تحضن ريم: ياعمري انتي حبيبتي الله يخليك عشاني لا تبكي
نوف صارت تبكي:ريم لا تبكي انشاء الله خالتي بتعيش وتكون بخير
الخاله: تعالي ماما ليان
ليان: ابغى ماما
الخاله تحضن ليان
ريم: كنت بفرحهم كنت بقولهم انتي فزت كنت ابغاهم يقولولي مبروووووك ليش
ليش فرحتي ماتكمل ليش ياربي ليش
رولآ: ريم مايصيرالي قاعده تقوليه
ريم: كنت بفرح وافرحهم كانت احلى فرحه فرحتها في حياتي
سعود بعصبيه وهو يدمع: بس ياريم بس كفايا وامي وابويا ماراح يتركونا راح يكون معانا طول العمر
الخاله: خلاص حبايبي انشاء الله مافيهم الا العافيه
مازن يقرب من سعود: سعود المفروض انت تهدي عليهم مو تعصب
سعود: مرره خايف يامازن هذول اهلي
مازن: الي كاتبه الله بيصير وانشاء الله يطلعو بالسلامه
ريم افتكرت الحلم الي حلمته
ريم تصرخ وتحط يدها على فمها:لااااااااااااااااااا
الكل يطالع فيها
ريم: مومعقول لا مستحيل لاااااا
سعود يمسك ريم وهيا منهارا: ريم ايش فيكي ريم اهدي
ريم: سعود لا مو معقول يتحقق لا
الخاله: ايش هوا ؟
ريم تبكي: مستحيييييييييييييل لا
سعود فهم ريم
سعود يحضن ريم: لا ياريم لا ..انتي اهدي بس...اهدي ولا تفكري بهذا الشي
رولآ تطالع في مازن ونوف

في سويسرا
الفجر طلع ماهر يتمشى لوحده
ماهر وهو يكلم نفسه: آآه ياريم مااتوقعت انك تصديني بهالطريقه
ماراح اتنازل عن حبي لك
ولا راح اتخلى
راح افضل وراكي لين تحبيني
وتحسي فيني
كثير غيرك يتمنو هالحب ليش ماتحسي بحبي لك معقوله تحب غيري
والله مااخليه يتهنى بيكي يوم واحد مااتخيل انك تكوني لغيري ياريم
ولا اتخيل اني اكون لغيرك ياليت تكوني معايا دحين واقولك كل الي بخاطري
ياليت تفهميني وتسمعيني ياارق انسانه بهالكون يامالكه جمال الكون
يامالكه قلبي واحساسي بيدك تعيشيني وبيدك تقتليني آآآه ياريم متى تحسي فيني

في المستشفى
والكل واقف عند باب غرفه العنايه يستنى الدكتور
ريم جالسه على الأرض وحاطه راسها ع الجدار
رولآ وسعود والخاله وليان ونوف جالسين مكان الجلوس
وليان كانت نايمه بحضن سعود
سعود: خالتي حاولي في ريم خليها تجي تجلس هنا مو طيبه جلسه الأرض
البلاط بارد عليها
رولآ:والله تعبت وانا اقولها تعالي مو راضيه
الخاله: ريم مااره معنده الله يهديها
مازن: رولآ روحي تاني حاولي فيها
نوف :بروح معاكي
رولآ تروح لريم:حياتي خلاص يكفي لا تبكي وتعالي هناك لا تجلسي في الأرض
نوف تجلس جمب ريم: ريم حبيبتي البلاط بارد لو تبغيني امرض خليكي جالسه
عشان انا مو متحركه الا اذا انتي اتحركتي
ريم ساكته
رولآ:ريم عشان خاله رانيا وعشان بابتك يلا عشان خاطرهم
تعالي اجلسي
ريم تقوم وتروح تجلس جمب سعود
ريم تشيل ليان من على سعود وتحطها بحضنها وتحضنها
سعود يمسح على شعر ليان
ويمسح دموع ريم
رولآ تشوف منظرهم وتبتسم
كشف الدكتور على الأهل وطالع من الغرفه
الكل يوقف
ريم تروح لدكتور: دكتور الله يخليك طمني
الدكتور: والله حالتهم مااتحسنت بس انشاء الله يكون في تحسن
ريم:الله يخليك دكتور ابغى اشوفهم دقيقه بس مااطول
الدكتور: اذا انتي خايفه على صحتهم لا تدخلي
ريم تبكي: اترجاك بس اشوفهم
الدكتور: بس توعديني انك ماتقربي منهم ولا تحاولي تكلميهم
ريم: خلاص اوكي بس ادخل واشوفهم
ريم تدخل عند امها: ماما
السستر: لا دكتور يقول مافي كلام
ريم تحط يدها على فهما
ريم:ماما لا تخليني ياماما انا مااعيش بعدك ماما قومي كلميني
سعود يدخل: ريم وبعدين معاكي
ريم: سعود ماما ماتكلمني
سعود: ريم اطلعي
ريم: سعود ماما ماتكلمني
سعود يمسك ريم ويطلعها
ريم: اشوف بابا اشوف بابا
سعود: لا لو بتتكلمي مافي
ريم: لا ماااتكلم بس اشوفه
سعود وريم يدخلو عند ابوهم
ريم بصوت واطي: بابا
سعود: اسكتي
ريم تمسك يد سعود: سعود اول مرا اشوف ماما وبابا كذا انا خايفه
سعود: انشاء الله يطلعو بالسلامه
ريم: يارب تخليلي ماما وبابا يارب

يرن جوال الخاله رنا
رنا:هذا البيت احنا نسينا ريان
مازن يضحك:تلقيه مفجوع
رولآ: ياحرام
ريان: انتو فين؟
ام نوف:احنا بالمستشفى خالتك سوت حادث بابا حبيبي قول للشغاله تسويلك اكل
ريان: ماابغى اكل انتو تعالو خلاص
ام مازن: خلاص حبيبي دحين يجيك مازن
ريان: طيب بس قوليلو لا يتأخر
ام مازن تبتسم: تآمر
ريان: مع السلامه
ام مازن: مع السلامه

ام مازن تسكر الخط
مازن حبيبي روح جيب ريان
مازن: ماله داعي
رولآ:حرام عليك تلقاه خايف لوحده
ام مازن: يلا مازن حبيبي قوم
مازن:انشاء الله مااقدر ارفض طلب من اغلى اثنين ملكتهم في حياتي
رولآ تبتسم
ام مازن: الله يسعدك ويهنيك
مازن يروح
ريم تطلع من الغرفه وهي منهارا
ريم:خالتي ماما وبابا مايردو عليا
الخاله:وبعدين ياريم
الخاله تحضن ريم:اهدي حبيبتي اهدي
رولآ:كيف حالتهم؟
سعود مايبغى يتكلم عشان لا يخوف ريم اكثر
سعود:انشاء الله خير
الدكتور:لوسمحتو وجودكم هنا مالافايده وياليت تتفضلو
ريم:انا مو متحركه من هنا الا مع ماما وبابا حتى لو كلنا نخرج جثث
سعود بعصبيه:ريم لا تقولي كذا
الدكتور:لوسمحتو تتفضلو مسببين ازعاج
رولآ :خلاص خلينا نروح البيت
ريم:ماقدر ماقدر
نوف: حبيبتي ريم اسمعي الكلام يلا تعالي معايا
سعود:ريم شفتيهم واتطمنتي عليهم
ووجودنا ماله داعي
خلاص خلينا نرجع البيت شوفي ليان كيف تعبانه
ريم تطالع في ليان
رولا تمسك ريم من خصرها:ها حبيبتي يلا نروح
ريم تروح تشيل ليان
والكل يطلع من المستشفى
سعود:خالتي فين مازن؟
الخاله:فكرتني ..راح يجيب ريان خليني اقوله لا يجي
الخاله تدق على مازن
مازن: هلا امي
ام مازن:خلاص حبيبي خليك في البيت احنا جايين
مازن:طيب خلاص
ام مازن تسكر الخط:يلا حبيبي سعود بنجي معاك بسيارتك وكلكم تجو عندنا في البيت
سعود:لا مايحتاج خالتي نروح بيتنا
الخاله:سعود لو ريم راحت البيت راح تتعب اكثر
نوف تكلم سعود:كلام ماما صح خلاص تعالو

في البيت
نوف:ريم حياتي
نوف تحضن ريم
ريم تبكي
نوف تمسح على شعر ريم: حياتي لا تبكي خلاص ياعمري
نوف تاخذ ريم على غرفتها وتجلسها على سريرها
نوف تنادي الشغاله:ميري
الشغاله: نعم
نوف:سوي كاسه ليمون وجيبي كاسه مويا
ريم:ماابغى شي
نوف:لا انتي اكيد مااكلتي شي ولا شربتي شي
نوف تكلم الشغاله:وسوي فطور
ريم: لا ماابغى الله يخليكي يانوف
كاسه مويا بس
نوف:عنيده
ريم:فين ليان؟
نوف:مع ماما انتي لاتشيل هم انتي ارتاحي شوفي كيف صاير لونك اصفر وعيونك منفخه شفتي شكلك في المرايا كيف صاير مو حلوووو
ريم ساكته
الشغاله تجيب المويه
نوف: ريم قومي اشربي
ريم تشرب المويه وترجع تنسدح على السرير
ونوف تمسح على شعرها
نوف اغنيلك الأغنيه الي تحبيها
ريم تطالع في نوف
نوف :لا تطالعي فيا كذا بغنيلك يعني بغنيلك
نوف تغني:اغنيه فاكر زمان لرامي صبري

فاكر عينيها وضحكتها .. لمسة ايديها وبرائتها زي الملايكة في رقتها فاكر زمان
لو حتى كانت نسيتني انا لسا فاكر وياريتني اشوفها تاني ولو صدفة في اي مكان
اتمنى اشوفها واقولها اني حقيقي بحبها .. وقفت حياتي وبعدها عايش وحيد
اجمل سنيني انا عشتها كانت معاها وجمبها بتمنى تاني ارجعلها انا من جديد
عمر الليالي ما خلتني انساها يوم ولا نستني وبجد فعلا وحشتني طب اعمل ايه
هيا الي قلبها ريحني ولابعاني مرة ولا جرحني معرفش ايه كان خلانا بعدنا ليه
"

ريم نامت
نوف تطالع في ريم وتمسح على شعرها وتكلم نفسها:ياحياتي انتي
نوف تاخذ عبايتها وتنزل تحت عشان سعود جالس تحت
في المجلس
نوف:سلام
الكل :وعليكم السلام
سعود: ها نوف كيف ريم؟
نوف: الحمد لله نامت ياعمري اول ماانسدحت على السرير نامت باين عليها مره تعبانه
ام مازن:والله قلبي مانامت من البارح
مازن:الله يشفيهم ويقومهم بالسلامه
الكل:آمين
ام مازن تنادي على الشغاله:ميري ميري
تجي الشغاله
ام مازن: شيلي ليان وديها غرفه ريان
نوف: شيليها بشويش لا تصحى
ولا اقول سيبيها انا اشيلها انتي عفشه
نوف تشيل ليان بشويش عشان ماتصحى من النوم وتوديها غرفه ريان
في المجلس
سعود كان جالس على الكنبه
رجع على ورا وحط راسه على الكنبه
سعود: آآآآآآه
الخاله:سلامتك من الآه حبيبي
مازن: هونها ياسعود ترا انت مكبرها
سعود: مدري ايش فيني اول مرا احس اني منهار
مازن: الله الله ياسعود لا مو انت الي تقول كذا
الخاله: يلا حبيبي انت كمان لازم ترتاح يلا قوم حبيبي
سعود: انشاء الله خالتي
سعود يروح ينام في وحده من غرف النوم
رولآ:الله يعينهم والله اول مرا اشوف ريم وسعود بهذا الحال
مازن: ايوا والله
ام مازن:الله يقومك يارانيا انتي وزوجك بالسلامه

في بيت جمانه
جمانه في غرفتها منسدحه على السرير وتكلم نفسها: انا ايش سويت بنفسي
دمرت حياتي
نواف دمرني وانا الي خليته
بس ماراح اتركه
صحيح بجيبله ريم بس مابتركه بعدها بتشوف يانواف بتشوف ايش بيجيك مني
يرن جوال جمانه
جمانه بدون نفس: الو
راكان: هلا والله
جمانا:راكان؟!؟!؟!؟
راكان: ايوا راكان
جمانه: وخير يا سيد راكان
راكان:ههههههههه حلوه
جمانه من غير نفس: الله يحلي ايامك
راكان: من غير مالف مو انتي تبغي تجيبي ريم لنواف؟؟
جمانه:ياريت عشان افتك من وجه القرد
راكان:ههههههههه اوكي بجيب ريم غصبا عنها
جمانه تقوم من السرير وتوقف عليه
جمانه بفرح: من جد لا تقول انك تمزح
راكان:موانتي تبغيها خلاص بتجي بس اعطيني كم يوم بس في شرط
جمانه: خذ راحتك بس لا يخلص الأسبوع بس ايش هوا الشرط
راكان: تدفعي مقابل 50 الف ريال
جمانه: نعم نعم خير انشاء الله
راكان: خلاص اوكي مافي احد يقدر يجيب ريم غيري يلا باي
جمانا: لحظه لحظه يعني انت متأكد انك يتقدر تجيبها
راكان:لا تشيلي هم
جمانا:خلاص اعطيني وقت على مااصرف الفلوس وتكون عندك
راكان: اووكي ياحلوا
جمانه:ومشكور ماتقصر ويعني.. موعارفه ايش اقولك
راكان يبتسم بخبث:مايحتاج تقولي شي يلا استأذن انا اخطط على الشغله
جمانا:اوكي خطط بروااقه بباي
جمانه تسكر الخط: يس يس
جمانه تمسك المخده وترميها بالجو: فينك من زمان ياراكان
هوا دا الصح

في الشاليه
نواف:ههههههههههههههه والله انها غبيه
راكان: من جد
رائد:والله حرام عليكم الغباء مايليق عليها الغباء ارقى واعظم
الكل يضحك
راكان:كلو يرجع لحبيبه قلبي ديمه
ديمه: ولو هذا واجبي اي شي تبغوه انا حاضرا
بس ياويل احد يقولها على الي بسويه من وراها
ماجد: اهم مافي الموضوع الخمسين الف
نواف:بس كيف اعجبكم صح خمسين الف بتكون في يدنا وبنت قمر وبتكون بين يدنا
الكل: اووه مين قدك ياعم
رائد: اقول نواف لا تنسى ان عندك اخ نص لك ونص ليا
نواف: كلنا ع الهوا سوى الفلوس بتتقسم بينا
رائد:لا انا مااقصد الفلوس انا اقصد البنت
نواف: قلتلي..........اخلص منها وخذها تفداك
ماجد:تخلص منها هيا لعبه ولا ايش
الكل يضحك
ديمه:على مهلكم ع البنت ترا مرا ناعمه وحساسه
ماجد:طيب بعد ماتلف اللعبه عليكم لا تنسوني
راكان: ولا يهمك بس بالدور الكبير اول
الكل يضحك
راكان: طيب متى تبغاني اجيب لك البنت
نواف: خليه يعدي الأسبوع
واطلب من جمانا مبلغ تاني عشان عدا اسبوع على اتفاقنا
وبكذا معانا دبل الخميس الف وفوقها مززه مجانا
رايد: ابو افكارك
ماجد:انا ابغى اعرف انت مخك ايش
راكان: مخه مخ
نواف: بآيخه
راكان ينحرج ويسكت
الكل يضحك عليه

تابع
//


//

تابع
//

//

في سويسرا
في البيت
الكل سهران يشوف فلم رعب
الجو مخيف وظلام ومافي غير نور الشاشه
ماهر ومهران ونادر ونايف ووسام
نايف يطالع في الشباب ويمسك الريموت ويسكر التلفزيون فجاءه
ويصير الجو ظلام
ماهر انفجع:ابووه
وسام انفجع وقام نقز وسط ماهر ونادر:ابو شكلك
نادر:وسام تراكك جالس على رجولي زيح عني عورتني
مهران يفتح النور:هههههههههههههههههههه
مهران يمسك بطنه:اااه بطني تعورني من الضحك
الكل يطالع في مهران بإستغراب
مهران: لو تشوفو اشكالكم تفسطوو ضحك ههههههههههه
وسام كان جالس بين نادر وماهر على فخذ من ماهر وفخذ من نادر
مهران: ونايف اختفى من الفجعه
الكل يضحك
ماهر: فين الرجال اختفى
نايف انا هنا
الكل يطالع حوله
مهران ينزل للأرض ويميل راسه
مهران يجلس بالأرض ويضحك بصوت عالي
الكل يجلس بالأرض ويميلو روسهم
ويلقو نايف متخبي تحت الكنبه وماسك الريموت
الكل يضحك
يطلع نايف من تحت الكنبه ولا كنه صار شي :كيف كم شباب؟وحشتوني<< يغير الموضوع
الكل يضحك
نادر: اقول نيوف لا تغير الموضوع يالجبان
نايف:لا انا ماخفت انا قلت بس العب معاكم استغمايا
الكل يضحك
ماهر: تلعب ها
وسام: آخ لو تشوف شكلك وانت تحت الكنبه وربي يتموت ضحك
مهران: انا ابغى افهم مو انت الي سكرت التلفزيون
نايف : ايوا انا
مهران: طيب ليش خفت ونزلت تحت
نايف يضحك: والله مدري اصلا كيف نزلت فجأه القى نفسي تحت الكنبه
الكل يضحك
نادر: هذي آخرة النذاله
نايف: ولله مونذاله بس شفت الجو رايق حبيت اسوي جو
ماهر:وانقلب عليك الجو
نايف يبتسم:شفت كيف

في غرفه نوف
يرن جوالها على نغمه:

}حبيبي وانا جمبك تعرف بحس بإيه
وانا بحضن قلبك ببقى عايز اقولك ايه
يامحلى الدنيا وانا جمبك
ياكل الي ليك محتاجلك
حبيبي ياعمري ماتسبنيش وحياة اغلى حاجه عندك{

نوف:هلا والله
خوله:هلا فيك حياتي ..كيفك؟
نوف: نص ونص
خوله: خير ليش نص ونص؟؟
نوف: خالتي ياخوله صار لها حادث هي وزوجها وهما دحين بالعنايه
خوله:خالتك رانيا؟؟؟!! ياحرااام وكيف ريم
نوف: لا تسأليني عن ريم..ريم حالتها حاله
خوله:ياحياتي
نوف: حالتها تحزن
خوله: اجل بروح ازورها
نوف:هيا عندنا بالبيت تعالي عندنا
خوله:خلاص بجي
نوف: بتجي من ينبع على هنا دحين
خوله: يووه نسيت اقولك جيت اليوم جده وانا دحين ببيتنا
نوف: يو لا انتي هنا مو معقول يالله يابنت نفسي اشوفك لك فتره مايتجي جده
خوله تطالع في ساعتها:اوه لأ دحين الوقت متأخر مدري ماما بتوافق ولا لأ
نوف: الا بتوافق قوليلها انك بتزوري ريم
خوله:احاول فيها انشاء الله ترضى

في لندن

في المستشفى في غرفه الدكتور
بدر:ها دكتور كيف حالتها
الدكتور:ميرا لازم تتعالج نفسيا اول شي لأن حاتلها النفسيه جدا سيئه
لازم تحسسوها انكم حولها وانكم اهلها لااحد يبعد عنها بالذات انتو اهلها وكل الي تحبهم
بدر يطالع في امه
بدر:انشاء الله بس بيكون فيه تحسن؟؟
الدكتور: يمكن لو عالجناها نفسيا بتقدر تتكلم تاني لأن الي هيا فيه حاله نفسيه
ام بدر: يعني بنتي بترجع تتكلم
الدكتور:املنا كبير وانشاء الله والله يوفقنا ويفقكم ونقدر نعالجها بدقه
بدر يوقف:مشكور دكتور يعطيك العافيه
الدكتور: العفو الله يعافيك
بدر وام بدر يطلعو من غرفه الدكتور
بدر: كيف بنعالجها نفسيا وسعود بعيد عنها
ام بدر: احنا موجودين يابدر موجودين بحياتها
بدر: الله يقدرنا
يدخلو الغرفه عند ميرا ومروان
..السلام عليكم
مروان: وعليكم اسلام
يرن جوال بدر على نغمه: احمد حسين
وش تمنى..ابي تبقى معاي وفيك انا اتهنى
وش تمنى..ابي ارتوي حبك ولا انحرم منه
وش طاري سؤالك ..حيرني سؤالك
ولو طال فيني العمر ..ماغيرك اتمنى

بدر: هلا حبيبتي
نوف: هلا حبيبي كيفك؟ وميرا وخالتي؟
بدر: الحمد لله كلو بخير..وانتي كيفك؟ وعمتي رنا كيفها؟واخوانك
نوف: احنا الحمد لله بخير بس..وسكتت نوف
بدر:بس ايش؟
نوف: خالتي رانيا وزوجها
بدر: ايش فيهم؟
نوف: صار معاهم حادث وهما دحين بالعنايه وعيالهم حالتهم مرا حاله
بدريوطي صوته: لا حول ولا قوه الابالله الله يقومهم بالسلامه
لا تسمعني ميرا والله تحوس الدنيا علينا
نوف: الله يعين يابدر.سلملي عليها مرا وحشتني
بدر: يوصل انشاء الله حياتي
نوف:بدر
بدر: آمري حبي
نوف حابسه دموعها:وحشتني
بدر يبتسم ويقوم يطلع من الغرفه ويوقف عند الباب
بدر: وانتي اكثر ياقلبي..كذا تركتيني لوحدي تايه موعارف احلي اوقاتي
نوف تبتسم:لاتخليني اندم اني جلست
بدر يبتسم:مابخليكي تندمي حياتي انتي
نوف: والله اشتقت اتكلم معاك احس اني من زمان عنك
بدر:والله وانا اشتقك لعيونك الحلوا
نوف تضحك بدلع
بدر: فديييييتك شوفيني متشقق
نوف:يلا عاد تراني ميته انا منها ذبت شوفني كيف سحت
بدر:ههههههههههه ايش بسوي اشتقت اغازلك
نوف تبتسم
نوف:طيب يلا خليني اروح اتجهز خوله بتجيني
بدر:اوكي حياتي راح توحشيني
نوف:وانت كمان
بدر:يلا مع السلامه
نوف:مع السلامه حبيبي
نوف تسكر الخط وتضم الجوال
وتغني :والله واحشني موت اخاف بعدك اموت
قلبي لو من حديد ذاب وانت بعيد

نوف تروح تفتح دولاب ملابسها
وتطلع برمودا ابيض وكاجيت موف غامق ومكتوب من الظهر بالرمادي
Girl Power

طق طق طق

نوف وهي تحط روج: ميين؟؟
ريم بصوت نااعم وواطي: انا ريم يانوف
نوف تحط الروج وتجري تفتح الباب
نوف:هلا حبيبتي تعالي تعالي
ريم تدخل الغرفه:رايحه مكان ؟؟
نوف:لا بس تخيلي مين جايه؟؟
ريم:مين؟

طق طق طق

ريم: هذي اكيد رولآ
نوف:تعالي رولآ الباب مفتوح
رولآ:سلام يابنات
ريم ونوف:وعليكم السلام
رولآ تسكر الباب وتطالع في نوف: الله الله ايش كل هالكشه
نوف: اتخيلو مين جايني؟؟
ريم ورولآ يطالعو في بعض: مدري
نوف: جايتني خوله فديتها جات اليوم من ينبع
ريم ورولآ بصوت واحد: خوله؟؟!!؟
نوف تبتسم وتهز راسها
ريم: والله زمااان عنها يالله وحشتني اخر مره شفتها في عيد ميلادك
رولآ: يالله مره وحشتني
نوف: واخيرا قررت تجي وانتو موجودين كل ماتجي ماتكونو موجودين
ريم: الحيوانا من غيرت رقمها ولا اتصلت فيني ولا ادري عنها
رولآ: حتى انا مرا البنت قطعت فجأة كذا
نوف تحط عطر: خليني اروح اقول لميري تجهز العصير والقهوه
ريم تطالع في المرايا: نوف حياتي عطيني من عندك ملابس مايصير تشوفني البنت كذا
نوف :حياتي افتحي الدولاب وخذي الي تبغيه
ريم تفتح الدولاب
طلع ريم شورت جينز وتطلع برمودا قطن استرتش تركوازي
ريم: لولو ايش رايك لو لبست هذا الشورت ولبست تحته الأسترتش
رولآ: حلو
ريم تطلع بلوزا فضيه تلمع وبكاب ومكتوب بالتركوازي
So Cute
ريم: والبس هذي البلوزا
رولآ: مره ذوووق
ريم تروح تغير ملابسها
وتنزل في الصاله
ريم:السلام عليكم
الخاله:وعليكم السلام هلا حبيبتي ماشاء الله طالعه قمر
ريم تبتسم
سعود من عند الباب: خالتي
سعود:تعال حبيبي مافي احد
سعود يدخل الصاله: احلااااا ايش الحلاوا هذي
ريم تبتسم: موملابسي ملابس نوف بقوووه لقيت هالللون كل الوانها غامقه
سعود:بس التركواز طالع عليكي يجنن
ريم: يلا عاد
مازن من عند الباب: امي ..رولآ
ام مازن: استنى حبيبي لا تدخل
ريم تاخذ عبايتها: خلاص خلاص تعال مازن
ريم تلبس عبايتها وتحط الطرحه بس كذا على راسها من غير ماتلفها
مازن يدخل: السلام عليكم
الكل وعليكم السلام
مازن: فين رولآ
ريم: فوق بتلبس عشان جايه صاحبه نوف
مازن: اجل لو طلعتي قوليلها تجي ابغاها
ريم :انا دحين طالعه
وبقولها انشاء الله
ريم تطلع من الصاله وتروح لغرفه رولآ

طق طق طق

رولآ وهي تلبس الإكسسوار:الباب مفتوح
ريم تدخل: ياحلوا زوجك يبغاكي
رولآ: هوا تحت؟
ريم: ايوا
نوف تدخل: يابنات ماخلصتو
ريم ورولآ: ايوا خلاص
رولا كانت لابسه تنوره لين الركبه ولونها اصفر
ولابسه بلوزه مفتوحه من الصدر والظهر لونها موف اغامق

البنات ينزلو الصاله ويدخلو الصاله مع بعض

ام مازن تطالع فيهم وتبتسم:الله يخليكم ويحميك يارب
البنات يبتسمو
سعود: بس خالتي لا يشوفو نفسهم علينا
نوف: وليش مانشوف نفسنا نستااهل
مازن: الحق الحق تقول نستاهل
رولآ: ليييش عندكم كلام ثاني؟
سعود: ابدا بس بناات كثيير احلى منكم ويستااهلو انهم يغترو
البنات بصوت واحد: نعم نعم
سعود :مازن الحقني بيهجمو عليا البنات
الكل يضحك
مازن: انتبه على نفسك منهم تراهم متوحشات
ريم بدلع: حرااااااااااام عليك والله احنا نعومات
الكل يطالع في ريم
ريم بإستغراب: قلت شي غلط؟
الكل يضحك
سعود: لا بس نضحك على طريقه كلامك
ريم: ايش فيها؟
مازن يقلد ريم: حراااااام عليك والله احنا بنات نعومات
الكل يضحك
ريم انحرجت ونزلت راسها
البنات: اوووووووووووووو انحرجت البنت
سعود: ياقلبو على الي انحرج
مازن: اخاف زعلت
رولآ: لا ريم ماتزعل
ريم ترفع راسها وتبتسم
يرن الجرس
نوف بصوت عالي: هذي خوله
البنات ينقزو من الفجعه: بشويش فجعتينا
يروحو البنات يفسخو عبيهم ويستقبلو خوله
عند الباب
خوله: السلام عليكم
البنات وعليكم السلام
خوله تصرخ :آآآآه ريم ورولآ وحشتوووني
ريم ورولآ يحضنو خوله: وانتي اكثر
ريم: ياحيوانه والله من زمان عنك
رولآ: احلويتي يابنت
خوله: عيونك الحلوا ياعمري
نوف متخصره وتخبط برجولها على الأرض: لا والله وانا ولا كني موجوده
ولا سلمتي عليا
خوله: ياحياتي لا تزعلي بس انا شبعت منك رولآ وريم من زمان عنهم
الكل يضحك

البارت الـ 14
//

//

في بيت ابو مازن
الفجر الكل نايم
في غرفه ريم
نوف كانت نايمه على السرير
وريم كانت فاتحه البلكونه وكانت برا تشم هوا
وقفت ريم في البلكونه والهوا يلعب بشعرها
ريم تكلم نفسها: الي بيصير معايا شي مو طبيعي
معقول...معقول احلم حلم وبعد فترا يتحقق
معقوله هذا الي شفته بالمركز يكون هو الي شفته بالحلم
لماطالعت في عيونه لمحت نفس النظرة الي بالحلم ....انا شكلي بنجن
وشفت ماما وبابا في الحلم وتحقق .... كنت حاسه بيتحقق
"ريم تروح تصحي نوف"
ريم تجلس على السريروتمسح على شعر نوف: نوف نوف
نوف: هممممممممم
ريم: نوف حبيبي قومي بكلمك بموضوع
نوف وهي تفرك عيونها: خير حياتي تبغي شي
ريم: في شي لازم اقولك هوا دحين موقادره اصبر
نوف: ايش فيه؟
ريم:فاكرا يانوف الحلم الي حلمته بأول يوم بالدراسه
نوف: الحلم الحلم الحلم ايوا افتكرته الحلم الي جننتينا فيه
ريم: ايوا
نوف: ايش الي فكرك فيه
ريم: فاكرا يوم قلتلك اتحقق بدايته وفعلا قمت من النوم على صوت رعد وكنت خايفه فاكره بعدها ايش صار ؟
نوف: لا ماافتكر
ريم تقوم من السرير وتمشي بالغرفه
ريم: بعدها سمعت صوته الي صداه يردد في اذني لدحين سمعت صوت يناديني
ويوم نزلت لحمته ماشفته
نوف: وبعدين
ريم :وهذا الشي تحقق يانوف
نوف بتعجب :نعم!!؟
ريم: الصوت كان التلفون الي جاني من رجوان كان نفس الصوت يانوف
نوف: متأكده انو نفس الصوت؟
ريم:من سمعت صوتو بالحلم ووهو يردد فيني
نوف:معقوله
ريم:والظل الي لحمته
تحقق
بس ماكان ظل لمحته نفسه مو ظله
نوف :كيف يعني
ريم:انا اقولك يوم رحت مع سعود عشان اشارك بالمسابقه
مر طيفه من قدامي تتبعه نظراتي
تحاول تشوفه ماقدرت ولمحت طيفه بس بس جذبني وسحرني
نوف:ريم ايش حكايتك ؟؟
ريم:خليني اكملك
نوف:اتفضلي
ريم:بعدين في الحلم جاني في غرفتي وطلع من البلكونه
ورحت وراه وشفته
نوف:لا تقولي انك ............ وسكتت نوف
ريم تمسك كتوف نوف وتهزها: شفته يانوف شفته
يوم رحت المسابقه طلعت في الأسنسير وانا خارجه صدفه بوقت واحد تطيح اوراقي مع اوراقه نزلنا نجيبها من على الأرض صدفه تتجمع فيها اوراقنا
رفت راسي ورفع راسه وجات عيني بعينه
سلب عقلي
روحي
وحياتي
حسيت وقتها اني بعالم تاني ماكنت اشوف غيره
صارت عيوني تحاكي عيونه وخفوقي يلامس خفوقه
نوف تبتسم:تصدقي ياريم اول مرا ادري انك رومانسيه لهذي الدرجه
تكلميني وكنك تقولي شعر
ريم: الي تشوفه مو بس تصير شاعره
لويشوفه الصخر كان ذاب
ولو يشوفه الجبل كان طاح
ولو يشوفه البحر يتبخر
نوف: ومين يطلع؟؟
ريم: مادري... فجأه تغير كل شي واستوعبت اني على الأرض مو ع السما
اخذت اوراقي وقمت وهوا مازال يشوفني
دق قلبي دقه مابعدها دقه وكني حسيته بيوقف ويوم ماجا وقت تسليم اللوحات
رحت بسلم لوحتي وطبعا تعرفيني مااقدر اطالع في احد من الجنس الثاني
كنت منزله راسي ومديت اللوحه فجأة يجذبني صوت هز كياني
رفعت راسي بدون مااشعر تلقائيا اشوف مصدر الصوت الي لخبط مزاجي
والقاه تاني
نفس الصوت نفس الهيبه نفس الطيف نفس النظره ونفس عذاب الإبتسامه
اجتمعو في شخص واحد
نوف تبتسم: افهم من كلامك انك حبيتي؟؟
ريم تنزل راسها وتبتسم:ماقلت احب انا قلت سلب عقلي
نوف:طيب هذا يعني انك حبيتيه
ريم: يانوف انا موقادرا اصدق الي بيصير معقوله اشوفه بحلم قبل لا اشوفه بالحقيقه
نوف:سبحان الله
ريم تبتسم: ماتتصوري كل مافتكره ايش يكون شعوري
نوف:وتبغيني اصدق انك ماحبيتيه اجل الكلام الحلو والرومانسيه هذي من فين جات؟؟
ريم تبتسم: مدري
نوف تغمز لريم
ريم تبتسم: وبعدها شفت ماما وبابا وهم غرقانين دم
وفعلا تحقق وصار معاهم حادث
ريم بدت تدمع
ريم:خفت وطلعت غرفتي وقلت هذا حلم وماصدقت وفعلا بالبدايه ماصدقت الي صار لهم
نوف:فعلا الحلم بيتحقق انا موقادرا اصدق
ريم:عشان تحسي فيني وتصدقيني يوم قلتلك اني حاسه انه بيتحقق
نوف:شي غريب
ريم تطلع البلوكنه:فعلا شي غريب
ريم تغمض عيونها وتشم هوا
ريم:حسيت بطعم الحياه الحياه حلوا يانوف
نوف تطلع البلكونه عند ريم
ريم: بس لوماما وبابا يقومو بالسلامه بتكون احلى واحلى
ريم ترفع يدها للسما:يارب ترجعهم لنا بالسلامه
نوف :آمين
يرن جوال ريم على نغمه عباس ابراهيم/دواك عندي

دواك عندي والأظلم دايم البادي
والله لا أوريك شي مابعد شفته
ماهو في صالحك يوم تجرب عنادي

ريم تشوف الجوال: يووووووووه هذا ايش فيه متصل بهذا الوقت
وليش يتصل فيني اساسا
نوف :مين هوا؟؟
ريم تفتح الخط : خير
؟:آلو
ريم: ونهايتك انت؟؟وبعدين معاك؟؟
نوف تعفص حواجبها مستغربه
؟:ريم ابغاكي تفهميني
ريم:افهم ايش قلت لك ياماهر الي عندي ياريت انت تفهمني
نوف تفتح عيونها وتفتح فمها
ماهر:ريم انا ماكنت اتوقع اني بيوم من الأيام آحـــ؟؟؟
ريم تقاطعه:لا ماهر لا..لاتقوله الله يخيك بليييز لا
ماهر:ريم حسي فيني انتي ملكتيني
ريم:ماهر انت مزعجني صح..بس انا مااحب اجرح احد وصدقني حاسه فيك
يمكن الي تحس فيه مجرد اعجاب من اول ماشفتني لاتمشي ورا احساسك
ماهر:من يوم ماشفتك وانتي ماغبتي عن بالي
ريم:يووووه ياماهر...ماهر!؟
ماهر:ياهلا
ريم:ماهر انساني عشان خاطري انساني لاتفكر فيني صدقني في الف غيري يتمنوك
ماهر:بس انتي غيرهم
ريم بصراخ:يوووووه" وتسكر الخط"

نوف:لا تقولي هذا ماهر ولد خالتي
ريم وهي لاويه بوزها: مافي غيره
نوف: وايش يبغى منك؟
ريم بحزن:نوف انا جرحته انا اماحب اجرح احد مهما كان انتي تعرفي دا الشي
حاسه بتأنيب الضمير
نوف:ايش قالك؟
ريم:نوف ماهر يحبني يانوف
نوف:ماهر يحب ..ماهر ماهر ماغيره يحب ومين؟؟ انتي؟؟!!؟
معقوله من شافك في ذيك المرا حبك على طول
ريم: تخيلي...صعب شعور انك تحبي شخص مايحبك
نوف:خلينا من ذا الموضوع هوا ليش متصل فيكي؟
ريم: بيتغزل
نوف:وصلت فيه انه يتصل فيكي ويتغزل
ريم:تخيلي
نوف:ماني متصورا انو ماهر يحب ماهر كل يوم له بنت
ريم:خلينا من حياته ..والله حاسه اني جرحته تخيلي يحبني من جد
راح يكون جرح كبير
نوف:قلبك هوا هوا مايتغير ياريم مشكلتك انك طيبه بزياده الي زي ماهر مايبغاله الطيب ريم مايحتاج اقولك مين ماهر انتبهي منه ياريم
ريم:موهذا الي مخوفني
نوف:لاتسمحيله انو يتصل فيكي تاني
ريم:مستحيل ماهر لو يبغى شي يسويه
نوف:لا حوووول
ريم:الله يخلصني منه

في سويسرا
ماهر في البلكونه:ليش ياريم ليش هذي تاني مره تصديني ليش
صدقيني احبك ..ومافكرت بيوم اني العب معاك او اخدعك
تقولي انساكي..مستحيل اسويها..مااقدر اصلا اني انساك وانتي عيوني ..كل يوم اشوفك وكل لحظه وكل دقيقه
انا لو انسى مين انا مستحيل انسى مين انتي
نادر يطلع للبلوكونه:مين ريم
ماهر يلتفت: نادر
نادر: ايوا نادر
ماهر: وانت جالس تتسمع لكلامي
نادر: ماكنت اتجسس بس كنت مار من غرفتك وسمعتك تتكلم بالصدفه
قلت اشوف مين عندك
ماهر يعطي ظهره لنادر ويطالع المنظر قدامه
نادر:موناوي تقول مين ريم
ماهر:لأ
نادر :اوكي
نادر يحط يده جمب فمه عشان يعلى صوته:ياشباب تعالو
ماهر يلتفت لنادر: هييي نادر ايش اتجننت انت
نادر: لأ
ماهر: ايش عندك انت داخل غرفتي بهالوقت
نادر:ايش عندك انت صاحي من هالوقت وتكلم نفسك
ماهر: حكايا طويييله يانادر
نادريجلس على الجلسه الي في البلكونه ويحط رجل على رجل:وهذي جلسه بس يلا قول
ماهر يشوف نادر من تحت لفوق
نادر:خير موعاجبك
ماهر:لأ
نادر يقلد ماهر:لأ.. ها بتقول مين ريم ولا زي اوول
ماهر يطالع المنظر الي قدامه: آآآه يا نادر ايش بقول
نادر: قول قول
ماهر: طيب اسكت خليني اعرف اتكلم
نادر: يعني انا الي ساد حلقك
ماهر يروح لنادر ويقومه: يلا برا يلا كمان تتفلسف
نادر: لالا خلاص بسكت
ماهر: كلامك مره كثير
نادر: خلاص بسكت
نادر يجلس
ماهريطالع في نادر ونادر يطالع في ماهر
ماهر ونادر يضحكو
ماهر:ريم هذي اغلى شي بحياتي
نادر:يعني حبيبتك؟
ماهر يطالع في نادر ويروح يجلس جمبه
ماهر:تقدر تقول كذا
نادر يبتسم
ماهر: احبها حب ماقد حبيته احد
نادر:حلوا
ماهر يطالع في نادر ويبتسم:مآلكه جمال الكون بيدها
نادر يغمز:ياولد
ماهر: هوا انا كل مااقول كلمه ترد عليها
نادر: خلاص بسكت
ماهر: بس مشكلتها انها صادتني
نادر يضحك:ههههههههه
ماهر يشوف نادر بنظرات حقد: تتشمت ها
نادر وهو يضحك: لا بس انت عمرك ماتفلح بشي
ماهر: مالت على حظي
نادر:طيب ايش يعني صادّتك لازم تمشي وراها اتركها زيها زي باقي البنات الي قبلها
ماهر:انت فاهم غلط ريم غير كل البنات الي انا عرفتهم من قبلها
ريم شي تاني ..انا نسيت الماضي من بعد ماحبيتها
نادر:ومين تطلع هذي ريم؟
ماهر:بنت خالتي شفتها بالصدفه في بيتهم وكانت احلى بنت شفتها بحياتي
نادر:اهااا
ماهر:كلمتها مرتين وصدتني بس بحاول لأني احبها
نادر:تتوقع بتلين؟
ماهر:مادري يانادر مادري"ويتنهد"

في لندن
في المستشفى في غرفه ميرا
ميرا منسدحه على السرير وكانت الأنوار خافته

ميرا تكلم نفسها: قررت تنساني ياسعود وانت كل شي فيني
قررت تبعد عني وانت روحي وزي ماقررت انت انا قررت
لازم انا كمان انساك لازم انسى الإنسان الي حبيتو وكذبني
بنسى الإنسان الي سلمته قلبي وخذلني بس مهما تمر سنين مابنسى حبك
حبك مايتنسي ياسعود لوانسى مين انا مااقدر حتى اتناسى حبك
"ميرا تفتكر يوم ملكتها"
كنت اسعد انسانه وانا بين يدك
وعيني في عينك
ويدي في يدك
وقلبي يخفق لقلبك
بس دحين اتغير كل شي صار عكس الي اتمنيته
صارت احلامي خيال مجرد طيف ومر
طيف ومر ياسعود مر ولا رمالي حتى سلام
آآآآآآآآآآآآآآآآآآآه يارب

في بيت ابو مازن
على طاوله الطعام ع الغدا
ام مازن مقابله ابو مازن
ومازن مقابل رولآ
وسعود مقابل ريم
وريان مقابل ليان
ونوف مومقابلها احد
ام مازن:يلا ياحلوين اتفضلو
نوف: يالله انا مره جوعانه
مازن: حشوه بس تاكلي
ام مازن: بسم الله على بنتي قول ماشاء الله
مازن: لا مااقول عشان ماتاكل خلي وزنها ينزل
شوفي كيف صايرا برميل
ريم: لا حرام والله نوف مو مارا دوبه
رولآ تضحك
نوف تطالع في رولآ بحقد: مبسوطه انتي تحبي الشماته
الكل يضحك
سعود: والله البنات صايرين هاليومين بس ياكلو الله يستر لانشوفهم بغال
مازن: بيني وبينك مابغا احد يسمعني البنات في هذا الجيل صايرين زي المخلوقات الفضائيه اجسام غريبه واشكال اغرب
سعود يضحك
رولآ تضرب مازن على كتفه: لا والله
مازن: ان كيدهن عظيم
الكل يضحك
ابو مازن: احلى شي في الدنيا البنات
رولآ وريم ونوف: هوا دا الكلام
مازن وسعود يطالعو فيهم
ام مازن: ماما رولآ ليش ماتجيبي رولآن ولوران بدال ما هما جالسين مع الشغاله هناك ليش مايجو ياكلو
رولآ:والله تعبت معاهم خاله صايرين عنوديين مره
ريم: بس لا تخليهم مع الشغله والله انا مارا اخاف منهم
نوف: ايوا صح الشغالات ما تضمنيهم
سعود: دحين الشغالات ماتضمنوهم بس لا راحو تحسو ان روحكم معاها
مازن: اصلا مافي بنت روحها مو متعلقه بالشغاله
ريم ترفع حواجبها: خير انشاء الله انتو ايش فيكم علينا اليوم
مازن يأشر على سعود :هذا اخوكي مو انا
سعود: الله يالرجوله خفت من ريم ورميتها عليا
رولآ: اشوف مزودها يامازن ولا كني بنت يعني وتكلم كذا عيني عينك
سعود: اقول مازن سكر فمك ولا يجيك كف دحين ماقد اخذته
ابو مازن :ياشباب ترا لو قامو عليكم البنات انتو مو قدهم
ريم: تحبو تجربو؟؟!!؟؟!!
سعود ومازن بصوت واحد: لا الله يخليكي
الكل يضحك
يرن جوال ريم على نغمه

ألا يا حبي السامي ..
لقيتك بأول أيامي..
تعال وجدد أحلامي ...
ترى قلب الهوى سهران ..

شربت الحب من كاسك ..
وطعم الورد بانفاسك ..
لأنك عذب باحساسك ..
وانا مغرم بك وولهان

ريم تقوم تروح تاخذ الجوال وتفتح الخط
سعود:حتى الإتصالات مايقدرو يأجلوها بعد الغدا
ريم تطالع في سعود بحقد
سعود بخوف: خلاص خلاص
الكل يضحك
ريم: آلو
؟:آلو
ريم: هلا والله
؟:هلا فيكي ...شفت اتصالك قبل شويه كنت مشغوله ومارديت!..بس ممكن اعرف مين انتي؟؟
ريم: ماافتكرتي صوتي
؟:هوا مو غريب بس مو قادرا اميزه
ريم: انا ريم يالمار
لمار: هلا هلا والله ياعسل
ريم: هلا فيكي حياتي ..كيفك؟ ايش مسويه؟
لمار: بخير انتي كيفك وايش اخبارك؟
ريم: تمام الحمد لله
لمار: كيف مامتك وبابتك كيف كان شعورهم لما فزتي
اكيد بتكون اكبر فرحه
ريم حست بحزن وبدت عيونها تدمع
لمار: ريم فينك ليش سكتي؟
ريم بحزن:ماما وبابا في المستشفى مالحقو يسمعو خبر فوزي
لمار بحزن:لآآآآآآآآ
ريم: صار لهم حادث يوم الحفل تخيلي
لمار:ياحياتييي انشاء الله يكونو بخير
ريم: لدحين بالعنايه انا مره خايفه عليهم
لمار:انشاء الله مافيهم الا الخير ياقلبي
ريم: انشاء الله تخيلي مانعين عنهم الزيارا يعني مااقدر اشوفهم
لمار: ياحياتي ..لا انشاء الله يطلعو بخير وتشوفيهم ..طيب ايش رايك تجي عندي تفكي عن نفسك شويه
ريم: في بيتك؟.
لمار:زي ماتحبي في البيت او عندنا بالإستراحه
ريم:اي استراحه؟
لمار:عندنا استراحه جمب بيتنا ولو تحبي نروحها نروحها وتكون طلعه بنات بس
ريم: صعبه ياقلبي اهلي في المستشفى وانا الف عند البنات..ايش رايك انتي تجي
انا عند خالتي في بيتها
لمار تفكر:ممممممممممم اوكي بس بعطي خبر لأهلي
ريم: اوكي
لمار تروح عند امها:ماما بلييييز ابغى اروح عند ريم
ام لمار: ريم مين؟
لمار: ماما ريم الي قلت لك عنها
ام لمار: ايوا ايوا افتكرت ..
لمار: ها ماما؟؟
ام لمار:يووه منك ومن كثر طلعات روحي حبيبتي روحي
لمار تبوس راس امها: فدييتك والله
ام لمار تبتسم

ريم: ها ايش صار؟
لمار: خلاص اوكي بس ارسليلي العنوان برساله وبعد العشا بكون عندك انشاء الله
ريم: خلاص انشاء الله
لمار: اوكي اسيبك دحين يلا باي
ريم: يلا بباي

تابع

//

//

تابع

//

//


على الطاوله
ريم: جايتكم ضيفه اليوم
الكل :مين؟
ريم تكلم نوف: لمار الي حكيتك عنها
نوف: اهاااا
رولآ: اي لمار؟
نوف: يووه بعدين اقولك
ام مازن: الله يحيّيها
نوف: فلله والله نفسي اشوفها
رولآ: انا قاعده هنا زي الهبله وماادري عن شي مين لمار؟
نوف: لييش ياعمري تقولي زي الهبله انتي اصلا هبله
مازن يمسك الشوكه ويوجهها على نوف: هييي اقوووول زوجتي مو هبله
ريم: لا دخيلكم من غير ذبح خلي الليله دي تعدي على خير وبعد كدا سوو الي تبغوه
سعود: ايوا صح ترا احنا مابنطول خالتي هنا خلاص اليوم بنروح هناك
ام مازن: لا ياسعود مافي طلعه من البيت ولا تعيد الكلام هذا مره تانيه خلاص
سعود يبتسم وماحب يكسر كلام خالته: خلاص
مازن يضحك: شفت كيف امي سكتتك
سعود يبتسم ويطالع في مازن
ريم: بس بروح اجيب ملابس لنا
سعود: خلاص بعد الغدا نروح نجيب لنا ملابس
ام مازن: ايوا بس ترجعو
ريم تبتسم: انشاء الله خالتي
مازن: اجل ياسعود نخلي البنات هنا ونروح احنا نشوفلنا اي طلعه
سعود: ماشي
مازن:بس شوف مكان كلو بنات
رولآ تضرب مازن على كتفه:وبعدين معاك
مازن: خلاص خلاص بنروح مكان بس للشباب
سعود يضحك على مازن
مازن:عجبك الضرب الي بنضربه من اول
سعود يبتسم و يقوم: الحمد لله
ام مازن: ماكلت حبيبي
سعود: لا خلاص الحمد لله
ويقوم مازن: وانا كمان
الحمد لله
ام مازن: ايش فيكم مااكلتو؟
مازن: احشي في بناتك هذوله الي جالسين
سعود: الرجال قامو والبنات لسه جالسين يحشو
مازن وسعود يضحكو
البنات يطالعو فيهم بحقد: بايخييييين
ابو مازن يضحك: والله الأكل معاكم له طعم تاني
ام مازن: بالعافيه
ريم: اكيد عشان انا موجوده
نوف ورولآ يطالعو في ريم ورافعين حواجبهم
ريم: ونوف ورولآ كمان
رولآ ونوف يضحكو


بعد العشا
في غرفه ريم
ريم كانت عند المرايا تسرح شعرها وتغني

دير بالك على حالك عسى دنياك تحلالك
وإذا بتطول الغيبه فال الله ولا فالك

تدخل عليها نوف: نيالو الي يدير بالو
ريم تبتسم
نوف: ها مين الي بتغنيله؟؟
ريم بدلع: يلا عاد نووووف
نوف تقلد ريم: يلا عاد انتييييي
نوف وريم يضحكو
رولآ:تدخل ضحكوني معاكم
نوف: ملقوفه
رولآ تضرب نوف على يدها: ياحيوانه
ريم : حرام عليكي والله رولآ عسوله
رولآ تطالع في ريم: الله الله ايش هالكشخه

ريم كانت لابسه بلوزه كت حمرا وبوسطها فيونكا كبييرا من قماش حرير بلون اصفر
وبطلون جينز طويل ماسك وكعب اصفر واكسسوار اصفر
وروج احمر وكحل اسود
وكانت ملفلفه شعرها وتاركته على كتفها ومنزله غرتها على وجهها

ريم تدور: ها كيف حلو؟
نوف تمسك راسها وتطيح على رولآ: تدوووخي
رولآ تسوي فيها نذاله وماتمسكها تبعد عنها
نوف تطيح على الأرض:آآآي يانذله
ريم ورولآ:ههههههههههههههه
ريم: ياحراام
رولآ:لو تشوفي شكلك وربي تحفه
نوف تقلد صوت رولآ:لو تشوفي شكلك وربي تحفه
نوف عصبت :ياغبييييييه
ريم ورولآ:ههههههههههههه
رولآ: خرب اللوك تبعك

نوف كانت لابسه تنورا بيج لين الركبه وبدي بني داكن وعليه جاكيت لين الصدر بس
وبوت لين آخر الساق لونه بني داكن
واكسسوار بني وروج بني فاتح
وكحل اسود
وكانت ومسويه نفخه في شعرها ومنزله غرتها
نوف تشوف نفسها بالمرايا بزعل : اهئ اهئ اهئ تسريحتي خربت
ريم ورولآ :هههههههههههه

ام مازن من تحت:يلا يابنات تعالو
نوف وريم ورولآ ينزلو

في الصاله
ام مازن: احلى ايش هالحلاوا كلها
البنات يبتسمو
ريم: انا القمر وهذول
ريم تطالع في رولآ ونوف بإحتقار: الكويكبات
رولآ ونوف : كويكبات في عينك
ريم تضحك
ام مازن: مافي وحده فيكم قمر
نوف ورولآ يأشرو على ريم ويضحكو
ام مازن: بس كلكم احلى من القمر
ريم: اشوف خالتي قامت تتغزل فينا ليش فين عمو عنك؟
نوف: ماما ماتغازل بابا ..والله ساعات بابا يحزني
ام مازن: فديت عمره لو اشوفه يضيع الحكي
نوف: عشتو
ام مازن: يابنت
رولآ وريم يضحكو

في لندن
ميرا تمسك الجوال وتكتب رساله لريم وترسلها

ريم تفتح الرساله: ياعمري ميرا رسلتلي رساله

نص الرساله:ريم حياتي سامحيني لوقصرت معاكي في اي شي
واعذريني على اتصلاتي انتي احلى شي قابلني في حياتي
انتي خليتيني احب الحياه واعيشها عشانك
وكنت ابتسم عشانك واضحك لضحك وافرح لفرحك انتي روحي وعمري
ولاممكن اتخلى عنك وحشتيني ووحشتني ايامك
وحشني صوت ضحكتك وحشني حضنك
وحشتني اشياء كثيرفيكي احلفك من بعدي لا تزعلي
اليوم انا موجوده بكرا لأ
اليوم انا بالدنيا بكرا في التراب
اليوم تقولي الله يخليكي بكرا بتقولي الله يرحمك
شي ابغاكي تسويه بعد ماارحل
تثبتي لسعود اني مو خاينه حتوحشيني ياحبي
يااحلى شي طلعت فيه من الدنيا
حتوحشيني

ريم ماقدرت تتحمل الكلام المكتوب وصارت تدمع ودموعها تنزل على شاشة الجوال
رولآ ونوف: ريم ايش فيكي؟
ريم تعطي الجوال لنوف وتطلع تجري لغرفتها وتسكر الباب
نوف توقف وبفجعه:لأ
رولآ:ايش فيها ميرا ليش كاتبه كذا؟
نوف :انا بطلع لريم
رولآ تطلع معاها
نوف ورولآ يدقو الباب
ريم جالسه بالأرض وتبكي
ريم: لا يارب لا ا تحرمني منها ياربي يا حياتي وروحي وعمري وقلبي
هيا اختي وهيا ماما وبابا وكل شي فيني يا الهوا وهيا الدفا وهيا امل بكرا
نوف: ريم ياعمري افتحي الباب
ريم تبكي: لا يارب لا
ام مازن تطلع: ريم ماما افتحي الباب الله يخليكي
ريم : يكفي يكفي خلاص انا مليييييت
لا ماما ولا بابا ولا ميرا خلاااص ياربي خلاص
رولآ: ريم افتحي
مازن وسعود كانو طالعين
رولآ تنزل وهيا تبكي: سعود سعود
سعود بفجعه:خير ايش فيه؟
سعود: تعال افتح الباب على ريم خلت وقفلت الباب على نفسها ومره خايفين عليها ريم تعبانه
سعود انفجع عليها وطلع بسرعه يدق الباب: ريم ريم افتحي
ريم: ميراااا ياسعود مييراااا
سعود حس بخوف
سعود ومازن صار يدفو الباب عشان يفتحوه
يدخل سعود ويلقى ريم منسدحه بالأرض وتبكي
سعود يحضن ريم: ريم ليش ياريم ليش تبكي حبيبتي
ريم: ميرا بتروح مني
سعود بفجعه: ايش فيها؟
ريم: مادري مادري
سعود يقوم ريم: قومي قومي ماابغى اشوف دموعك تاني
ريم: ماابغى انحرم من ماما وبابا ولا ابغى انحرم من ميرا ياسعود
سعود: الله لا يحرمك منهم ويرجعو بالسلامه انشاء الله
ام مازن: خلاص ريم حياتي يمكن ماتقصد شي من هذي الرساله
سعود: اي رساله؟
ام مازن تعطي جوال ريم لسعود
وسعود يقرا الرساله
سعود:ميرا لأ
ريم تطالع في سعود
سعود يحضن ريم: انشاء الله تكون بخير.."ويمسح دموعها" كذا شوفي شكلك كيف صار مكياجك خرب
وتسريحتك خربت
يلا روحي مسحي دموعك وسوي ميك اب تاني صاحبتك على وصول"ويبتسم"
يلا حبيبتي
"ريم تروح الحمام"
"سعود يطالع في خالته"
ام مازن: انشاء الله تكون بخير
سعود: الله يستر.. خالتي لا تسيبو ريم ترا مره تعبانه
ام مازن: لا توصي حبيبي ريم هذي بنتي
مازن: يلا مشينا
سعود: يلا

عند المغسله ريم تغسل وجهها
نوف: يسعدلي ربي بنت خالتو فديتها
رولآ تعطي ريم منشفه : يلا تعالي حطي ميك اب قبل لا توصل لمار
ريم تروح وتحط ميك اب وتشوف جوالها على التسريحه
تاخذ الجوال وتدق على ميرا

في لندن
يرن جوال ميرا على اغنية رامي صبري فاكر زمان

{هيا الي قلبها ريحني
{ولا بعني مرا ولا جرحني

ميرا تفتح الخط
ريم: ساكته
وميرا ساكته
ميرا صارت تدمع
وريم صارت تدمع
ميرا تتمنى انها تقدر تتكلم
وريم تتمنى انها ماتقدر تتكلم
ريم:لو انك بتغيبي عني او بتبعدي حلفتك انك ماتخليني
مكان ماتطب رجولك انا اطب

بدر ياخذ الجوال من ميرا
بدر: ميرا تعبانه بعدين تكلمك "ويسكر الخط"

رولآ: خلاص ياريم انشاء الله مافيها شي
يلا تعالي ننزل

في سويسرا
وسام جالس يعزف على البيانو ويغني

ابي حبك معي يكبر وابي اهواك انا اكثر
وابي اهديك انا دنيا كل الي عليه اقدر

حبيبي انت احساسي نبض القلب وانفاسي
لو صار الزمن قاسي
عشان عيونك اتصبر

نادر: شباب يلا قومونطلع
ماهر: اسكت والله مفلسين
نادر: ماعليكم انا عازمكم
مهران:مادام فيها عزومه يلا
وسام :قال عازمنا قال ياخوفي تسوي فينا خبث ومايطلع معاك فلوس
نادر: يطالع في وسام بغرور: نشوف يالمفلس

وسام وهو يعزف ويغني

هذا الي شايف نفسه ماشي ولا معبرني يتلفت هنا وهناك ولا كنه شايفني
نادر: بالله عليك
الكل يضحك

في بيت ابو مازن
في المجلس
ريم: لمار هذي نوف "وتأشر على نوف"
وهذي رولآ"وتأشر على رولآ"
وكلهم بنات خالاتي
لمار: اهلين
نوف: اهلا بيكي منورتنا
لمار: نورك ياعسل
ريم:شكلك مارا غير عن اول ماشفتك
لمار: مع العبايا والطرحه اكيد بختلف..حتى انتي مرا غير
ريم تبتسم
نوف تروح تجيب العصير
نوف تجيب العصير: اتفصلو
لمار:يزيد فضلك

البارت الـ 15

في فيلا جمانا
"تن تن تن تن "

جمانا تقول للشغاله تفتح الباب
الشغاله تقول لجمانه: في واحد عند باب
جمانه: اي واحد !ماقال مين؟
الشغاله: لا
جمانه تروح تشوف مين
جمانه:راكان!!؟؟
راكان: ايش فيكي مستغربه؟
جمانا:لا مومستغربه بس انت تدري عدا اسبوع وانت ماجبت ريم
راكان:طيب خلينا نتفاهم بالبيت ولا تبغينا واقفين عند الباب
جمانا:معليش اتفضل

في المجلس
راكان:شوفي ياحلوا نواف مره عصب لما مر الأسبوع وماجات ريم وكان مجهز لك عقاب
جمانا خافت: وايش صار؟
راكان:انا اقنعته انه يعطيك هذا الأسبوع
جمانا: مشكوور راكان مني عارفه ايش اقولك من جد شكرا
راكان: بس في شرط
جمانا: اعتبره صار
راكان: نواف طالب نفس البلغ
جمانا تفكر"ايا الخبيث من جد ملعون "
جمانا: الله لا يوفقك يانواف..خلاص انشاء الله بتكون جاهزه
راكان يوقف: اجل ياحلوا اروح انا
واحاول المره هذي اقدر اجيب ريم انشاء الله
جمانا: انت ليش ماجبتها من اول؟
راكان: مو في بيتهم مدري فينها
جمانا:اها
راكان: يلا باي
جمانا:باي

راكان يطلع سيارته
وفي السياره كانت ديمه راكبه معاه
راكان يطالع في ديمه:كلو تمام ياقمر
ديمه تبتسم بخبث: حلو اجل دحين نبدي الشغل
راكان: طيب عرفتي فين ريم؟؟
ديمه: انت امشي امشي وتعرف كل شي عنها
جبت لك كل اخبارها
"راكان يحرك السياره"
ديمه: شوف..اهل ريم مسوين حادث وهما دحين بالمستشفى
وريم واخوها جالسين عند خالتهم
بس المشكله ان ميرا مو موجوده
راكان: اجل فينها؟
ديمه: سافرت لندن تتعالج
راكان: ليش ايدز "ويضحك"
ديمه تضحك:لايكون صدقت البلوتوث ههههههه
لالا بس مسكينه فقدت النطق بعد ماسعود خطيبها تركها
راكان: اها
ديمه: اما ريم لها شي ثاااااني

في المستشفى
ريم راحت تشوف اهلها
وهي تشوفهم من بعيد
ريم مع نفسها: وحشتوني..متى ترجعو وتملو علينا البيت
خلاص كفايه نوم
مشتاقه احضنكم واضمكم مشتاقه اسمع صوتكم
ومشتاقه لحكاويكم قومي ياماما وشوفي حالي
قومي صبريني على فراق ميرا
ميرا بتروح مني ياماما روحي بتطلع مني
سعود: يلا ريم
ريم تطالع في سعود: متى راح يقومو؟
سعود: خليها على الله
ريم:يارب تقومهم وترجعهم لنا
سعود: يلا يلا
ريم وهيا تركب مع سعود السياره وراهم كانت سياره راكان
كان راكان وراهم لين رجعو البيت وعرف بيتهم
ريم اول ماتدخل البيت يرن جوالها
ريم: هلا لمار حبيبتي
لمار:هلا فيكي ..كيفك؟
ريم: نقول تمام
لمار: الله ليش النبره الحزينه هذي لا انتي مو تمام
ريم: آآه يالمار لسه واصله من المستشفى من عند ماما وبابا
لمار: ياحبيبتي الله يشفيهم
ريم:موقارا استحمل ..تخيلي انك تكلمي احد قدامك ومايقدر يجاوبك
لمار: حبيبتي اهدي انشاء الله بيطلعو بالسلامه ..باين عليكي انك مزعله نفسك مره
ريم: بس يالمار لا تفكريني انا في اشياء كثير فيني
لمار: لا مدام الشغله فيها اشياء كثير انا اسمعك حياتي
ريم: ايش بقول ولا ايش بخلي
لمار:ياحياتي انتي ,,اجل خلينا اليوم نطلع انا وانتي في شي مكان وقولي الي فخاطرك حياتي لا تنسي اني متخصصه في علم النفس
اعتبريني دكتوره نفسانيه وانك في عيادتي اوكي
ريم: اشوف واقولك
لمار: طيب ايش المكان الي تفضليه؟
ريم: والله مادري ..خلاص نروح لستار بوكس
لمار: اوكي..اجل اسيبك تفكري يلا بباي ياعسل
ريم: بباي حياتي

سعود: طلعه صح؟
ريم: سعود الله يخليك انا مخنوقه
سعود يبتسم: ماشي ماشي اطلعي وفكي عن نفسك
ريم تبتسم وتروح غرفتها
سعود يروح غرفته ويطالع في نفسه في المرايا ويكلم نفسه:
آه ياسعود ليش ليش سويتها وبعدت عن ميرا
ليش ماكان حبك اكبر ليش ماخليت حبك يمحي الي صار
حسيت بفقدك ياميرا ياريتني ماسويت الي سويته
وياريت الي صار فيكي صار فيني
وحشتيني ياميرا

في لندن
بدر يكلم امه: امي ترا الدكتور يقول ان ميرا مابتتحسن
لأن نفستيتها مازالت تعبانه ميرا لازم ترتاح
ام بدر: وانا ايش بيدي يابدر
بدر: ريم هيا الي متعبه ميرا ومو مخليتها مرتاحه
ام بدر: لا يابدر بالعكس انت تدري ان ريم هيا روح ميرا
بدر: مو هذا هوا السبب ميرا كل ماتفتكر ريم تتعب لأنها بعيده عنها
ام بدر: ماتقدر تخلي ميرا تنسى ريم ريم بالنسبه لميرا شي عظيم ماينمحي
بدر يطالع في امه بنظرات غريبه

في ستار بكس
لمار: ياعمري عليكي بس عارفه انتي شي نادر في هالدنيا
نادر نلقى قلب زي قلبك في طيبته ورقته
ونادر مانلقى زي شخصيتك نادر مابنلقى انسانه في رقه شعورك واخلاصك ووفائك صدقيني انتي شي عظيم في هذي الحياه
ريم: أي شي عظيم وانا محرومه من ماما وبابا واغلى انسانه بحياتي
لمار: ياقلبي مافي احد في الدنيا يعيش سليم
بس في ناس كثير عايشينة عيشي وخليها على الله
صدقيني الله موجود مابيترك عباده
ريم: لمار ميرا دمي تمشي بعروقي الهوا الي اتنفسه ميرا
ونبضات قلبي الي تخفق فيني هيا ميرا
لمار تقاطعها: ومين قال غير كذا انا بقول ربك موجود ليش تنكدي على نفسك دامه موجود صدقيني مابينساكي
ريم تبتسم: ارتحت وانا اتكلم معاكي مدري يمكن لأني مكبوته فقلت كل الي بخاطري
لمار: مايهم ليش المهم انك ارتحتي.. طيب قوليلي انتي ماقد حبيتي؟
ريم تبتسم: اي حب..لا الله يخليكي خليني بعيده عنه انا مو قده
لمار: لييش الحب حلو
ريم: حلو اوقات بس اوقت لأ
لمار:بس الي صار مع ميرا واخوكي مو زي الي بيصير مع كل الناس
ريم: اتمنى القى فارس احلامي
بس بنفس الوقت خايفه من الحب
لمار:الحب حلو ياريم صدقيني
ريم تبتسم: انا مره حبيتك يالمار حسيتك زي ميرا
كل شي فيكي ميرا اشوفك وكني اشوف ميرا
لمار: ياحياتي انتي
ريم :ايوا صح.. بكرا في حفله في قاعه نسايم ليل ليش ماتجي
لمار:انا وصاحباتي الي مسوين الحفله
ريم: لا من جد
لمارتبتسم: والله
ريم: وااو والله فللله يعني المفروض انتي تعزميني رحت انا عزمتك
لمار تبتسم: شفتي الصدفه الحلوا يلا ابغى اشوفك انشاء الله
بس لا تتأخري اكيد البنات جايين معاكي صح؟
ريم: اكيد انا مااقدر اطلع بدونهم

يوم الأربعاء
العصر
يرن جوال رولآ
رولآ:رولآن جيبي جوالي
رولآن تجيب الجوال وتفتح الخط: الو
؟:الو رولآ وحشتيني
رولآن: مين؟
؟:يابنت انا ماهر
رولآن بفرح وهي تنقز:ماهر ماهر وحشتني انت فين
رولآ لما سمعت انو ماهر اخذت الجوال من رولآن
رولآ: ماهر حبيبي ليش كذا قطعت وماتتصل خفت عليك
ماهر: والله مادري ايش الي صار بالجوال ماصار يتصل
ماعليكي .. المهم انتو كيفكم
رولآ: احنا بخير كيف مهران؟
ماهر: بخير والله كيف الي في بطنك ؟
رولآ: بخير والله ..خلاص متى بتجي ترا طولتو
ماهر:انا في جده خلاص
رولآ بفرح: والله من جد طيب تعال عند خاله انا هناك
ماهر: اذا في غدا بجي ترا مره جوعان ومشتاق للأكلات العربيه
رولآ: في غدا بس تعال
ماهر: اجل خلاص بجي
رولآ: طيب لا تتأخر
ماهر: لا خلاص انشاء الله
رولآ: استناكم يلا باي
ماهر: باي

رولآ: ماهر ومهران وصلو من سويسرا وقلت هم يجي يتغدو هنا
ام مازن: ياحبايبي والله وحشوني
ريم لما عرفت انه بجي ماهر يتغدا عبست وجهها
سعود لا حظها: خير انشاء الله ليش الوجه قلب
ريم تبتسم: ها..لا بس حسيت بدوخه

وبعد نص ساعه
يرن الجرس ويدخل ماهر ومهران
رولآ تروح تحضن ماهر ومهران: وحشتووني ياكلاب
مهران: انتي مستحيل تتغيري
رولآ: انا ادلعكم ما اسب
ماهر:فديت اختي الي تدلعني
مهران يحط يده على بطن رولآ: فديت خالو ياناس

ماهر ومهران يروحو يسلمو على ام مازن
سعود: ياواد انت لما تغيب تغيب معاك الهجوله
مهران:والله فاتك الجو هناك
مازن: اقول شباب كيف بنات سويسرا
مهران: اوووه ايش بقول بس
رولآ تضرب مازن
مازن: آآه خلاص خلاص
ماهر:انتبه على نفسك ترا اختي قويه
مازن: انت حتقولي عرفتها خلاص
الكل يضحك

ينزلو نوف وريم
ويدخلو الصاله: السلام عليكم
"اول ماشافها دق قلبه طبال ابتسم تلقائي وحاول يهدي نفسه يحس انه مو طبيعي اول مايشوفها"
الكل وعليكم السلام
ريم تشوف ماهر وتطالع فيه من فوق لتحت
ريم: الحمد لله ع السلامه
ماهر ومهران: الله يسلمك
يجو رولآن ولوران يجرو ويحضنو ماهر ومهران
رولآن ولوران: حبيبي حبيبي
ماهر يشيل رولآن:ياحبيبتي انتي
مهران: لوران حبيبتي انتي وحشتيني
ام مازن تطالع فيهم وتبتسم: الله لا يحرمكم من بعض
رولآ: آمين
ماهر:اجل فين خاله رانيا؟؟
ريم تنزل راسها
سعود: امي وابويا بالمستشفى مسوين حادث
ماهر ومهران:لاحول ولا قوه الا بالله
ماهر: وكيفهم دحين
ريم: كل شي بيد الله
نوف تكلم ريم بصوت واطي: لا تبكي وتخربي فرحتهم خلاص حبيبتي
ريم تهز راسها
ام مازن: اجل احط لكم الغدا يلا تعالو بنات

وبعد الغدا
رولآ: بنات تعالو معايا البيت اروح اجيب ملابسي
ونجلس شويه والمغرب نجي نلبس هنا
ريم ونوف: اوكي


في بيت رولآ
ريم :امووت واشو في يدك بيبي يارولآ
نوف: قريب انشاء الله كلها كم شهر
ريم: وحتى انتي يانوف
نوف: لسه بدري
نوف ورولآ: انتي الي من جد متشوقين نشوفك حامل
ريم: لالا الله يخليكم انا لأ خلوني بعيده
نوف: رولآ فين القهوه ولا ماتبغي تضيفينا
رولآ: يوه نسيت بروح اجيبها
نوف :خليني اروح اضبط كعشتي هذي ...نوف تدخل الحمام
ريم ركزت ظهرها على الكنبه واخذت المخده وحطتها بحضنها ومسكت الريموت
باب البيت كان على الصاله
ينفتح الباب
؟: رولآ
ريم تشهق:ماهر
ماهر اول ماشافها حط يده على قلبه خاف يوقف او يطيح من الملاك الي قدام عيونه: ريم
ريم وقفت ومو عارفه ايش تسوي
ريم: رولآ رولآ
ماهر يطالع في ريم ويبتسم ويحس انه اتجمد
ماهر: معليش ماكنت ادري
ريم: هي انت لا تبحلق كذا يلا روح عن وجهي
ماهر بلعانه: فين اروح؟
ريم: لا والله بلا استهبال
ماهر بصوت اقرب للهمس: الي يشوفك مايقدر يبعد عنك
ريم: يارولآ تعالي وارحميني
تجي رولآ : خير خير
رولآ بفجعه: ماهر
ماهر: يعني مين شايفه قدامك
رولآ: وكذا واقف عند البنت ادخل المجلس
ماهر يدخل المجلس وهوا يضحك
ريم: وجع ليش يضحك
رولآ تضحك
ريم: وجع فيكي انتي كمان
نوف تجي: خير ليش كل هذا الصراخ
رولآ وهيا تضحك: ماهر دخل على ريم والبنت مدري ايش صار فيها
نوف:هههههههه
ريم: واللهي فرحانه انتي وهيا
ماهر من المجلس: هدي اعصابك ماصار شي
ريم بعصبيه: انت تسكت
رولآ ونوف: هههههههههههههه
نوف: وليش جا اخوكي؟
رولآ: انا قلت له يجيب اشياء من السوبر ماركت جبت لكم كل الجالكسيات والشبسات الي تحبوها
ريم بفرح: جالكسي
رولآ ونوف: دوبك كنتي معصبه
نوف: ضعفتي قدام الجالكسي
ريم ونوف ورولا:هههههههههههه
ماهر: طيب انا بطلع كيف؟
ريم: سؤال سخيف
رولآ ونوف:هههههههههه
نوف وريم يدخل لغرفه رولآ على مايطلع ماهر
ماهر : يلا مع السلامه
رولآ: مع السلامه
نوف وريم يجو للصاله
رولآ تأشر على ريم وتضحك
ريم بعصبيه: لا تضحكي وجع وجع وجع
رولآ فاطسه ضحك
ريم: والله طيب
ريم تسدح رولآ على الكنبه وتقرص فيها
رولآ وهي تضحك: خلاص خلاص البيبي راح يموت خلاااص
نوف: يابنت خلاص حرام عليكي
ريم ونوف ورولآ:هههههههههههههه

المغرب
في غرفه سعود
"طق طق طق"
سعود: مين؟
ريم:انا ياسعود
سعود: تعالي
ريم تدخل : مساء الشيرا
سعود: مسا الحلاوا
ريم: سعود انت طالع مكان؟؟
سعود: ايوا ليش؟
ريم: لا بس قلت لو مو رايح تخلي ليان عندك بس خلاص باخدها معايا
سعود: لا خلاص خليها معايا
ريم: انت فين رايح؟
سعود: مدري بس مع الشباب
ريم: طيب لا تخليها لوحدها وانتبه لها
سعود: لا توصي هذي اختي
ريم: اجل اروح البس انا يلا تبغى شي
سعود: ايوا.. انتبهي على نفسك
ريم تبتسم: من عيوني

في غرفه رولآ
رولآ كانت لابسه تنورا مني جب لونها اسود وكانت مدرجه التنوره
وبلوزه سوده بدون حمالات ومن الظهر شكل رقم 7
ولبست بوت لين الركبه اسود
وحطت روج احمر ورسمت عيونها بالكحل الأسود
وكانت مسويه شعرها بالفير

في غرفه نوف
نوف كانت لا بسه تنوره ولونها فيروزي وكانت لين نص الفخذ وكانت فيها فتحه من اليمين
والبلوزه كان لونها فضي وكلها ترتر فضي بإكليل
وكانت مفتوحه من الصدر لين البطن
ولبست كعب فضي
وحطت روج بنكي ورسمت عيونها بالتركوازي
سشورت شعرها
وتركته مفتوح وجابته على وجهها

في غرفه ريم
ريم لبست فستان لين نص الفخذ وكان ماسك
ولونه فوشي وكان الفستان كله اكليل
من عند الصدر كان اكليل فضي
لبست كعب فضي
واكسسوار فضي
لفلفت شعرها وجابته على الجمب ورفعته ونزلت غرتها على وجهها
وحطت روج فوشي ورسمت عيونها بالأسود وحطت كحل فيروزي

في الصاله الي فوق عند غرف البنات
تطلع ريم من غرفتها
وتطلع رولآ
وتطلع نوف
كلهم بوقت واحد
البنات يطالعو في بعض ويضحكو
ريم: صدفه غريبه
نوف: من جد
رولآ: ماشاء الله علينا شوفو كيف نجنن
ريم تدور: كيف الفستان عليا
رولآ ونوف: مرا ناعم
رولآ: وانا كيف الأسود عليا
ريم: اول مرا تلبسي اسود بس طالع حلو
نوف: انا عشقي الأسود بس مدري ليش لبست تركوازي
بس ماشاء الله حلو عليكي يارولآ
رولآ: تسلمو
نوف : طيب انا
ريم ورولآ يعبسو وجههم: يععع
ريم: شكلك مرا يع
رولآ وريم:هههههههههههه
نوف: ياحيوانات
ريم: اقول رولآ لابسه كعب مو خايفه على البيبي
رولآ: لسه بدري حتى شوفي بطني ماطلعت
نوف: انتي اصلا باين انك ام مجرمه
ريم تضحك وتاخذ عبايتها وتلبسها:يلا بنات ننزل
رولآ ونوف ياخذو عبايتهم ويلبسوها: يلا

تابع

//

//

البارت الـ 16

ريم: بنات شوفو الي في سياره كلزلر البيضا
مرا حلووو يجنن
"البنات يطالعو "
نوف: بدر احلى
رولآ:اقول طيري مازن احلى
ريم: اقول طيري انتي وهيا ولله ازواجكم مايجو ظفر هذا
لمار: والله مره حلو ماشاء الله
اسرار: بنات مره يذبح
راجين:شوفو كيف يطالع
ريم: نظرته ذباحه
البنات:آآآآآآه
خالدين: بنات شوفو الي في اللكزس السودا
راجين ذايبه: وآآآآي يجنن
لمار ترمي نفسها على ريم: آنا دخت
البنات: يامجنونه انتي بالشارع الكل يطالع فينا
لمار: ايوا صح والله نسيت
البنات:ههههههههههههه
ريم: شوفو الي في ان فنتي
خالدين: آآآه بنات انا مقدر على كذا مو قادره استحمل
لمار: يعني ايش بتسوي؟
خالدين تضحك: مدري
البنات:ههههههههه
نوف: والله انتو لازم تتزوجو والله طلعتو مصايب
ريم: لا كذا حلو
راجين: انا بتزوج واحد من هذوله
لمار: شوفيلي اخوه
خالدين: وانا ولد عمه
البنات:هههههههههههههه
ريم: المتزوجات المفروض مايجلسو معانا ولا يطالعو في الشباب
كل وحده عندها زوجها
رولآ ونوف: لا والله
ريم: بنات شوفو السياره هذي اظن بي ام دبليو جايه علينا
البنات: هذا فين جاي؟
ريم: بنات وراه سعود احترمو نفسكم
البنات:هههههههههه
البي ام دبليو كانت سيارة راكان
راكان يوقف قدام البنات ويفتح نواف الباب الخلفي ويمسك ريم من خصرها ويسحبها للسياره

ريم تصرخ:لااااااااااااا
البنات: ريييييييييييييييم لااااااااااااااا
"سعود سمع صوت ريم وهيا تصرخ"
نوف ورولآ يروحو عند سعود: الحق ريم ياسعود
سعود بصدمه وفجعه: الي انخطفت هذي ريم؟؟!!!!؟
نوف ورولآ: ايوا
سعود: لاااااااااا ريم لااااااااااا
"سعود يلحق سياره راكان"
مازن يوقف عند رولآ ونوف: ايش فيه سعود؟
رولآبخوف وبصوت باكي:ريم انخطفت يامازن
"رولآ ونوف يركبو السياره"
مازن بصدمه: ايش..؟ لا مو معقول
نوف تبكي: لا تخلو ريم الحقوها
"مازن يلحق سعود بسرعه جنونيه"

سعود: الكلاب والله مابخليهم ياخذو ريم
مازن يوازي سيارته بسياره سعود
مازن: سعود هدي انت مره مسرع
سعود: والله مابتركهم لين يجيبو ريم والله مابترك هالحقارا
مازن: طيب هدي ماتشوف السرعه فين وصلت هدي ياسعود
سعود بعصبيه وخوف وبربكه وتوتر وتلف اعصاب بوقت واحد: مازن وخر عني
مازن:مو كل شي يجي بالعصبيه هدي ياسعود
سعود: بلحقهم وبجيب ريم وبكسر روسهم
"مازن حاول انه يوقف سيارته قدام سياره سعود عشان يوقف"
"وقف سعود عشان مايصدم في سيارة مازن"
سعود ينزل من السياره: وخر عني يامازن
خليني الحق هالحقارا
مازن: اهدا يامازن خلينا نروح نبلغ ماراح نقدر نلحقهم
سعود يصرخ وحابس دموعه: ريم اختي وانا بجيبها انا مسؤول عنها
انا ماراح استنى لين الشرطه تجيبلي هيا انت عارف ايش ممكن يصير فيها
مازن: ياسعود اهدا خلينا نروح نلحق نبلغ وهما يحلقو يمسكوهم
سعود يطالع في مازن بقهر واتجمعت الدموع بعيونه
مازن: اطلع سيارتك وتعال نبلغ

في بيت ابو مازن
ام مازن بصدمه: ايش؟؟ انتي اكيد تمزحي
نوف وهيا تبكي:ياماما ماامزح ماامزح
ام مازن: يالله ياربي مو معقول لأ البنت لازم ترجع ريم لازم ترجع انتو فاهمين

في سياره راكان
ريم وهيا تبكي: اتركوني اتركوني الله يخليكم
اختي ليان محتاجتني لا تحرموها مني
نواف: خلاص اسكتي
راكان: اوووف صجيتينا
ريم تصرخ:اتركوووووووووووووني خلوني فحالي ايش تبغو مني
ماجد: اقول نواف خليها تهجد عطيها بخه وفكنا من صريخها
ريم: لألأاااااااااااااااااااااااااااااااا
نواف يطلع بخاخ منوم وبخ على وجه ريم
ريم بصوت اقرب للهمس: لأ ليش تسوو كذا
بدا صوت ريم ينخفض وبدت تنام
ريم: لياااان.. سعود الحقني سعود لا تخليني لوحدي
ريم نامت

مازن وسعود بلّغو
وهما طالعين
سعود وهوا يدمع:ايش بقولهم؟؟ ايش بقولهم لو سألوني عنها
اقولهم ماقدرت احافظ على الأمانه ماقدرت احافظ على اختي واحميها
مازن: سعود اهدا انشاء الله بنلا قيها قبل لا يصير فيها شي
سعود بعصبيه حاده: كيف تبغاني اهدا وريم مخطوفه كيف تبغاني اهدا واختي مو داري عنها اكيد مو مرتاحه واكيد متضايقه
وايش دراني الكلاب ايش مسوين فيها
سعود يصرخ برجفه صابت جسمه: مابتركهم في حالهم
سعود ياخذ سيارته ويمشي
مازن: سعود فين رايح؟؟ سعود ياسعود"ويلحقه"

في بيت ابو مازن
ام مازن تبكي: ياربي ترجعلي ريم يارب
يارب تكون سليمه مافيها شي يارب تخلصها منهم يارب
نوف تمسك يد امها: ماما انا خايفه عليها
رولآ:مو مصدقه الي صار
مازن: خلاص اهدو لا توترونا زياده
ابو مازن: صلو ع النبي ياناس انشاء الله بيلاقوها
مازن: حتى سعود مدري فين راح
ام مازن: ايش الي صار بهذي العيله الأ م والأب بالمستشفى والبنت مخطوفه والولد ماندري عنه يارب تفرجها
نوف: خلاص ياماما انشاء الله ريم بترجع قولي انشاء الله ياماما
رولآ:يارب مايسوو فيها شي

الصباح
في الشاليه
الشاليه الي ريم موجوده فيه غير شاليه نواف
هذا شاليه راكان وهذا الشاليه برا جده مو في وسط جده بس هذي المنطقه تابع لجده
الساعه 6:30
ريم وهيا على السرير
ريم تمسك راسها: آآآآه راسي آآآه
ريم تقوم وتلقى نفسها في غرفه مسكره مافيها غير تسريحه وسرير وبلكونه
ريم واقفه قدام المرايا: الحمد لله مافيني شي انا زي ما انا
ريم تطالع في البلكونه: انا لازم اطلع من هنا
ريم تشوف نفسها وتشوف الغرفه من الى: فين عبايتي؟؟.. يووه انا ماراح استنى لين يجيبو عبايتي انا بطلع من هنا "ريم تفتح البلكونه وتطلع "
وتشوف البحر مو قادره تحدد مكانها
ريم:لازم انقز من هنا
ريم رفعت رجولها عشان تنقز من البلكونه وتعدي سور البلكونه
صارت ريم مقابله للغرفه وظهرها للبحر وماسكه في السور

من تحت على الشاطئ شافها واحد وخاف انها تطيح وتتعور قام قرب منها ورفع يده بحيث انها لو طاحت يمسكها وريم ماحست فيه
ريم وهيا تحاول تعدل نفسها عشان تقابل البحر وتعطي ظهرها للغرفه عشان تنقز
علقت رجولها بين الحديد الي في السور
ريم: آآي رجولي
وهيا تحاول تخرجها من قوه الدفع طاحت ريم على ظهرها
لما طاحت حاطت على الشخص الي كان واقف يستناها تنقز
طاحت وانسدحت على ظهرها وصارت يد هذا الشخص تحت ظهرها زباقي جسمها على صدره
ريم التفتت يمينها وتشوفه وحطت عيونها بعيونه
لحظه صمت نزلت عليهم الإثنين لمده تقريبا 15 ثانيه

مو طبيعـي هـالولد من جد يُمـہ

فيـہ ذوق ... وفيـہ شوق ... وفيـہ للعشاق عـوق

يُمـہ يسلم لك ح ـبيبك

واللـہ نَسَاني ح ـليبك !

أيـہ ورب الكـوووون يُمـہ !!

ريم استوعبت ان الي قدامها شخص غريب
قامت وجلست
ريم تمسك ظهرها: آآه ظهري
حط يده على يدها الي حاطتها على ظهرها: انتي بخير
ارتفعت حرارتها وحست بشي غريب اول مالمسها
ريم بألم: ظهري
؟:طيب حاولي توقفي
"مسكها من يدها ويحاول يقومها"
ريم حست انها متجمده من لمسة يده قالت بألم:آآه
كان خايف عليها موت:تقدري تمشي
ريم: خليني امشي من هنا بسرعه"وتلتفت حولها"
رفع حواجبه: ليش انتي مو عند اهلك؟
ريم بسرعه: لا هذوله خاطفيني الله خليك خرجني من هنا"وحط يدها على يده بترجي"
طالع في يدها ايل على يده ومرت قشعريره على جسمه من يدها البارده على يده الحاره
ريم استوعبت ونزلت يدها
؟:طيب تعالي

نواف: ياشباب ريم بتهرب
ريم تصرخ: لأ يلا بسرعه
مسك يدها بقوه وقام يجري فيها و هربو ونواف والشباب وراهم
ريم اتعثرت برجولها وطاحت:آآآه رجولي
؟: قومي معايا حاولي تمشي بسرعه قبل لا يوصلولنا
"اخذها واتخبو بين كبينتين "
نواف وهو معصب: هربو الكلاب
راكان بقهر: ليش ليش
رائد يطالع فيهم بقهر
ماجد يضحك: يلا شوفو غيرها ياحلوين

يرجعو الشباب للشاليه
ريم صارت تبكي لأنها فرحانه انها خلصت منهم وبنفس الوقت تحس بخوف
ريم جلست في الأرض وتبكي
يقوم هذا الشخص ويقومها ويمسح دموعها ويطالع فيها ويبتسم وكان ماسكها من ذراعها

وكانو اثنينهم يرجفو وكل واحد حس برجفة الثاني

يا شايله
من دنيتي لوعة
الياس..
و يازارعه فيني دروب الوناسة!!
وياساقيه قلبي
((من إحساسك إحساس))
أشرب شعورك وأرتشف من حواسه..
"أنتي"
حبك بداخلي
ماله قياس...
ومابه مقاييس تحدد قياسه...!!


ريم من كثر ماهيا خايفه وفرحانه في نفس الوقت اغمى عليها
يشيلها هذا الشخص ويوديها كبينته
وماكان في احد في االكبينه غيره
حطها على السرير وصار يهتم فيها
بعد فتره تصحى ريم وتطالع يمينها وتلقى بلكونه
تطلع منها وتشوف واحد على الشاطئ ماسك جيتار ويعزف
نزلت وراحت للشاطئ وقربت منه
وسمعته يغني ويعزف واتجننت على صوته وشكله وهوا جالس على الشاطئ وطرف بنطلونه مبلل
التفت وشافها
ترك الجيتار على التراب ووقف ومسك يد ريم ويطالع في عيونها ويمسح على شعرها
وريم تطالع فيه
قام يكمل الأغنيه الي كان يغنيها اغنيه يغني/اغنيه عادل محمود

}أوعدني عني ما تغيب
*تبقى هنا جنبي قريب
*محتاج أنا مثلك حبيب
*يفهم عيوني و ضحكتي
فيك أنت حلمي من زمان
و أنت الهوى و ادفآ حنان
تلقى معاك روحي الأمان
ياحلى بشر في دنيتي
وحدك أبيك و الله أبيك أبيك
بس تكفى تطمني عليك
ما بي احد يشغل عينيك أموت أنا من غيرتي
فيك أنت حلمي من زمان
و أنت الهوى و ادفى حنان
تلقى معاك روحي الأمان
ياحلى بشر في دنيتي

خذني معاك يا حلى ملاك
خلني انا احيا بغلاك
حياتي من دونك دونك هلاك
وحدك حبيبي و جنيتي
فيك انت حلمي من زمان
و انت الهوى و ادفى حنان
تلقى معاك روحي الأمان
ياحلى بشر في دنيتي{

ريم: انت مين؟؟
بصوته الساحر: انا حلمت فيكي
ريم:مو معقول..!وانا كمان
قال صوتها بهمس قتال: انتي ريم؟
ريم: وانت رجوان؟
رجوان يبتسم ويهز راسه
ريم وعيونها تلمع: مو معقول ..زي ماشفتك في الحلم
رجوان: وانتي كمان زي ماشفتك في الحلم
ريم رجوان يبتسمو وعلى وجههم علامات تعجب

ريم تفتكر: اهلي
رجوان: ايش فيهم؟؟ وبعدين انتي ليش هنا لوحدك
ريم: انا البارح كنت في حفله و..و...و "ريم اترددت "..وانخطفت وانا عند القاعه استنى سعود
رجوان: مين سعود؟
ريم تحاول انها تفتكر: سعود سعود سعود .. ايوا اخويا..ياعمري تلقاه خايف عليا
ممكن جوالك اكلمه؟؟
رجوان: آسف جوالي مفصول
ريم: حتى جوالي .. بس مومعقول بجلس كذا من غير مااطمنهم على الأقل وكيف برجع بيتي"رجعت تدمع"
رجوان يطالع فيها ويبتسم ويكلم نفسه: انا ليش قلت لها جوالي مفصول وانا جوالي مو مفصول؟؟
ريم تبكي: انا ايش بسوي دحين؟؟ لا تتركني انا مااعرف اتصرف
رجوان: ومين قال اني بتركك
ريم بتردد: طيب طيب سيارتك..
رجوان يقاطعها ومايخليها تكمل كلامها: مافيها بطاريه
ريم: يووه ياربي
رجوان مع نفسه: انا ايش فيني بكذب عليها السياره وفيها بطاريا ليش قلت لها مافيها؟ يمكن لأني ابغاها تكون معايا؟؟
"رجوان يبتسم" يمكن
ريم: انا مستحيل اجلس كذا عبايتي ماادري فينها
رجوان: ثواني وبتكون عندك عبايه
ريم: من فين؟
رجوان: اهلي ناسيين اغراض هنا قبل لا يروحو وفي عبايه اختي
ريم: طيب بلييز ممكن تجيبها عشان مستحيل اجلس كذا
رجوان: من عيوني.. تعالي ندخل
ريم بفجعه: لالالالا انا بجلس هنا
رجوان يرفع حواجبه: براحتك
ريم واقفه عند الشاطئ لوحدها وتلفتف حولها
وتسمع صوت واحد ينادي صاحبه : يامحمد .. محمد فينك
ريم على طول خافت ودخلت الكبينه تجري
رجوان: ايش فيكي؟
ريم بإرتباك: لا لا ولا شي
ريم تاخذ العبايه وتلبسها وتلف الطرحه
رجوان:تفطري معايا؟؟ شكلك جوعانه
ريم بخجل: مره
رجوان يبتسم ابتسامه عذبت قلب ريم: اجل تعالي الفطور جاهز
ريم: ليش مانفطر برا افضل يعني
ريم ماتبغا تكون معاه لوحدها في الكبينه وقالت برا افضل على الشاطئ

في لندن
ميرا تحاول تكلم بدر عشان يتصل في ريم
بدر وهو يطالع في ميرا: كل مااتصل تسكر الخط او تعطيني بزي
ميرا مع نفسها: معقول
بدر: غسلي يدك من هذي البنت البنات عندك ياكثرهم
لندن كلها بنات
ميرا ترفض وتقول في نفسها: انت ماتدري غلات ريم عندي يابدر
ام بدر تطالع في بدر: اتركها على راحتها يابدر
بدر: انا بقول يعني لمصلحتها اصلا باين عليها خاينه من جيتي لا اتصال ولا خبر ولا سؤال ولا شي
ميرا لا تشغلي نفسك بهذي البنت ولا تفكري فيها
ميرا صارت تدمع ومع نفسها: لأ ريم مستحيل تكون كذا انت تكذب يابدر ليش تكذب عليا يابدر ليش

ريم كانت جالسه على الشاطئ وتكلم نفسها: انا مو مصدقه شي..!معقول يكون هوا.!نفس النظره نفس الصوت نفس الإبتسامه
نفس الملامح انا من جد مو مصدقه شي
مين يتخيل اني اشوفه في حلمي وبعدين ع الحقيقه ومعقول هوا كمان حلم فيني؟؟!!؟
انا من جد بيجن جنوني

رجوان وهو واقف في البلكونه يشوف ريم ويكلم نفسه: معقول الي قاعد يصير..!؟معقوله اشوفها في الحلم واليوم اشوفها حقيقه هذي ملاك اكيد مو انسانه
مين يصدق الي صارلنا؟؟ شي مايدخل العقل

في س?يد آلر?ح مگن?ني

? في حشآيـہ لگ قصر بآني

حبگ مفند ? مصي?ني

? لآ يـع?ضني بگ فلآني

فـ غرآمگ صرت مجن?ني

? لگ هديت آلعمر مجآني

گل شي لأجلگ يه?ني

ريم توقف وتلتفت وترفع راسها وتلقى رجوان واقف في البلكونه وارتبكت
ريم:انا ماراح اجلس هنا ولا دقيقه انا لازم ارجع جده بروح بيتي
رجوان: وكيف؟؟
ريم: مدري مدري لو برجع مشي
"ريم مشيت وخلت رجوان"
رجوان من البلكونه: لا يابنت لا تروحي استني استني
"رجوان ينزل جري ويروح عند ريم"
رجوان: لحظه اجهزالسيارا طيب
ريم: بتسويلها اشتراك؟؟
رجوان: ايوا اشوف اي احد واسويلها اشتراك
ريم: اوكي بس بلييز ماتتأخر
رجوان يبتسم: من عيوني
ريم : انا بدخل الكبينه لو خلصت قولي
رجوان: اوكي خلاص
ريم وهي في الكبينه مع نفسها: انا ليش واثقه فيه لهالدرجه
ممكن يكون زي هذوله الشباب الي خطفوني ممكن يكون معاهم؟!!؟
لألأ مااتوقع طيب ليش مااتوقع؟؟
مادري حاسه انه غيرهم مااعتقد زيهم لا مو حاسه انا متأكده

رجوان وهو عند السياره: لأ راح تروح مني ياريت تفضلي معايا
احلى ساعتين قضيتها في حياتي كانت معاكي
ماراح اخليكي تروحي مني ياريم انا ماصدقت لقيتك

في بيت ابو مازن
الكل مانام
الكل جالس يستنى ريم وسعود
نوف: مومعقول بنجلس كذا لازم نسوي شي
ام مازن بحزن: ايش بنسوي يابنتي قولي لو في حل قولي
رولآ تكلم مازن: الشرطه مادقو عليك؟
مازن:لأ
"ينفتح الباب والكل يطالع على الباب"
الكل: سعود؟!!!؟
سعود وهوا يطالع فيهم بحزن
ام مازن: حبيبي فين كنت خفت عليك
سعود بنبره مخنوقه:غياب ريم عن البيت مسؤوليتي وانا ماقدرت احافظ على اختي
حتى ماقدرت ادورها واجيبها
مازن: انشاء الله بنلاقيها ياسعود انت دحين اطلع ارتاح
سعود بفقد امل: اي راحه يامازن.؟؟ اي راحه وريم مو داري عن ارضها
ايش دراني ايش مسوين فيها هيا عايشه ولا لأ مرتاحه ولا لأ
كيف تبغاني ارتاح واختي محتاجتني وانا موقادر اوصلها"اتجمعت الدموع بعيونه"
ام مازن: حبيبي اهدا انشاء الله بترجع
رولآ ونوف يطالعو في بعض بحزن

رجوان وهو متردد يدخل الكبينه ولا لا عشان مايبغى ريم تروح منه
ريم تطلع: ها خلصت؟؟!!؟
رجوان ارتبك: خلاص انتهيت..يلا؟
ريم : يلا
ريم تركب السياره ولأول مره تكون مرتاحه وهيا راكبه مع واحد غريب
رجوان: اكيد عارفه عنوان بيتكم
ريم:انت امشي وانا بقولك
رجوان في نفسه: لاتبعدي عني
حسيت معاكي احساس غريب احلى احساس
لاتبعدي وخليني عايش في احساسك
خليني اغرق في بحر احساسك

ريم مع نفسها:آآآآه انا ماصدقت لقيتك اخاف بعدك ماعيش
عشت احلى اوقات حياتي معاك معقول بنتقابل تاني؟؟ ولا كل واحد بينسى التاني؟؟
انا ماعتقد انساك مستحيل انسى انسان حبيته من قبل لا اشوفه

في بيت ماهر
ماهر وعيونه تلمع وبدت شويه شويه تنزل على خده: اخذو مني اغلى شي ملكته في حياتي اخذو روحي وعمري
ماهر بعصبيه: ليش ليش؟؟!؟؟"ويضرب على الجدار بيده بكل قوته لين حس بالألم بس مو اكثر من الم ريم"
كانت هيا كل حياتي هيا هوايا ودفايا مستقبلي ومنايا
والله لو يطيحو بيدي مابتركهم إلا ابيدهم من الحياه كفايه انها صادتني
بس كان يكفيني اني اشوفها
"ماهر ياخذ مفاتيح سيارته وينزل"


تابع

//

//

تابع

//

//

ريم تمسك راسها وتغمض عيونها: انا مضيعه مو قادره اجمع معلوماتي
رجوان: موعارفه عنوان بيتكم؟؟
ريم تضرب راسها بخفه:مادري ايش فيني ناسيه كل شي
رجوان يوقف سيارته على جمب ويغير جلسه وتعطي الشباك ظهره ويقابل ريم: طيب هدي وروقي ولا تتوتري
"ريم ترجع ظهرها للمقعد وهيا ماسكه راسها"
ريم:افتكرت
رجوان : ها لفين؟؟
ريم ترجع تضرب راسها:لألأ
رجوان مستغرب: انتي بخير؟؟
ريم تدمع: مدري ايش فيني ليش ناسيه كل شي
رجوان: هذوله الشباب سوولك شي؟؟
ريم: مدر ي بس افتكر انهم ضربو راسي في باب السياره وبخو عليا بخاخ قبل لا انام مومفتكره غير هذا بس
رجوان:طيب ايش رايك تنامي وترتاحي يمكن لما تصحي تفتكري؟؟ وبعدين انا كمان تعبان ومانمت
ريم: هنا؟؟
رجوان: هنا ..انتي بمكانك وانا بمكاني"ويبتسم"
ريم ساكته
رجوان يسدح المقعد ويحط يده تحت راسه ويغمض عيونه وهو مبتسم ومبسوط
ريم ترتكز ع المقعد وتغمض عيونها
رجوان يلتفت يمينه ويشوف ريم
وريم تلتفت شمالها وتشوف رجوان
رجوان يغمض عيونه عشان مايحسس ريم انه يطالع فيها
وريم كمان تغمض عيونها عشان ماتحسسه انها تطالع فيه
تكررت هذي النظرات مرتين
وفي المره الثالثه
ريم ورجوان ماقدرو يستحملو وصارو اثنينهم يضحكو

منگ آنآ مدري ?ش آلذي صآر

بس آدري آنگ صرت تعنيـني

آحن لگ ? " آشتآقلـگ "? آغآر

? آم?ت ل? لحظـہ تجآفيني

?ين آبتدي ? گيف آبتدي ؟ محتآر!

آحسآسي آلي لگ ينآديني

مآعآد آتمنى ? لآ آختآر

دآمني لقيتگ " آنـت" تگفيني

ريم تبتسم :خلاص ابغى انام
رجوان يبادلها نفس الإبتسامه: نوم العوافي
رجوان يستهبل ويطالع في ريم : ماألقى عندك بطانيه انا بردان
ريم تطالع فيه بإستغراب ورافعه حواجبها
رجوان حابس الضحكه: ايش البيت هذا الي مافيه بطاطين
"ريم تضحك"
رجوان يطالع فيها ويبتسم"فديت هالضحكه ياناااس واي تذبح"

في المستشفى
في غرفه الدكتور
الدكتور يمسك التلفون ويدق
يرن جوال سعود
سعود: الو
الدكتور: السلام عليكم.. معاك الدكتور خالد
سعود: خير دكتور في شي؟؟
الدكتور: خير انشاء الله.. بس حبيت ابشرك ان الوالد والوالده اتحسنت حالتهم وطلعو من العنايه وتقدرو تشوفوهم
سعود بفرح:والله من جد انا جاي دحين
"سعود يسكر الخط"
ويفتكر ريم وتروح الإبتسامه وفرحه بشفاء اهله
"سعود ينزل"
ام مازن: خير حبيبي على فين؟
سعود بحماس: الدكتور لسه متصل فيني ويقول امي وابويا طلعو من العنايه
مازن وام مازن: الحمد لله على سلامتهم
ام مازن:استنى انا بجي
مازن: وانا كمان
رولآ من الدرج: استنوني
نوف : وانا كمان
ام مازن:لا انتي خليكي مع ليان ورولآن ولوران وانتبهي عليهم

في المستشفى
يدخل سعود الغرفه: امي
ام سعود وهيا على السرير مبتسمه: سعود حبيبي
سعود يحضن امه ويدمع: الحمد لله على سلامتك
ام سعود تمسح دموع سعود: الله يسلمك حبيبي انا بخير لا تخاف
سعود يضم على يدها بقوه: وحشتيني يااحلى ام بالدنيا
ام سعود: ياحبيبي انت.. فين البنات؟
"سعود يطالع في ام مازن ومازن"
سعود بحزن: نايمين في البيت
ام مازن: وحشتني ريم ياعمري ايش مسويه بدوني
مازن يغير الموضوع: الحمد لله على سلامتك خاله
ام مازن: الله يسلمك
ام مازن تحضن ام سعود: الحمد لله على سلامتك ماتشوفي شر حبيبتي
ام سعود: الله يسلمك حبيبتي الله لا يحرمني منك
رولآ تسلم على خالتها: الحمد لله على السلامه خالتو
ام سعود: الله يسلمك حبيبتي
سعود: امي بروح اشوف ابويا واجيك
ام سعود: الله معاك حبيبي وسلملي عليه وقوله الحمد لله على سلامته
سعود يبتسم: انشاء الله

سعود يدق الباب ويدخل
سعود يروح يسلم على ابوه: الحمد لله على سلامتك
ابو سعود يبتسم: الله يسلمك
سعود يبوس راسه بشوق: خفت عليكم مره كذا تسوو فينا
ابو سعود يبتسم وضم يد ولده بقوه: والله ياسعود كل شي بيد الله. اقول فين اخواتك ؟؟ فين ريم وحشتني هذي البنت احس من زمان عنها مدري لا راحت عني انا ايش بسوي بدونها
سعود ينزل راسه: في البيت نايمين
ابو سعود يبتسم:اكيد ريم قلبت الدنيا يوم سمعت بالحادث بنتي واعرفها الله يهديها
"سعود ينزل راسه ومو عارف ايش يقول"
سعود:والله الي صار لكم هزنا كلنا الي صار مو شويه
سعود يبوس يد ابوه

العصر
رجوان يقوم على صوت السيارات
يقوم ويطالع على الملاك الي نايمه جمبه
يطالع فيها ويبتسم ويقول في نفسه: انتي نازله من السما استحاله تكوني انسانه عاديه
انتي غير البشر كلهم
انتي شي شاذ عنهم
انتي ملاك................ وانا اجنحتك
ريم تقوم برضو على صوت السيارات
رجوان يبتسم: مسا الورد
ريم تبتسم
رجوان: مشينا
ريم: على فين؟
رجوان: اول شي بنروح نتغدا عشان انا على الفطور ومره جوعان وبعدين باخذك على البيت انا عايش لوحدي
ريم خافت: لأ بيت لأ
رجوان يطالع في ريم بنظرات مافهمتها بس ارتاحت من نظراته: صدقيني انا زي اخوكي وانتي زي اختي صدقيني بترتاحي ماراح اسوي لك شي مو معقول اتركك في الشارع بتكوني عندي لين تفتكري بيتكم
"ريم ساكته حست براحه من عيونه"
رجوان يشغل السياره ويروح عند مطعم اونو
رجوان يقفل السياره: يلا ننزل؟؟
ريم تطالع فيه بتردد
ريم: اوكي

في المطعم
ريم: انت فين اهلك؟؟
رجوان ارتبك واتردد مو عارف ايش يقول : ها.؟! اهلي .. اهلي موجودين في جده
بس انا ليا بيت لوحدي
ريم: طيب ليش؟
رجوان بتردد: عشان عشان انا مشتريه وبإسمي
ريم: اها"بمشيها مع انك ماقلت شي يقنعني"

في المستشفى
في غرفه رانيا
يدق الباب ويدخل ماهر ومهران: السلام عليكم
الكل: وعليكم السلام
ماهر: هلا خالتي الحمد لله على سلامتك
الخاله:الله يسلمك
مهران: ايش هذا ياخاله ؟؟ عذبتينا وخوفتينا عليكي
الخاله: والله الي صار الله كاتبه
ماهر: والله وحشتينا ياخالتي
الخاله: وحتى انتو وحشتوني
ماهر: فين سعود ياخاله؟
الخاله: في غرفة ابوه
ماهر : اجل نروح نجلس مع الرجال
الخاله رنا: ليش ماعجبتك جلسه الحريم؟
ماهر يبتسم : لا ابدا انا ماقلت كذا بس يعني اسلم على عمي
الخاله رنا: ايوااااا طيب روح حبيبي
"الكل يبتسم"
رانيا: ريم وحشتني اكيد قامت من النوم ماصار كل هذا نوم مو عادتها
بدق على سعود يروح يجيبها
"رولآ تطالع في ام مازن وام مازن تطالع في رولآ"

يرن جوال سعود
سعود: ايوا امي
ام سعود: سعود حبيبي روح جيب ريم اكيد قامت من النوم ترا مره وحشتني
"سعود مو عارف ايش يقول"
"سعود ساكت"
ام سعود: سعود انت سامعني؟
سعود بحزن: انشاء الله امي
سعود يكلم مازن وماهر ومهران وابوه وابو مازن: عن اذنكم
ابو سعود: على فين؟؟
سعو بتردد: امي ..دقت وقالت لي .... "وسكت"
سعود: وقالت لي اروح اجيب ريم وليان
مازن وماهر ومهران وابو مازن يطالعو في سعود
ماهر: استنى بجي معاك
سعود: يلا

برا الغرفه
ماهر يطالع في سعود بألم وحزن: سعود
سعود يطالع في ماهر واتجمعت الدموع في عيونه: قولي ايش بسوي ياماهر؟؟ ايش بقولهم
"ماهر ساكت مو عارف ايش يقول"

في بيت ابو مازن
يدخل ماهر وسعود البيت
سعود: ليان ليان

في الغرفه
نوف: هذا سعود ليان روحي شوفي سعود
ليان تطلع من الغرفه: ثعود بيبي
"ينزل سعود على ركبته ويطالع فيها بحنان ويمرر اصابعه على شعرها ويبوسها على خدها ليان كانت تشبه ريم بس على اصغر اتخيلها ريم وضمها"
سعود: يلا ماما البسي وتعالي نروح عند ماما وبابا
ليان بفرح:ماما وبابا"وتنقز"
"ليان تجري تروح للغرفه"
ليان: نوف نوف بثرعه لبثيني بروح عند ماما
"نوف تلبس ليان وتطلع"
نوف تاخذ عبايتها وتاخذ رولآن ولوران وتطلع عند سعود وماهر
ليان تروح عند سعود ورولآ ولوران يروحو عند ماهر
نوف: بعد اذنكم يعني بجي معاكم
سعو: حياك
ماهر: انتي اختنا وعادي

في بيت رجوان
عند الباب ريم متردده تدخل ولا لأ
رجوان يطالع فيها: صدقيني انتي زي اختي وبخاف عليكي ماراح اتركك لين تروحي عند اهلك صدقيني مابسوي فيكي شي
ريم تطالع فيه بخوف بس كاانت ترتاح لما تحط عينها بعينه
رجوان:يلا تعالي
"ريم تطالع فيه"
رجوان اتعمد يناظرها بنظرات ترحها:تعالي... تعالي
"ريم تدخل البيت وتطالع فيه من الى"
ريم: انت عايش لوحدك في هذا البيت؟
رجوان يحط المفاتيح على الطاوله ويلتفت علهيا ويبتسم: ايوا.. تخيلي
ريم: بس كبير عليك
رجوان اتردد وارتبك: ماحبيت اخذ شقه على قدي
ريم: ليش؟؟
رجوان موعارف ايش يقول: ها...لا بس يعني ... قلت هذا البيت الي بتزوج فيه
ريم : اها
رجوان: عندك كل هذي الغرف اي غرفه تعجبك نامي فيها
وانا بنام في غرفتي..انا مره تعبان وبروح انام يلا تبغي شي قلبي؟
ريم هزتها الكلمه وصارت ترتجف ومسح جبينها الي عرق من حراره جسمها: فين رايح؟؟؟
رجوان موعارف كيف طلعت هذي الكمه منه طلععت عفويا بس لما شاف ريم طنشت الموضوع طنش هوا كمان
رجوان يبتسم: بروح غرفتي انام
ريم: وتخليني لوحدي؟؟
رجوان: يعني تبغيني انام معاكي
ريم بخوف وبسرعه: لأ ..انا مااقصد كذا بس اخاف لوحدي
رجوان: طيب؟!!؟
ريم: خلاص خلاص روح نام
رجوان: طيب اطلعي نامي في الغرفه الي جمب غرفتي اذا كنتي خايفه
ريم: لالالا انا بجلس تحت وماابغى انام
رجوان: راح تتعبي نفسك على الفاضي صدقيني مابسوي فيكي شي نامي وارتاحي
ريم: اصلا مافيني نوم
رجوان: براحتك بس لو تبغي شي صحيني بأي وقت وانا حاضر
ريم بخجل: انشاء الله
رجوان يطلع غرفته وهو مبتسم وقلبه يدق طبال

البارت الـ 17

في لندن
ميرا بدت تتجاوب مع العلاج وبدت تتكلم شويه
الدكتور: انتي حالتك اتحسنت بصوره جدا كبيره عن اول مادخلتي
وهذا شي يسعدني ويسعد الجيع
ام بدر: الحمد لله على كل حال
الدكتور: الحمد لله..بس هذا مو يعني خلاص بتتركي العلاج وتطلعي من هنا
لسه شويه كمان
ميرا تطالع في الدكتور بحزن
الدكتور: لا ماابغى النظره الحزينه
ابغى نظره أمل وتفاؤل خلاص؟ عشان تطلعي من هنا انشاء الله بأقرب وقت
"ميرا تهز راسها"

في جده
في المستشفى
سعود يدخل على امه ومعاه ليان بدون ريم
ام سعود: ماما ليان حبيبتي تعالي
ليان بفرح: ماما ماما حبيبي
"ليان تروح عند امها"
ام سعود تبتسم تطالع تشوف ريم وماتلقاها
ضاعت ابتسامه ام سعود وحست ان ريم فيها شي
ام سعود بخوف: ريم فينها؟؟
"سعود منزل راسها وعيونه تلمع"
ام سعود بصوت اعلى من اول: بقول ريم فينها؟؟ ليش مااحد يرد عليا
بنتي فيها شي؟؟
"الكل منزل راسها ومو قادر يتكلم "
ام سعود تحاول انها تقوم من السرير
سعود يقرب منها: امي لأ انتي تعبانه خليكي من منسدحه
ام سعود: اذا انت موراضي تجيبلي ريم انا بروح اجيبها
ام مازن: يااختي اهدي
ام سعود: رنا ريم فين؟؟
ام سعود بعصبيه: ردو عليا خلاص بفقد اعصابي انا من اول وانا حاسه ان ريم فيها شي قولو ريم ايش فيها؟؟ ريحوني قولومافيها شي
"سعود يجلس على السرير قدام امه ويمسك يدها ويبوسها يدها وتخونه دموعه وتنزل على يد امه": امي...؟!؟
ام سعود بفجعه: ها حبيبي قول قول"وتمسح دموعه"
سعود: ريم ... ريم
ام سعود بصراخ: سعود ريح بالي وقول
سعود: ريم انخطفت
ام سعود تضرب بيدها على صدرها: بنتي لأ
ريم لا .. لا تقول ياسعود لا لا ريم .. مستحيل مستحيل
ام مازن تمسك ام سعود من كتفها: اهدي يارانيا بنلاقيها انشاء الله
ام سعود وهيا تبكي: لاااا بنتي روحي معاها ياريت ربي اخذني ولا خلاني اسمع الي سمعته
سعود يمسح على يد امه: امي الله يخليكي اهدي انتي تعبانه
ام سعود وهي تبكي من قلب بطريقه تعذب القلب: تبغاني اهدا وارتاح وانا موداريه بنتي فينها؟؟ انت صاحي
ماهر: خالتي لا تشيلي انشاء الله بترجع لك
رولآ: خالتو حبيبتي الله يسعدك لا تتعبي نفسك اكثر
ام سعود: آآآآآآآه ياربي ليش ليش..؟؟
ريم حياتي كلها
ام سعود تكلم سعود بعصبيه: انت فين كنت عنها ليش تركتها ليش؟؟
سعود: عاتبيني وسوي الي تسويه بس اترجاكي امي لا تعصبي ولا تبكي
ام سعود ترفع يدها للسما: يارب يارب ترجعلي ريم يارب
يارب ترجعها سالمه
"ام سعود بدت تحس بتعب "
سعود يمسك كتفها ويهزها : امي ايش فيكي؟؟
ام مازن:رانيا ايش فيكي؟
نوف بخوف: خالتي
ماهر يروح ينادي النيرس
"ام سعود اغمى عليها"
سعود: امي امي
نوف ورولآ: خالتي
ام مازن: رانيا

سعود يطلع بفجعه ويروح ينادي الدكتور
تجي النيرس ومعاها كم وحده غيرها
النيرس: اطلعو برا لو سمحتو بسرعه
سعود: امي ايش فيها؟
النيرس: برا لو سمحتو
ماهر: تعالو تعالو
"يطلعو برا ويدخل الدكتور"
سعود:آآآآه انا ضيعت امي وضيعت اختي
ايش راح اسوي في ابويا؟؟ يا الله ترحمني
ماهر يحط يده على كتفه: سعود لا تقول كذا الي صار بيد الله والله الي كاتبه
سعود: حاسس اني انا السبب في كل الي قاعد يصير
ام مازن: سعود حبيبي لا تقول كذا انشاء الله كل شي بيرجع واحسن من اول

في غرفه ابو سعود
ابو سعود يكلم مازن: هذول ايش فيهم اتأخرو؟؟ حاسس انو في شي سعود مخبيه عني
مازن ارتبك: لا عمي مافي شي اكيد مافي شي
ابو سعود :والله مدري
مهران: عمي ايش بيخبي عنك يعني انت تعرف سعود مايخبي عنك شي
"يدخل سعود وهو متحطم وفاقد الأمل ومعاه ماهر"
ابو سعود يشوف حاله سعود: سعود ايش فيك؟؟
سعود يطالع في ابوه ويقول في نفسه: الله يستر ايش بيصير فيك انت كمان..الله يستر
ابو سعود: سعود اتكلم ايش فيه بقول؟؟
سعود : يكفي الي صار ياابويا
"سعود يروح يجلس عند ابوه على السرير":يكفي الي صار لا تعذبني انت كمان وتحسسني بالذنب لوعليا مااقول لكم انت وامي بس انتو اجبرتوني
ابو سعود: سعود ادخل في الموضوع..اختك فيها شي؟؟
"سعود يهز راسه"
ابو سعود: فين ريم ياسعود؟؟
سعود بتردد:انخطفت وهيا كانت في حفله مع صاحباتها
ابو سعود بصدمه: لأ بنتي؟؟!!؟"عيونه صارت تلمع"ريم حترجع ياسعود حترجع
تعرف ليش؟؟ عشان ريم اقوا من 100 رجال انا الي مربيها وانا عارفها حترجع صدقني
"ابو سعود حابس دموعه":حترجعلي ريم حأوحشها وترجع
سعود يبوس يد ابوه:انشاء الله بترجع لنا
ابو سعود: امك دريت؟؟
سعود: امي جاتها صدمه من الخبر
ابو سعود:ليش قلت لها ياسعود انت ماتعرف امك؟؟
سعود: هيا اجبرتني مو عارف ايش بقولها
ابو سعود: يااااااارب ترحمني وتطمن بالي على بنتي وزوجتي لوكان في هذا الشي موتي

في بيت رجوان
كانت الساعه12:30
وريم لوحدها في الصاله خايفه تنام ويصير شي
كل شويه تغمض عيونها تلقائيا وتقوم بسرعه الين ماسمعت صوت قربعه بالمطبخ
ريم وقفت وقلبها يرجف
ريم صارت تجري لين وصلت لغرفه رجوان
ريم فتحت الباب بقوه: رجوان الحقني
رجوان ينقز من سريره وهو مفجوع: خير ايش صاير؟؟
ريم تقرب منه اكثر: مدري سمعت صوت قربعه بالمطبخ في احد
رجوان مستغرب: مين يعني ؟؟انا ماعندي احد؟؟
ريم ىتقرب اكثر: انا خايفه
"رجوان انبسط"
"ريم صارت تبكي"
رجوان يبتسم: ليش تبكي ..طول ماانا معاكي ماتخافي تعالي نشو ف مين
ريم تسحب بلوزته: لأ خايفه
رجوان: قلت لك طول ماانا معاكي ماتخافي.. يلا
ريم تنزل مع رجوان وكانت ماسكه في بلوزته ويروحو المطبخ
ريم :ادخل انت اول
"رجوان يبتسم ويدخل""بايعتني الأخت مره"
ريم تسمع رجوان وهوا يضحك
ريم تدخل المطبخ: خير انشاء الله
"ريم تلقى رجوان شايل بسه بيضا وعيونها زرقا"
رجوان: هذي الي مخوفتك كانت تدور على اكل نسيت اعشيها
ريم تبتسم وتاخذ البسه من رجوان: وه ياناسو تزنن
ريم تطالع في رجوان وهيا منحرجه:آسفه لأني قومتك من النوم
رجوان بسرعه: لالالا مايحتاج تتأسفي بالعكس انتي لو تحتاجيني بأي وقت انا حاضر
ريم وهي منزله راسها ومستحيه: تسلم بس من جد ازعجتك"وترفع راسها" صح؟؟
رجوان: انتي بتجرحيني بكلامك على فكرا ... يابنت الحلال لا ازعاج ولا اسف
صدقيني انا عمري ماارتحت لأحد اكثر ماارتحت لك
"ريم تنزل راسها وتلعب بيدها"
رجوان:انا من يوم ماشفتك وانا احس اني انسان ثاني
انتي هزيتي كياني
وشقلبتي حياتي

يا بعد عمري تدلل واطلب اعيوني فـداك
ولو طلبت العمر كله قلت لك لبيك جـاك

آذآ ضآقت عَليگ آلأرض تدلعَ بسِ وعَلمني ..
وربي لأقلب آلدنيآ عَلى شآنگ و أعَدلهآ ...
وآن مآجآت عَلى مزآجگ بسِ گلمني ..
وشوف وشلون أعَفسِهآ لگ وآبدلهآ ...
وآن رضيت عَليهآ روق وبعَدين فهمني ..
وآلله لأشيلگ أنت ودنيتگ بعَيني وآسِدلهآ ...
وآن حبيتهآ لآزم تعَلمني ..
لآني وقتهآ بغآر منهآ وببهدلهآ

ريم من كثر ماهيا منحرجه حبت تغير الموضوع
ريم وهيا حاطه يدها على رقبته وتلعب بشعرها من تحت الطرحه:عندك كابيتشينو؟؟؟
رجوان يبتسم: عندي
"رجوان يفتح الدولاب ويطلع الكابيتشينو"
ريم: انا بجيب الأكواب بس فينها؟؟
رجوان يأشر على الدولاب: هناك شوفيها
ريم تخرج كوبين: اطلع لك كوب؟؟
رجوان: ياريت
"ريم تخرج كوبين بشكل عشوائي
وتقرب من رجوان وتحط الكوبين قدام رجوان عشان يحط البودره
وتلاحظ ريم ويلاحظ رجوان شكل قلب على الكوبين
في الكوب الأول كان رسمه نص قلب
والكوب الثاني مرسوم عليه نص قلب
ولما اجتمعو على بعض صارو قلب واحد

أهـــديت لك
قـــــــلب له فتره يهـــــواك
وأدري
ماهــو قـــد المقـــــــام وهديتـــك
يحــــــرم عــلي مافـــــي من الـناس يســـــــــــواك
كـم لي أفـكر فيك منذ التقـــيتك؟!!
إن جيت أبمدح قلت للناس شرواك وكل ماعطيتك شيء كن ماعطــــيتك
واللــه
(حبيــــــــــــــــــــبي)
مـاأدور ســوى رضـــــاك
شفني خسرت الناس يوم أشـــتريتك
وإن كــــان مافي بالزمن غير ذكراك
وش فايده هالــــــحب لوما أحتريتك
...أنـــا وروحــــي
وكــل مـاأمــلك فـــدايـــاك...
يعــني بكلام '"الــحلو'"
انافديــــــــــــــــــــــــتك


رجوان يطالع في ريم ويبتسم
ريم تبتسم بخجل
رجوان: يامحلا الصدف
"ريم مستحيه"
رجوان يعطي ريم الكوب: اتفضلي
ريم تمسك الكوب ويحرقها في يدها وكانت راح تتركه ولو تركته كان طاح على رجولها
بس رجوان مسك الكوب ومسك يد ريم
ريم ارتبكت بس ماتركت يدها من الكوب رغم ان الكوب كان حار
بس لما لمست يد رجوان ماحست بحراره الكوب
وحست بحنان وبرد يد رجوان
}~
ماتمنيت أمسك يدين السحاب كان كل حلمي تمسكني يديك
{ ~
رجوان ياخذ الكوب ويحطه على الطاوله
ريم تطالع في يدها: آآي
رجوان يمسك يد ريم ويطالع في كفها:صارت حمرا..تحرقك؟؟
ريم: مره
رجوان تعالي بعطيك كريم
"رجوان يروح يجيب كريم ويحطه على يدها
يجيب رجوان شاش ولصق ويلف يد ريم
ريم : تسلم مره شكرا
رجوان:ولو... مايحتاج شكر
"ريم جايه تمسك الكوب"
رجوان: لالا انا اخاف تنحرقي تاني
ريم تبتسم: عشان يعني مافيك تسويلي يدي تاني ولا خايف لا يخلص الكريم عليك
رجوان يضحك:ههههههههههههه لاموقصدي كذا وربي بس اخاف عليكي تتألمي تاني
"ريم تبتسم بخجل"
رجوان يشيل كوبه وكوب ريم ويروحو الصاله
رجوان يشوف التلفزيون: ايش كنتي تتفرجي؟؟
ريم: كنت اتفرج فيلم في ام بي سي 2 مره حلو بس الله يسامحها بستك خربت عليا الجو.. بس ماشاء الله عليها تجنن مره حلوه
انت تحب البسس؟؟
رجوان: جناني
ريم: انا عشقي البساس بس الله يسامحه بابا مو راضي يجيب لي بسه عشان ليان اختي عندها حساسيه
رجوان: عندك اختك اسمها ليان؟؟
ريم تفتكر: ليان.. ايوا صح ليان اختي ..اختي الصغيرا الحمد لله بديت افتكر
رجوان: طيب الحمد لله حلو"أي حلو ياريت ماتفتكر وتفضل معايا"
ريم: وبس ..يعني خايف على اختي من الحساسيه
رجوان يطالع في ريم: يعني في شي مشترك بيننا
"ريم تطالع في رجوان وتبتسم"
ومر الوقت واخذتهم الحكاوي ومن كثر التعب ماحسو بنفسهم ونامو وهم بمكانهم

في بيت ابو سعود
يدخل سعود البيت
وكانت الأنوار كلها مسكره والبيت مظلم
يدخل سعود الصاله ويفتح النور ويطالع في الصاله من يمينها ليسارها
سعود: البيت مو حلو من غيرهم كل شي فيه منهم
"سعود يطلع غرفته"
وينسدح ع السرير عشان ينام
سعود يتقلب مو قادر ينام يقوم ويجلس ويمسك راسه
سعود:آآآآه ياربي من فين بيجيني نوم وانا اهلي بهالحال وريم مو دارين عنها
انا كيف برتاح وكيف بخليهم مرتاحين انا كفايه الي فيني
اداوي جرح ميرا ولا اداوي جروح اهلي ولا ادور على ريم
انا حاس اني مالك بيدي هموم الدنيا كلها آآآآآآخ يارب صبرني

الصبآح
" طق طق طق "
ديمه وهيا تقوم من النوم: مين؟!؟
راكان: صباح الخير
ديمه تفتح الباب:صباح النور
راكان: اقول كفايه نوم يلا قومي خلاص
ديمه: راكان حرام عليك والله سهرانه وتعبانه
راكان: لالا يلا قومي وبعد شويه اطلعيلي برا ابغاكي بموضوع
ديمه: يالله ياراكان والله مافيني تعبانه
راكان: كذا تكشميني طيب ماشي يلا باي"يمثل"
ديمه: لالا خلاص شويه وبكون جاهزة
راكان يبتسم بخبث: هذي حبيبتي
"راكان يسكرالباب ويطلع"
راكان يكلم نفسه: قال حبيبتي قال"ويضحك بخبث"
الا عدوتي ..الله يصبرني بس عليكي يابنت عمي

في الصاله
راكان:هلا هلا
ديمه: اقول اخلص عمي لا يشوفنا ويشك بشي..وبعدين انت متى جيت انت مو كنت بالشاليه؟؟
راكان: لسه واصل..بس حبيت اسأل عن ريم
ديمه: وانا ايش دراني عنها انا الي بسأل ايش سويتو معاها؟؟
راكان يضحك:مالحقنا نتهنى البنت فركت من عندنا
ديمه بصدمه: نعم
راكان: ياشيخه والله قهر كانت مزه ولا احلى
"ديمه تطالع في راكان بحقد"
راكان: يعني ماتدري عنها
ديمه بإنفعال: لا ماادري عن قلعتها
راكان يقرب منها كثر:زعلتي عشان قلت عنها كذا
ديمه تدفه:وخر عني
راكان يقوم: اجل روحي كملي نومك احسب منك فايده
ديمه: لا والله
راكان: ايوا والله
ديمه: اقول روح بس
راكان: اقول ادخلي كملي نومك بس
ديمه تروح وتترك راكان وهي معصبه منه
راكان يضحك
راكان: والله هذي البنت ماادري فين عقلها مخرفه لدرجه الجنون
غبيه تحسب اني احبها وميت عليها ليش خلصو البنات عشان احبك انتي والله شي

في المستشفى
في غرفه ام سعود
ام سعود وهي نايمه: بنتي جيبولي بنتي بنتي ريم ..ابغى اشوفها
"يدخل سعود"
سعود يروح عند امه ويمسك يدها ويمسح على شعرها
ام سعود تقوم :سعود
"سعود كان يدمع"
ام سعود:لا ياسعود لا تضعف قول انك بترجعلي ريم قول
سعود يطالع في امه: انشاء الله امي بس توعديني انك ماتبكي
ام سعود:هذي بنتي ياسعود عمري كله
سعود: وهذي اختي روحي وحياتي كلها
ام سعود تبتسم: حترجع ريم حترجع ياسعود
سعود: انشاء الله
ام سعود: انت مانمت؟؟
سعود: تتوقعي بجيني نوم وانتي وابويا بالمستشفى وريم مو داري عنها
ام سعود: حبيبي لا تتعب نفسك انت تدري مااحب اشوفك تعبان ومتضايق لا تزعلني منك
سعود: انشاء الله امي انتي بس ارتاحي عشان اتطمن عليكي وارتاح
ام سعود تبتسم: الله لا يحرمني منك ولا من اخواتك ولا من ابو عيالي
سعود يبتسم:آآآمين

في بيت رجوان
ريم تقوم وتلقى نفسها نايمه على الكنبه وجمبها رجوان
ريم تروح تجيب بطانيه وتحطها على رجوان وتطالع فيه بكل حنان وهي مبتسمه وتتأمل فيه وفي جماله الساحر
وفي ملامحه الفتانه
وفي سكسوكته الجذابه
وعيونو الذباحه
وتسريحه شعره المجنونه
ريم في نفسها: حسيت معاك اغرب احساس
وعشت معاك احلى اوقات
ودقات قلبي الي تدق على هواك
ودمي الي يجري بلقاك
وعيوني الي ترمش لصورتك
وخدودي الي تحمر بالعسل الي يخرج من بين شفايفك
انت ملكت حياتي

يقوم رجوان ويفتح عيونه ويلقى ريم قدامه وهيا مبتسمه
"ريم انحرجت "
ريم تبتسم: صباح الورد
رجوان: احلى صباح صباحك عسل
"ريم انحرجت"
ريم تركت رجوان بالصاله وطلعت برا للحوش
يجي وراها رجوان
رجوان:انتي انسانه مو طبيعيه
ريم تلتفت وتلقى رجوان وراها: ايش تقصد؟؟
رجوان يبتسم: انتي ملآآآآآآك
عارفه ايش يعني ملآآك
"ريم تستحي وتنزل راسها وتلعب بأصابعها"
رجوان:انتي عندي شي كبييير
انتي بقلبي شي عظيم
سكنتي عالمي
وجريتي بدمي
وتنبضي بقلبي
انتي ملاكي
وعشقي وانفاسي
ريم برجفه صابت كل جسمها: رجوان؟!!؟
رجوان بنبره قتاله: ياعيونه
"ريم استحت"
رجوان يبتسم:ها ..ايش كنتي بتقولي؟؟
ريم:ايش الحلم الي حلمته فيني؟؟
رجوان: حلمت اني في بيت كبير وانا في هذا االبيت صرت انادي عليكي كنت اقول ريم وانادي بصوت عالي كنت ادورك في كل البيت ومالقيتك
بعدين طلعت لك في غرفتك وطلعت من البلكونه وانتي لحقتيني
وكنتي زي الملاك ماتنوصفي كنتي زي الخيال لدرجه انتي بعد ماقمت من النوم قلت مستحيل انتي تكوني موجوده على الأرض
المهم
بعدين صرتي تسأليني انت مين؟؟
ريم بسرعه: وانت تقولي.." وسكتت ريم وانحرجت"
رجوان مستغرب: ايش قلت؟؟
ريم: ها .. لالا ولا شي بس بقولك شي
تصدق لو قلت لك ان هذا الحلم نفس الحلم الي حلمته
رجوان مستغرب: كيف؟
ريم: يوم كنت تناديني انا سمعتك كان نفس حلمي نزلت لك تحت بس خفت
بس جيتني غرفتي وطلعت لك من البلكونه وشفتك
سألتك بس كلمه وحده كنت تقولي هيا وفجأه بديت تبعد عني
رجوان: لا تكملي
"ريم تطالع في رجوان"
رجوان: انا راح اكون معاكي ماراح ابعد عنك
ريم: انا مصدموه معقول يكون حلمنا واحد؟؟!!
رجوان يبتسم: زمن المعجزات انتهى بس انا وانتي اكبر معجزه
ريم تفتكر:ماما وبابا
رجوان: ايش فيهم؟
ريم : ماما وبابا في المستشفى
رجوان: خير ايش فيهم؟؟
ريم: صار لهم حادث ايوا افتكرت صار لهم حادث يوم انا كنت ..كنت ...كنت ايوا كنت بالحفل
رجوان: تعالي نجلس ع الجلسه وريحي بالك وافتكري
"ريم ورجوان يجلسو"
ريم: ايوا صح.. انا فزت بالجائزه الأولى
رجوان يبتسم: طلعتي رسامه..
ريم تبتسم : شي زي كذا
رجوان: لابس ماشاء الله لما شفت لوحتك كانت اجمل لوحه فنيه شفتها بحياتي
... ها ايش افتكرتي تاني؟؟
ريم: موقادره اركز ياربي ياربي ياربي
رجوان: لا تتوتري
ريم: يارب ماما وبابا يطلعو بالسلامه وحشوني"اتجمعت الدموع بعيونها"
رجوان: لالا لاتزعلي ولا تنكدي احلى صباح اتصبحنا عليه
ريم: رجوان
رجوان: ياعيونه
"ريم استحت ونزلت راسه"
رجوان يضحك: خلاص خلاص بلاش ياعيونه يانعم
ريم :انت الي بقيتلي لا تتركني
رجوان: اتركك.؟؟؟!!!؟ انا ماصدقت لقيتك
لقيت الإنسانه الي بتحييني ...ريم انا .. وسكت؟؟؟
ريم ودقات قلبها ترجف: هآ
رجوان انحرج: جوعان؟
"ريم تبتسم"
ريم: انت ماعندك خدم؟
رجوان ارتبك وموعارف ايش يقول: ها .. الا بس راحو .. اجازه .. ايوا اجازه
ريم مع نفسها: هذا ايش فيه يرتبك كل ماسألته ليش يتوتر؟؟؟؟
رجوان يوقف: اروح اجهز الفطور
ريم: اجي معاك
رجوان: لا انتي ارتاحي
ريم: لا مااحب كذا خليني اسوي معاك
رجوان: المره هذي بس خليها عليا.. خلاص
ريم تبتسم: خلاص
"رجوان يروح المطبخ"
ريم تكلم نفسها وتبتسم: انت انسان غريب

في بيت ابو مازن
ام مازن تفتح باب غرفه ريان
وتشوف ليان وريان نايمين جمب بعض وتروح وتبوسهم وتطلع
تروح غرفتها وتمسك الجوال وتدق على ام سعود
ام سعود: الو
ام مازن: هلا كيفك؟؟
ام سعود: على الله
ام مازن: انشاء الله احسن
ام سعود: الحمد لله
ام مازن: لا تزعلي نفسك عندك عيال عيشيلهم
ام سعود: والله يارنا مو قادره هذي بنتي
ام مازن: الله موجود يارانيا ماينسى عباده
ام سعود: ونعم بالله.. بس لو اتطمن عليها اسمع صوتها بس
ام مازن: اذكري الله يارانيا
ام سعود: آآه يارنا آآه

في غرفه ابو سعود
ابو سعود يكلم النيرس عشان تقومه وتوديه عند ام سعود
ابو سعود يدق الباب ويدخل
سعود: ابويا
سعود يروح يمسك ابوه ويقول للنيرس تروح
ابو سعود: كيفك يارانيا ..؟ الحمد لله على سلامتك؟؟
ام سعود: الله يسلمك انت كيفك؟؟ وليش تعبت نفسك ليش طلعت؟؟
ابو سعود: ماقدرت استحمل ابغى اتطمن عليكي
ام سعود: وهذا حالي زي ماانت شايف
ابو سعود يمسك يد ام سعود: لنا الله يارانيا لنا الله

سعود يغير الموضوع: عارفين الدكتور ايش قالي؟؟
ابو سعود وام سعود: ايش؟
سعود وهو مبتسم: قالي احلى خبر قال انكم بتطلعو من هنا اليوم العصر انشاء الله
ام سعود: الحمد لله
ابو سعود: وربي طفشت من هالمستشفى ابغى اشوف العالم برا كيف صاير
سعود: الحمد لله على سلامتكم والله لا يحرمني منكم
ابو سعود: اقول مافي عندكم فطور انا جيعان
سعود يبتسم: ولا يهمكم انا بجيب لكم فطور اكل المستشفى مو حلو
دقايق ويكون الفطور عندكم
ام سعود وابو سعود يبتسمو
ام سعود: الله يحفظك

في بيت ماهر
ماهر يتكلم في الجوال:يعني مالقيتو لهم اي اثر؟؟ مافي امل انكم تلاقوهم
مومعقول هذا واجبكم البنت لازم ترجع
"ماهر يسكر الخط وهو معصب"
ماهر: فين القاكي ياريم فين؟؟
"مهران ياخذ مفاتيح سيارته ويطلع"
"ماهر كان بالصاله والباب كان على الصاله"
ماهر: مهران على فين؟
مهران: بسم الله الرحمن الرحيم متى يطلعو؟؟
ماهر: لما انت تطلع يطلعو سوا
مهران: بروح افطر مع الشباب يلا تعال معانا
ماهر: والله انت راايق
مهران: وليش مااروق
ماهر بإنفعال: روح روح
مهران: مو جي؟؟
ماهر:لأ
مهران: بكيفك!؟

تابع

//

//

//

تابع

//

//

في بيت رجوان
ريم كانت تغني بصوت وآطي
اغنيه حبيبي يامحلاه /محمد الزيلعي
وكانت تقطف ورد بجميع الألوان وتجمعهم
رجوان جاب الفطور وحطه على الطاوله وراح عند ريم
رجوان"فديت هالصوت والله": يلا الفطور
"ريم تشهق من الفجعه"
رجوان: آسف آسف ماكنت ادري انك مندمجه لهالدرجه
"ريم تضحك"
رجوان يبتسم"فديت هالضحكه آخ ياول قلبي منك": يلا الفطور
ريم: الله .. والله تعرف تجهز فطور
رجوان: شفتي كيف؟؟
"ريم تجلس على الطاوله وتحط الورد على الطاوله"
رجوان ياخذ الورد ويشمه ويبتسم:هذا ليا؟؟
"ريم انحرجت ونزلت راسها"
رجوان يبتسم:طيب شكرا
ريم تبتسم :ممممممم اعطيني توست
"رجوان يعطي ريم توست"
ريم: الله يعينك عليا بتفطرني وبتغديني وبتعشيني يعني راح تصرف عليا بس اوعدك هيا كم يوم بس انشاء الله
رجوان: ريم لا تقولي كذا؟؟ كل شي يفداكي لو اصرف دمي عشانك فدوه
"ريم استحت"
رجوان:بالعكس انتي محليه جلستي وماليا البيت انا ماتخيل اني بيوم راح تروحي من هذا البيت"انا ايش قاعد اقول اشوف لساني قام يقول كلام من عنده"
"ريم شافت ان رجوان زودها بالكلام"
ريم: طيب ايش رايك نفطر؟؟

في بيت لمار
في غرفه لمار: يالله ياريم ايش مسويه دحين؟؟ انشاء الله تكوني بخير
انا لازم اروح لها البيت واشوف اخبارها لأنوجواله مقفل ورولآ ونوف مايردو
انشاء الله تكوني بخير والله حبيتك واعتبرتك زي اختي وارتحت لك مره
يارب تفرجها
"تدخل ام لمار عليها"
ام لمار:لمار؟؟
لمار: نعم ماما
لمار: اخوكي مدري ايش نهايته
لمار: راح تاني
ام لمار: ولا ادري عنه حتى جواله مقفل
لمار: ولدك هذا بيجننا متى بيعقل
لمار: والله مدري
خالدين تدخل: انتو ايش عندكم جالسين تهرجو
لمار: هيييي بلا لقافه
ام لمار: لا قومو اضربو بعض
"خالدين تنقز على سرير لمار"
لمار: ياحماره
"خالدين مطنشه"
ام لمار: بس يابنت انتي وهيا
لمار: ماما ماشفتيها كيف نقزت
خالدين: وخير انشاء الله نقزت فيها شي
"خالدين قامت وتنقز على السرير"
لمار: لااااا ماما شوفي بنتك... بس خالدين ارحميني
"لمار تسحب خالدين من يدها وتجلسها"
لمار بعصبيه: هذا شكل وحده توجيهي يابنت عيييب عييب انتي كبيرا
خالدين: بسم الله صرتي زي العجايز العجايز كذا يتكلمو
لمار: لا والله
ام لمار: بس يابنات ايش فيكم صدعتوني
خالدين: خذي بندول هأ هأ
ام لمار:لا من جد .. قولي والله تستهبلي عليا والله لا اوريكي
خالدين تجري وتطلع من الغرفه: لالالا خلاص خلاص توووبه
لمار تضحك: وربي شكلك يفطس ضحك
"ام لمار تطلع من الغرفه"
لمار : ماما ماما
ام لمار: خير
لمار:ماما بروح اليوم لبيت نوف اشوف اخبار ريم
ام لمار: ياقلبي على دي البنت انشاء الله يكون لقيوها
لمار: انشاء الله ماما

في لندن
بدر يكلم امه: امي انا برجع للسعوديه كم يوم وبرجع لكم
ام بدر: ليش؟
بدر: برضو مهما كان مايصير اترك زوجتي كل هالفتره
ام بدر تبتسم: اشتقتلها؟؟
بدر يبتسم: مرره ياامي بشكل ماتتصوريه
مروان: مو منك من الحريم الي بتشوفهم هنا بتروح تلحق على زوجتك
بدر يضحك: روني اقول اعقل
مروان يضحك: ولا يهمك
ام بدر: ومتى بتروح؟
بدر: بكرا انشاء الله
ام بدر: بترجع بالسلامه حبيبي
مروان يطالع في ميرا: ميرا نامت
ام بدر: حبيبتي مسكينه طول اليوم وهيا تفكر بريم
بدر: يووووه من ريم هذي ترا هيا الي ممرضه ميرا
ام بدر: يابدر ريم هذي روح ميرا وميرا خايفه ان يكون صاير لها شي لأنو موعادتها تطول عليها
بدر: ع العموم انا بروح الفندق انام شويه واجهز نفسي للسفر

في بيت رجوان
ريم وهي خجلانه:رجوان ممكن طلب زغنون؟
رجوان: آمري
ريم بتردد: كنت .. يعني ...ابغى
رجوان: ريم... لا تخجلي قولي؟؟
ريم: ابغى ملابس ماعندي؟؟
رجوان يبتسم: يعني انتي خجلانه من ذا الطلب؟؟ ولا يهمك جهزي نفسك وبأي وقت بنروح السوق وخذي الي تبغيه
ريم: انا منحرجه منك!! انا ماعندي فلوس!؟ عندي بطاقتي بس مو عارفه الرقم مو مفتكرته
رجوان: حتى لو فاكره الرقم مين قال اني بسمح لك تصرفي شي وانتي في بيتي
ريم: ولو مايصير
رجوان: مو ملاحظه في شوك في كلامك
ريم تبتسم: طيب سوري
رجوان: اقول ريم
ريم:قول
رجوان: حكيني عن حياتك؟؟
ريم: عن ايش بالضبط؟
ريم: عن كل شي في حياتك
ريم:ممممممممم مدري شوف انت اسألني وانا بقولك
رجوان: طيب.. عندك اخوان؟
ريم تحاول انها تفتكر: عندي ....ليان وهيا اصغر وحده و ..و..و سعود اكبر واحد متوظف في شركه بابا وانا وانا ادرس في ثاني جامعه ايوا صح في ثاني جامعه انا
صاحبتي ميرا" بفجعه": ميراااا
رجوان: ايش فيها؟
ريم: ميرا في لندن بتتعالج ليا فتره ماكلمتها اكيد زعلت مني
رجوان: ميرا صاحبتك بالجامعه؟؟
ريم: مو بس بالجامعه.بالجامعه وبرا الجامعه وبالبيت وكل مكان هيا اكثر من اختي
هيا روحي وحياتي وعمري كلها
رجوان: باين انك تحبيها
ريم: لا ما احبها اعشقها
رجوان: وبتتعالج من ايش؟
ريم:يوووه قصه طويله يارجوان
رجوان: وايش كمان في حياتك؟
ريم:انت قولي انا مو عارفه ايش اقول؟!!
رجوان: قد حبيتي ياريم؟؟؟؟
"ريم وهي منحرجه"
رجوان يبتسم: قد حبيتي؟؟
ريم: شوف رجوان انا عمري ماحبيت الحب بعينه بس اتمنيته انام واصحى وانا احلم فيه
رجوان: مين هوا؟
ريم تبتسم وتلعب بأصابعها: فارس احلامي
رجوان يبتسم
ريم: كنت كل يوم اشوفه مع اني ماقد شفته ولا قابلته كنت اتمنى يجيني ويسكن فيني
اتمنى احس بإحساس الحب
رجوان: وحسيتي فيه ولا لسه؟
ريم بعد صمت: ماادري
"رجوان يرفع حواجبه"
ريم: ليش مستغرب؟؟
رجوان: غريبه ..مومعقول ماانحبيتي انتي تملكي الكون كله بين يدك
انتي ملاك معقوله ماحبيتي وانحبيتي
ريم: شي غريب صح؟؟ ادري .. بس صدقني انا ماقد حبيت بس لو فيه احد حبني ماادري عنه ّبس انا ماقد حسيت بشعور الحب
رجوان يبتسم
ريم: طيب انت؟
رجوان: انا ايش؟
ريم: حكيني عن حياتك؟؟ ليش عايش لوحدك وفين اهلك؟؟ وايش تشتغل؟؟
رجوان ارتبك: انا ..انا ..انا حبيت اعيش لوحدي لفتره مع ان اهلي هنا في جده
ريم: ليش؟
رجوان: كذا.. قلت اقسى على نفسي شويه واعتمد على نفسي
ريم: اها
رجوان: وعندي اختين اصغر مني وواحد يدرس في كندا وعمره 23
وواحد ثاني هذا عمره 27 لسه متزوج ازوج وراح المكسيك
واختي الي اصغر مني بسنه بتدرس اخر سنه لها في فرنسا تدرس فرنسي وابويا عنده اشغال كثير بفرنسا نص اشغاله بفرنسا
فقال ياخذها معاه تدرس هناك عشان ابويا مايرضى بنته تدرس برا لوحدها
ريم: ماشاء الله
رجوان: تصدقي وحشوني
ريم: اكيد بيوحشوك مو اهلك..طيب انت درست برا؟؟
رجوان: درست بإستراليا
ريم: استراليا؟؟!!؟؟
رجوان: ايش فيكي مندهشه؟؟
ريم: لا بس حلم حياتي اروحها
رجوان يبتسم ويروح يجيب البوم الصور الي صورها في استراليا ويعطيها ريم
ريم تفتح الألبوم: وااي تجنن امووت واروحها
رجوان: الله يبلغك
ريم: طيب انت تشتغل؟؟
رجوان ارتبك: ها.. ايوا انا اشتغل
"بعد صمت"
رجوان: انا انا ماسك الإداره في جميع شركات ابويا
لأني انا الولد الوحيد الي عنده الباقين برا
ريم:اهاااا

طبعا رجوان كان يتردد بكل كلمه كان يقولها وكان ياخذ وقت على مايفكر ويجاوب على اسئله ريم لكن بتعرفو ليش رجوان بيتردد بعدين


العصر في المستشفى
ام مازن وام سعود وابو مازن وابو سعود ومازن وسعود
عند باب المستشفى
مازن: الحمد لله على سلامتك خالتي وانت عمي
ابو سعود وام سعود: الله يسلمك
ام مازن: ماتشوفو شر
ام سعود: الشر مايجيك
ابو سعود: الحمد لله طلعت من هالمستشفى والله مره خنقه
ابو مازن: الحمد لله
في بيت ابو سعود
يدخل سعود وابو سعود وام سعود وليان
ام سعود تطالع في البيت : البيت من غير ريم مو حلو
"وصارت تبكي"
سعود: امي الله يخليكي لا تزعلي لا تتعبي نفسك انتي لسه خارجه من المستشفى
ابو سعود:آآآآه ياريم انشاء الله تكوني بخير
ام سعود: يااارب تفرجها وترجعلي بنتي سالمه يارب
ليان: نيم حبيبي نيم حبيبي ابغى نيم حبيبي
سعود: دحين تجي ليون دحين تجي انشاء الله
ليان: ثعود ابغى نيم ابغى حبيبي نيم
"سعود مو قادر يستحمل الوضع تركهم وراح"

في العرب مول
ريم اشترت لها ملابس
في السياره
رجوان: ايش تبغي تتغدي؟
ريم: مممممممممم والله نفسي في ماك
رجوان: اوكي ماك ماك
ريم: بس ايش رايك ناخذه معانا مافيني انزل
رجوان: اوكي على راحتك..بس العشا بوديكي مطعم على ذوقي
ريم تبتسم: اوكي
رجوان يوقف عند ماك ويطلب
ويروحو البيت يتغدو

في بيت لمار
لمار جالسه ع المسن
تلكم اسرار وراجين

آشوفك~{ فيـ مرايا البيتـ و}~آشوفك~{ كل ماغنيتـ ~{
اسرار تعالي معايا اليوم بيت نوف نشوف ريم ايش اخبارها>>>> لمار

<<ضميتهـ,,لينــ,, 00طآآآآآآآآآآآآآحـ,, 00 شمآآآغهـ’’>>
ياعمري على البنت هذي خلاص اوكي بجي >> اسرار
اسمعي بضيف راجين

~))RaAaJeEeEN((~
هاي بنات>>>>راجين

آشوفك~{ فيـ مرايا البيتـ و}~آشوفك~{ كل ماغنيتـ ~{
هايات

<<ضميتهـ,,لينــ,, 00طآآآآآآآآآآآآآحـ,, 00 شمآآآغهـ’’>>
هايات ياعسل اسمعي راجين اليوم انا ولمار بنروح بيت نوف نسأل عن ريم


~))RaAaJeEeEN((~
يآآآآآآآآحيآآآآآآتي ع البنت هذي بنات ماتتصورو قديش حبيتها مع انها اول مره اتقابل معاها

آشوفك~{ فيـ مرايا البيتـ و}~آشوفك~{ كل ماغنيتـ ~{
والله البنت حبووووبه ومره عسل ..انشاء الله تكون بخير يارب

<<ضميتهـ,,لينــ,, 00طآآآآآآآآآآآآآحـ,, 00 شمآآآغهـ’’>>
آمييين

~))RaAaJeEeEN((~
آآآآآآآميييييييييييييين.. اقول بنت انتي وهيا متى بتروحو

آشوفك~{ فيـ مرايا البيتـ و}~آشوفك~{ كل ماغنيتـ ~{
بعد ساعه دحين الساعه 4 الساعه 5 بنروح


~))RaAaJeEeEN((~
اوكي خلاص بجي معاكم بس وحده فيكم تمر عليا السواق مع بابا

<<ضميتهـ,,لينــ,, 00طآآآآآآآآآآآآآحـ,, 00 شمآآآغهـ’’>>
اجل خلاص كلنا نروح مع سواق لمار


آشوفك~{ فيـ مرايا البيتـ و}~آشوفك~{ كل ماغنيتـ ~{
خلاص اوكي بس اجهزو بدري مو تبلشوني

<<ضميتهـ,,لينــ,, 00طآآآآآآآآآآآآآحـ,, 00 شمآآآغهـ’’>>
اقول طيري

~))RaAaJeEeEN((~
شووووف قواية البنت؟؟؟!!!!؟؟؟؟

آشوفك~{ فيـ مرايا البيتـ و}~آشوفك~{ كل ماغنيتـ ~{
ههههههههههههههههههه

~))RaAaJeEeEN((~
اقول بنات يلا باي بروح اتجهز

آشوفك~{ فيـ مرايا البيتـ و}~آشوفك~{ كل ماغنيتـ ~{
اوكي باي

<<ضميتهـ,,لينــ,, 00طآآآآآآآآآآآآآحـ,, 00 شمآآآغهـ’’>>
حتى انا بطلع على مااروح اعطي خبر للعيله

آشوفك~{ فيـ مرايا البيتـ و}~آشوفك~{ كل ماغنيتـ ~{
اوكي باي انتي كمان وفي دهيه انتو الإثنين

~))RaAaJeEeEN((~
لموووري اشووف الحال زاد

<<ضميتهـ,,لينــ,, 00طآآآآآآآآآآآآآحـ,, 00 شمآآآغهـ’’>>
هييييييييييي بنت مسختيها

آشوفك~{ فيـ مرايا البيتـ و}~آشوفك~{ كل ماغنيتـ ~{
ههههههههههه خلاص خلاص لا تاكلوني يلا مع السلامه<< كيذا حلو؟؟

<<ضميتهـ,,لينــ,, 00طآآآآآآآآآآآآآحـ,, 00 شمآآآغهـ’’>>
ايوااا حلو .. بباي

~))RaAaJeEeEN((~
ايواا خليكي كذا شطورا.. وانا كمان بباي

آشوفك~{ فيـ مرايا البيتـ و}~آشوفك~{ كل ماغنيتـ ~{
اوكي بايات

ايش راح يصير بين ريم ورجوان؟؟ هل ريم راح تحبو؟؟
وايش قصه رجوان؟؟ ومين يكون؟؟
وليش رجوان يرتبك لما ريم تسألو عن خصوصياتو؟؟ ايش مخبي رجوان عن ريم؟؟
وهل ريم تفتكر وترجع لأهلها؟؟
ولو رجعت ايش بيكون مصيرها مع رجوان؟؟
وفين تتوقعو راح اخو لمار؟؟
وراكان ايش مجهز لديمه؟؟؟

في لندن
"بدر يودع اهله عشان بيسافر"

ام بدر: انتبه على نفسك حبيبي
مروان: والله راح توحشنا
"مروان يسوي انه يبكي"
بدر: ماتبطل ههبل انت
"مروان يضحك"
"بدر يروح يسلم على ميرا"
ميرا تحاول تقوله انه يسلم على ريم ويشوف اخبارها ويسلم عليهم كلهم
بدر فهمها
بدر: انشاء الله بس انتي انتبهي على نفسك خلاص
"ميرا تبتسم وتهز راسها"
بدر: يلا اشوفكم على خير وانت مروان لا تخليهم محتاجين لشي عاد مااوصيك على اهلك
مروان: عيب عليك تقولي هالكلام ولو انا قدها
ام بدر: الله لا يحرمني منكم
بدر ومروان: آمين
بدر: يلا مع السلامه
مروان وام بدر: مع السلامه


في بيت ابو سعود
في غرفه نوف
رولآ:آآي وربي بديت احس بوجع في ظهري مدري ليش
نوف: من هذا الكائن الي في بطنك
رولا تمسك بطنها: فديتو
نوف: بالله شوفي شكلك كذا انتي وكرشك هذا تعالي عند المرايا شوفي
رولآ تضرب نوف على كتفها: اجنن مافيني شي
نوف: لو انا من مازن كان اتزوجت غيرك ماتجيب عيال
عشان وحده تجيب عيال وتنتفخ والتانيه عشان اتأمل في جمالها هههههههههه
رولآ وهي متنرفزه: ياحيوانه .. اصلا مازن حبيبي مايسويها يحبني لو مهما اتغيرت
نوف وهيا تضحك: واللهي
رولآ وهيا لاويه بوزها: واللهي
" طق طق طق "
نوف: ادخل
ليان تفتح الباب وتدخل وكانت ماسكه الدبدوب حقها: لالا قولي ادخلي انا بنت
رولآ ونوف يبتسمو ويطالعو في بعض
نوف: فديت بنت خالتوو ياناس فديتها
ليان: لا انا بنت ماما مو بنت خالتو
رولآ ونوف:ههههههههههه
رولآ تقرص على خدودها: يسعد بنت ماما ياناس
ليان: ايوا كذا انتي شاطرا ريم كانت دايما تقولي انتي شاطرا..هيا متى بتجي خلاص انا طفشت
"رولآ ونوف يطالعو في بعض بحزن"
نوف: يااارب تفرجها وتخلصنا من هذي المشكله
رولآ: تدري نوف.. ريم مارا وحشتني
نوف تطالع في رولآ وبدؤو الإثنين يدمعو
نوف: والله من غيرها مااسوى شي
هيا روحي وكل حياتي هيا عمري مااقدر اعيش من غيرها مو متعوده يمر يوم مااشوفها او على الأقل اسمع صوتها
رولآ: وحشتني هبالتها ورجتها وصرقعتها ومزحها وخفه دمها
نوف: وحشني صوتها
رولآ: وحشني رقصها وفلتها
نوف: كل شي فيها وحشني.. يارب لا تحرمني منها
رولآ: آمين

في بيت رجوان
في الليل الساعه 12 ونص
ريم ورجوان جالسين في الصاله يتفرجو فلم رعب
ريم كانت بعيده عن رجوان مسافه طويله شويه
وكل ماجات لقطه مرعبه قربت شويه منه عشان تخاف
ورجوان ملاحظها وكل شويه يبتسم
ورجوان كان مطفي كل الأنوار ومافي غير نور التلفزيون
رجوان: ريم تبغي فشار؟؟"ويمد لها الفشار"
ريم وهيا ترجف من الخوف: لا الي عندي ماخلص.. بس ابغى جالكسي ممكن يعني
رجوان: تامري انتي بس
"رجوان يعطي ريم جالكسي"
ريم من كثر الخوف اكلت الجالكسي من غير مافتحته
رجوان انتبه لها
رجوان فطس ضحك:هههههههههه خير ايش صابك؟؟
ريم منحرجه وفي نفس الوقت تبغى تضحك: والله مدري
"فجأه تجي لقطه مررره مرعبه"
وريم خافت ونقزت جمب رجوان ومسكت في بلوزته وصرخت: ماما
رجوان يحاول انه مايضحك على ريم
رجوان حابس الضحكه : بسم الله عليكي خفتي؟
ريم: ها... لأ بس يعني
"رجوان هنا ماقدر يحبس ضحكته وضحك بهستيريا"
ريم تضربه على كتفه: وجع لا تضحك عليا
رجوان: وربي هههههههههه مو قادر هههههههههه ابغى افطس ضحك
ريم تضحك: والله شوفني كيف ارجف ههههههههه من اول وانا حاسه انو قلبي بيوقف
رجوان: طيب قولي انك تخافي
ريم: ماحبيت اقطع الفلم
رجوان يضحك:ههههههههه والله انك خطيرا
ريم: وجع وجع وجع رجوان لا تضحك
رجوان يحبس ضحكته: خلاص خلاص
ريم تطالع في رجوان ورجوان يطالع في ريم
"رجوان ماقدر يمسك نفسه وضحك ريم صارت تضحك معاه"
رجوان: خلاص بغير الفلم"ومسك الريموت"
ريم"نزلت الريموت": لالا كمل الفيلم وانا بطلع برا اشم هوا شويه
رجوان يرجع يرفع الريموت: لا خلاص بغير
ريم رجعت نزلت الريموت: لالا قلت اانا بطلع خلاص
"ريم تطلع برا للحوش وتتمشى"
رجوان: خطيرا البنت هذي يسعدها ربي ويخليها
والله تجنن انا احس ان الناس كلها تحسدني عليها

ريم وهيا برا: ياناسو عليه يجنن انا احس ان الي معايا احلى رجال العالم
ياناس يجنن وربي فديييتو وفديت عمرو الله لا يحرمني منو
"خطر في بال ريم نوف ورولآ"
ريم: نوف ورولآ .. نوف ورولآ بنات خالاتي "ابتسمت بفرح"افتكرت
نوف ياحياتي وحشتني يالله ورولآ ياعمري عليهم ايش مسوين من غيري
انا ابغى اطمنهم عني لا يشغلو بالهم"وافتكرت شي ثاني" ماما و بابا .. انشاء الله يرجعو بالسلامه يارب
"ريم تجري تبغى تقول لرجوان انها افتكرت وهيا داخله كان رجوان خارج
وتصقع ريم في رجوان ورجوان يمسكها ويلف يده حول خصرها"
ريم:آآآآآآآي
رجوان :معليش بس انتي بتجري ايش فيكي؟؟
ريم بفرح: رجوان افتكرت افتكرت
رجوان خاف انها افتكرت بيتهم عشان مايبغاها تروح عنه: ايش؟
ريم: رولا ونوف بنات خالاتي
رجوان بفرح: الحمد لله يعني بتفتكري
ريم: الحمد لله"وتدور حول نفسها" يالله فرحانه يعني في امل اني بفتكر بيتي
رجوان: انشاء الله
ريم: رجوان ابغى اطمن اهلي عني اكيد مشغول بالهم
رجوان: طيب كيف؟؟
ريم بحزن : واللهي مدري
"ريم تنزل راسها من الحزن"
رجوان يرفع راسها بطرف اصابعه:لالا مابغاكي تزعلي انا معاكي
مابخليكي صدقيني وانشاء الله بيتطمنوعليكي وانتي كمان تتطمني عليهم
ريم وعيونها تلمع: وحشوني
رجوان: ياعمري انتي
"ريم استحت"
ريم: لا من جد وحشوني وحشتني حكاويهم وجلستهم ورجتهم وحنيتهم
رجوان يقطع كلامها: ماابغى كي تقوليها بحزن
توعديني انك ماتزعلي تاني
وصدقيني بكون معاكي لين تروحي عند اهلك مابتركك
"ريم تبتسم"
رجوان: فديت الإبتسامه وصاحبتها
"ريم خجلانه"
رجوان: ياناس ارحمووووني من خجلها احسه يعذبني انتي عذاب يابنت عذاااااب

بشويش في غنجك عسى الله يخليك

0000000000000كل الدلع يالمترفه من سماتك


بس انتبه ياالزين تبعد خطاويك

000000000000000ماني بناقص من فعايل سواتك

"ريم تضحك بدلع"
رجوان: يابنت الناس يكفي ترا وربي مو قادر استحمل احس اني مو على بعضي في شي بيصير فيني
ريم بدلع: رجوان خلاااااااص مره خجلتني يكفي
رجوان يطالع في ريم بحب ويغمز: مااشي

في الكوفي
سعود وهو متضايق: اوف
مازن وساري يطالعو في سعود بعدين يطالعو في بعض
سعود مره تانيه: اووف
ساري: سعود ايش فيك؟؟ ياخي رووق
سعود: واصله معايا مره وحاس اني مخنووق"ويسحب بلوزته من رقبته"
مازن:سعود لا تجيب لنفسك مصيبه كل هذا من التفكير انت شاغل بالك ومو مريح نفسك يااخي ارحم حالك
سعود بعصبيه: مادري مادري
ساري: ايش ماتدري.. سعود اهدا وروووق وريح بالك اهدا يا سعود
سعود يحاول ياخذ نفس لأنه حاسس بخنقه
مازن: اقول انا راح اخليك تاخذ نفس من جد تعالو
"مازن يقوم"
ساري وسعود: على فين؟
مازن: ناخذ اللنش حقي ونطلع
سعود : لا مافيني
مازن وساري: الا يلا قوم معانا

يوصلو عند اللنش ويطلعو ويحركو
سعود ياخذ نفس عميق ويحس انه من زمان ماحس براحه: الجو حلو
ساري: شفت كيف مو الخنقه الي كنت عايش فيها
مازن:ياعمي فكها ربك موجود
سعود يتنهد: على الله
ساري: عاد من زمان على طلعه الشباب والهبقات والهجوله
مازن: ايوا والله
سعود: راحت ايامها
ساري: لا راحت ولا شي احنا فيها لسه
مازن: واذا راحت تجي عشاننا
"سعود يبتسم"
ساري ومازن: ياأحلاااااااااااااا
ساري: ايش الحلاوا دي ياواد
مازن: وربي شكلك كذا احلى خليك مبتسم على طول

في الإستراحه
لماربإنفعال: بنات ملل ملل ملل قومو سوو هيصه سوو شي وجع
اسرار رافعه حواجبها: خير انشاء الله
راجين: اتجننت البنت
خالدين: ماعليكم اختي واعرفها
لمار:باللهي عليكي
"لمار قامت تجري ورا خالدين"
"خالدين هربت منها"
اسرار وراجين:ههههههههههه
اسرار : ورببي اشكالكم تووحفه
راجين: ترا والله صح ملل
لمار: اجل خلاص قومو نروح اي مكان"وتقوم"
خالدين: اقول بنات خلينا نروح العرب
اسرار: لا مول لا
راجين: الوقت متأخر فين بتروحو
لمار: بنات انا بروح البحر احب بحر ابحر
خالدين وراجين واسرار: انتي مجنونه
لمار: لأ والي تبغى تجي تجي انا بروح
"لمار تاخذ عبايتها وتلبسها"
اسرار: البنت من جدها تتكلم
راجين: اجل من عمها
خالدين: لا من جدها ولا عمها صدقوني اختها
اسرار وراجين يضربو خالدين على راسها
خالدين:آآآآآي
اسرار: والله بروح معاها ترا فللله صياعه وربي
راجين وخالدين: استنوني

في السيارا
خالدين: لمار قولي لماما
لمار: بعدين لما هيا تتصل وتسأل
خالدين: شوف البنت
اسرار تضحك: والله انتو اخوات خطيرين
لمار: ليش مكتوب علينا ممنوع الإقتراب
"الكل يضحك"
اول ماوصلو البحر نزلو البنات على الشاطئ
لمار نزلت طرحتها: اوف حر
خالدين: ايوا ايوا خذي راحتك مافي احد يخاصمك
لمار: اقول اسكتي
راجين تنزل طرحتها: ايوا والله حر
اسراربغرور مصطنع: انتو بنات وقحات انا مؤدبه
لمار: لا ياشيخه
راجين: ونعم الأدب
خالدين: انتو ساكتينلها وتقول عنكم وقحات
لمار: لا دحين اوريكي فيها.. تعالو انتو معايا بس
اسرار : يامجانين ايش تسوو
لمار وراجين وخالدين شالو اسرار ورموها في البحر
اسرار تصرخ: ياحيواناااااااااااات
لمار وخالدين وراجين:ههههههههههههههه
تمر شله شباب وواحد منهم يقول: حرام قيرل خربتو برستيجها
راجين: اقول اعقل لا يجي الدور عليك
وهو يمشي ويقرب منهم هو وشلته: وريني
راجين: لا باللهي
واحد ثاني من الشباب:اقول حبوب اانا شايف عروسه البحر طالعه من البحر شوفها شوفها "ويأشر على اسرار"
اسرار: اقول روح اقول بلا سخافه
واحد من الشباب: وعندها لسان كمان هههههههههههه
خالدين: شوف انت وياه لو مابعدت عنا بتشوف شي مو حلو
واحد من الشباب: حطيله سكر عشان يصير حلو
الشباب:ههههههههههه
البنات:هيهيهيهيهيهي يادمك

لمار بدلع: يلا بلا سخافه وخرو عنا
الشباب وكنهم ذايبين: آآآآآآآآآآآآآه
واحد من الشباب: اموووووت على الدلع انا
اسرار: اقول بس لا يكثر كلامك انت وياه وزيلا حل عنا
واحد من الشباب: ياعسل لا تبردي شوفي كيف مبلوله
اسرار تقلد صوته: مالك بيا
خالدين تجي من ورا البنات وهيا جايه من البحر وكان معاها سطل ملته من البحر
خالدين: وخرو بنات وخرو
الشباب: لا يامجنونه
خالدين ترمي مويه البحر على الشباب
الشباب: يامجنونه
البنات:هههههههههههههه
واحد من الشباب: ع الهوا سوا كلنا اتبلينا
لمار: يلا انقلعو ولا المره الجايه اقوى ترا مو قدنا
واحد من الشباب: ماشي بنروح بس مو عشان خفنا منكم عشان انتو ماتنعطو وجه
البنات: باللهي ياشيخ
يروحو الشباب
والبنات يطالعو في بعض:ههههههههههههههه
لمار تنزل البحر: والله بنات شكلي راح اسبح
خالدين تنزل البحر معاها: يلا بنات يلا
تنزل راجين واسرار
لمار ترش المويه على البنات برجولها
البنات يصرخو:لااااااااااا
لمار تضحك
قامو البنات عليها وبللوها

في بيت ابو مازن
في غرفه نوف
نوف كانت نايمه ويرن جوالها
نوف: هلا حبيبي
بدر: هلا حياتي
نوف: خير حبيبي في شي؟؟ ليش متصل بهذا الوقت؟؟
بدر: ايوا في بس ماراح اقول راح تشوفي
نوف: خير ايش فيه؟
بدر: انتي انزلي وافتحي الباب وتعرفي ايش جاكي
نوف: ايش جا؟؟
بدر: اقول انزلي واعرفي بس خليكي على الخط
نوف تقوم من السرير:اوك
نوف تنزل وتفتح الباب وتلقى هديه قدام الباب
نوف: الله تجنن انت الي راسلهاا
بدر كان مستخبي ويطلع قدام نوف
نوف انفجعت
نوف بفرح وتروح تحضن بدر: حبيبي
بدر: ياروحي انتي
نوف: وحشتني
بدر: وانتي اكثر بس مو ملاحظه انو انتي طلعتي الشارع
نوف بإستغراب: اي شارع؟؟
بدر: انتي واقفه معايا في الشارع
نوف تلتفت حولها
نوف: اي والله
بدر يضحك: يلا ادخلي
نوف: معليش حبيبي بس والله من فرحتي ماتتصور قد ايش فرحتي اليوم
بدر: ياحياتي
نوف: فين خالتي وميرا .. ميرا كيفها؟؟
بدر: بخير والله الحمد لله اتحسنت
بس تركتهم هناك وجيت اشوفك
نوف: ياعمري انت
بدر يبتسم
نوف: حكيني حكيني ايش سويت بلندن؟؟
بدر: ياحبيبتي والله تعبااان مافيني للحكاوي وابغى انام
نوف: ياعمري .. يلاقوم ارتاح تبغى اسويلك شي تاكل ؟؟
بدر: لالا بس ابغى انام
نوف: طيب تعال نطلع غرفتي
في غرفة نوف
بدر ينسدح على السرير: الله ريحتك موجوده بالفراش
نوف تبتسم
نوف: ياعمري والله وحشتني حكاويك وحشني صوتك وكل شي فيك
بدر: وحشتك اكثر
وحشني دلعك وضحكتك وملامحك الحلوا الي ما فارقت عيوني
نوف تبتسم

في بيت رجوان
الساعه 6 الفجر
رجوان يدق الباب على ريم
ريم تفتح الباب
رجوان: يلا يلا بسرعه جهزي نفسك بنطلع
ريم بإستغراب: على فين؟
رجوان: بنروح الشاليه بتعيشي احلى ايام حياتك
ريم بتردد: رجوان
رجوان: دقايق وتكوني جاهزة يلا استناكي تحت


تآبع

ريم تبتسم
رجوان: يابنت يلاا ارحميني
ريم بدلع:خلاااص اوكي
ريم تروح تجهز نفسها وتقول : هذا الولد مجنوون
ريم تضحك ضحكه خفيفه
ريم تجهز وتنزل للصاله
وتلقى رجوان يستناها
ريم: رجوان
رجوان يلتفت ويشوف ريم ويبتسم: يلا
ريم تبتسم: يلا
في السيارا
ريم: انت ليش موديني الشاليه
رجوان: طفشان وانا احب الشاليه دا مره وحبيت تشاركيني طلعتي
وبعدين انتي لكي فتره مابتطلعي من البيت قلت تغيري جو
ريم: اهااا.. وماعندك دوام
رجوان: اجازه
ريم: اهااا
رجوان: طيب انتي ليش وافقتي..
ريم بعد صمت: ماادري.. يمكن لأني حسيت معاك بالأمان وارتحت معاك
ونفسي اعيش معاك احلى الأيام
ريم تلعب بأصابعها: تتوقع كذا
رجوان يبتسم: اتوقع
ريم تبتسم
عند الشاليه
رجوان: اخيرا وصلنا
ريم: يووه تعبت وانا جالسه
رجوان: يلا هانت
ريم ورجوان ينزلو
رجوان مد يده يمينه ويساره: الله مافي احلى من البحر
ريم: البحر دا شي فظييع
رجوان يفتح باب الشاليه: اتفضلي
ريم: يزيد فضلك
رجوان: الله شوفي البيت كيف نور..بوجودك
ريم استحت
كان الباب على الصاله والصاله على البحر
ريم اول مادخلت وعشان عشقها البحر
راحت على طول فتحت الباب الي في الصاله الي على البحر وطلعت
ريم وهيا فرحانه: الله الجو مرره حلو اليوم
رجوان يطلع عند ريم: الجو مايحلى الى بوجودك
ريم من الخجل صارت تلعب بأصابعها
رجوان: خلاص راح تعوري نفسك
ريم تضحك
رجوان: صوت ضحكتك يحسسني بالحنان
ريم تطالع في رجوان بحب وتبتسم وكان الهوا يطير خصلات شعرها على وجهها
رجوان: ياعيوني انتي روح عمري
انتي ايش سويتي فيني ابغى اعرف؟؟ شقلبتي حياتي فوق تحت
خليتيني انسان تاني
فاكره يوم شفتك بالمركز يوم ماطاحت اوراقي واوراقك
وقتها اتمنيت يوقف الوقت ويوقف الزمن وماتروحي عني
ريم:في ذاك اليوم شفتك فارس احلامي
وماصدقت نفسي
كنت انت نفسك الي شفتك بالحلم
حسيت اني من جد اني عايشه في وهم
رجوان: بس الي احنا فيه دحين مو وهم
ريم ورجوان يبتسمو
ريم تطالع في البحر
رجوان: تروحي؟
ريم: البحر
رجوان: ايوا
ريم: يلا
رجوان ينزل البحر عند الشاطئ بس ويتبلل طرف البنطلون:يلا تعالي
ريم تنزل البحر: ايييي المويا بارده تجنن
رجوان : هادي بارده
رجوان قام يرش ريم بمويه البحر بيده
ريم: لالا يامجنون
ريم قامت ترش ريم بالمويه برجولها
رجوان يضحك: يابنت خلاص
ريم تضحك
رجوان لمس رجول ريم برجوله عشان يطيحها في البحر
وطاحت ريم
ريم تصرخ: آآآآآآآآآ
رجوان يضحك
ريم تشد رجوان من يده وتطيحه
ريم تضحك
رجوان وريم صارو يضحكو وهما جالسين في البحر
رجوان: تركبي دباب؟؟
ريم: لالا اخاف منه
رجوان: لا ماعليكي انا معاكي؟؟
ريم: هوا انت راح تركب معايا؟؟
رجوان: اجل اتركك لوحدك؟؟ اخاف عليكي
رجوان يقوم ويشغل الدباب البحري
رجوان: يلا تعالي
رجوان ركب الدباب
ريم: كيف اركب؟؟
رجوان: تعالي ورايا
ريم تركب وهيا متردده
رجوان لا ماينفع نزلي عبايتك؟؟
ريم: لاااا
رجوان: ماينفع كذا راح تتعبك
ريم بعد تردد: يووه خليني افلها
ريم تنزل عبابتها
وكانت لابسه بنطلون ماسك لين سيقانها وجينز
وتيشيرت فوشي ومرسوم عليها بالإكليل الفضي بنت كول
رجوان يلتفت على ريم وهوما على الدباب ويبتسم
ريم بإستغراب: ايش فيك؟
رجوان: كل يوم تحلوي اكثر
ريم استحت
رجوان: ابغى منك شي واحد بس
ريم: شو؟
رجوان: ماابغاكي تستحي مني اوكي؟؟ وحتى لو في شي تبغي تقوليه لا تستحي
ريم: اوكي
رجوان يحرك الدباب ويمشي
رجوان: امسكي فيني
ريم: كيف؟
رجوان يمسك يد ريم ويحطها على بطنه
رجوان: كذا
ريم حست بإحراج مرره شديد
ريم: خايفه
رجوان: ليش خايفه ..انا معاكي.. قلتلك طول ماانا معاكي ماتخافي
رجوان قام يسرع ويلف يسوي حركات
وكانت ريم فرحانه وخايفه وخجلانه بوقت واحد
رجوان: ايوا صح
لما دقيت عليكي باب غرفتك كنتي صاحيه ..ايش الي مصحيكي بدا الوقت؟
ريم: انا احب اكون صاحيه من الساعه 6 الين الساعه 8 الصباح
احب هادا الوقت وقت الشروق مره حلو
رجوان ساكت ويبتسم
ريم: ايش فيك؟
رجوان: كل يوم يطلع شي مشترك بيننا
ريم: يعني بتقول انك كنت صاحي لنفس السبب
رجوان: تخيلي
ريم: معقوله
ريم ورجوان يبتسمو
ريم: خلاص رجوان ارجع انا جوعت
رجوان: ايوا والله حتى انا
يرجع رجوان وينزلو من الدباب ويدخلو الشاليه
ريم تاخذ عبايتها: يوووه عبايتي مبلوله
رجوان يمسك عبايه ريم: مالها داعي ..انتي كدا حلوا
ريم حاسه بإحراج
رجوان: انا رايح آخد شور تبغي شي قبل لا اروح
ريم: لا ثاكس
رجوان: بعد الشور نفطر اوكي
ريم: اوكي
رجوان يبتسم يغمز لريم
ريم تستحي وتنزل راسها
ريم تروح تشغل التلفزيون: يووه حتى انا باخد شور بس مافيني يلا بعدين
بعد رجوان ما اخد شور
طلع ودخل الصاله
ريم تشوف رجوان بإستغراب
رجوان كان لابس البنطلون ومولابس بلوزه
ريم توقف وتأشر عليه: ايش دا؟؟
رجوان يطالع في نفسه: ايش فيه؟؟
ريم تستحي تنزل راسها: البس بلوزتك
رجوان فطس ضحك: يعني هذا كلو عشان مولابس بلوزه.. خلاص ياستي بلبسها
رجوان يلبس بلوزته
ريم لسه منزله راسها
رجوان يروح عندها ويرفع راسها: خلاص لبستها ارحمي نفسك وارفعي راسك
ريم تطالع في رجوان بخجل
ريم: يلاا انت مو ناوي تفطرني؟؟
رجوان: اووه نسيت معليش حبيبتي
ريم تطالع في رجوان بدهشه وتعجب واستغراب وفرح بنفس الوقت
ريم: ايش قلت؟؟
رجوان: معليش حبيبتي
ريم لسه مو مستوعبه
رجوان: انتي حبيبتي ..ايش فيك مستغربه
ريم: لا بس .. مو استغراب.. هوا يعني.. مادري بس
ريم بعد صمت: كنت اتمنى اسمعها
رجوان يبتسم: واتحققت امنيتك
ريم: ماتتصور شعوري
رجوان يبتسم
ريم تطالع في رجوان وتبتسم

في بيت ابو مازن الظهر
نوف تقوم من النوم وماتلقى بدر جمبها
نوف تقوم وتنزل تحت
وتلقى بدر وابوها وامها بالصاله
ابو مازن: ياهلا والله
نوف: هلا فيك بابا
بدر: شفتي الساعه كم طولتي بالنومه
نوف: والله ايش بسوي كنت تعبانه
بدر: سلامتك.. يلا مادام انك صحيتي بقول لكم شي
نوف: خير
بدر بحزن:ميرا في خطر وحالتها سيئه ويمكن ماتطول
نوف بخوف: يعني ايش ماتطول؟
بدر: يعني ايامها معدوده
نوف بصدمه: لااا لا تقول بدر الله يخليك لا
بدر: نوف لازم تقبلي هذا الي صاير
نوف وهيا تدمع: ليش ليش ياربي ليش
ريم وراحت عني لا تخلي ميرا تروح عني مابيبقالي احد ياربي لااا
بدر يروح يجلس جمب نوف ويحضنها
بدر: خلاص حبيبتي لا تبكي
ام مازن: وفينهم دحين؟
بدر: بالمستشفى بلندن مع انه مافي امل في علاجها
نوف: طيب ليش ماترد على تلفونها دايما مسكر
اصلا بدر هوا ماخذ جوال ميرا وقافله عشان ريم ماتتصل فيها
بدر بتردد: ها.. لا مو هيا قالت ماتبغى اتصالات من احد وتبغى تتعالج بسرعه وكذا
نوف: لاا ياربي لا تبعدنا
ام مازن: نوف ياماما مايصير الي بتقوليه حراام
نوف تبكي

في بيت سميه يرن الجرس وتفتح الشغاله
الشغاله: في بنت يبغى انتي برا
سميه بإستغراب: مين؟
الشغاله: مادري
سميه: دخليها دخليها
الشغاله تروح تدخلها
جمانا: السلام عليكم
سميه بإستغراب ودهشه: جمانا
جمانا: ماراح تقوليلي اتفضلي
سميه بتعجب: اتفضلي
جمانا تروح تجلس وتطالع في سميه بحزن وتحضنها وتبكي
سميه: حياتي جمانه ايش فيكي؟؟
جمانا: انتي الوحيده الي راح تساعديني
اانا صرت غير جمانه الي عرفتيها صدقيني بس بنتقم وآخذ حقي بس ابغاكي تساعديني
سميه: ليش ايش صار؟
جمانه قالت لها على حكايتها مع نواف
سميه: الحيوان النذل
جمانه: شفتي حالتي
سميه: ياما حذرتك ياجمانا
جمانا: ادري العتب عليا وادري غلطانه بس المهم انك تساعديني
سميه: وكيف تبغيني اساعدك
جمانه: مدري مدري انتي الي بقيتي في حياتي كلهم اتخلو عني
وانتي الي ندمت على اني تركت وغلطت عليكي سامحييني سميه سامحيني
سميه تبتسم وتحط يدها على خد جمانا: مسامحتك مهما كان انتي كنتي اعز صديقاتي
جمانا تبكي
سميه: يلا عاد لاتبكي يلا مسحي دموعك وخلينا نفكر ايش نسوي
سميه تنادي الشغاله
سميه: سوي اثنين عصير
جمانه: قوليلي ايش اسوي
سميه تفكر: والله مدري بس عارفه لازم نعرف عنو كل شي فين يروح فين يسهر
جمانه: وايش يفيدنا
يمكن نقدر نوصل لشي يودي نواف والي معاه في ستين دهيه
جمانه: ممكن
سميه: بس لو تبغيني اساعدك تسوي الي بقولك عليه
جمانه: اعتبريه صار
سميه: الفيديو الي طلعتيه على ميرا الله يخليكي تقوليلها انو تركيب وان مولها وتصلحي الي صار
جمانا متردده
سميه: خلي قلبك ابيض ولا تفرقي بين اثنين الي سويتوه مره غلط حرام هدمتو حياتهم
جمانه وهيا تدمع: خلاص اوعدك اصلح الي سويتو بس ساعديني
سميه: وانا اوعدك اني بساعدك

في الشاليه
برا على الشاطئ قدام الشاليه
كان رجوان وريم يشوو الغدا وكان غداهم مشويات
ريم: الله ريحة الشوي مااراا حلوا
رجوان: اكيد بتكون حلوا مو انا الي مسويه
ريم: باللهي عليك .. لا هيا حلوا عشان انا واقفه جمبك واخذت الحلا مني
رجوان وريم يضحكو
رجوان: يلا جهزي السفره وحطي الأغراض على الطاوله تلقيها عندك في المطبخ بس جيبيها
ريم: اوكي
ريم تدخل تجيب الصحون وتطلع تحطها على الطاوله
وترجع المطبخ تجيب الشوكه والسكين
تدو في المطبخ مالقتها
وهيا طالعه تروح تسأل رجوان عنها كان رجوان داخل وكان شايل كرسي بيدخله جوا ويجيب واحد غيره
وخبطت ريم في الكرسي وطاحت على الأرض وخبط راسها على الطاوله
ريم:آآآآه راسي
رجوان يترك الكرسي: معليش حبيبتي ما شفتك.. انتي بخير؟؟
ريم: حاسه بدوخه
رجوان يمسك يد ريم ويحاول يقومها: قومي معايا
ريم: رااسي
رجوان: ريم لا تخوفيني عليكي انتي بخير
ريم: بخير بخير خلاص
رجوان: طيب خلاص خليكي جالسه وانا بكمل الأغراض تعالي اجلسي على الطاوله
ريم تروح تجلس على الكرسي
رجوان يجيب الغدا
رجوان يجلس : ها كيف راسك؟
ريم: احسن
رجوان: ياعمري وربي حسيت بالذنب
ريم: لا ماله داعي انت ماكنت تقصد
رجوان:اكيد مو زعلانه
ريم: لالا والله لا
رجوان: طيب يلا كلي وقوليلي رايك
ريم: ممممممممم مرا خطير
رجوان: مشكورا دا من ذوقك
ريم تبتسم
ريم تفتكر شي؟؟!!!؟ ريم تترك الملعقه وتطيع في الصحن وتتنح
رجوان: ريم ايش فيكي؟؟
ريم: افتكرت رجوان افتكرت
رجوان: افتكرتي ايش؟
ريم: افتكرت بيتي انا ساكنه في ــــــــــــــــ
رجوان حس بضيق لأنه مايبغى ريم تبعد عنه
رجوان مو عارف ايش يقول
ريم: رجوان انا فرحانه مره فرحانه الحمد لله اخيرا بتطمن على اهلي
ريم تشوف رجوان وحست انه متضايق: رجوان انت زعلان لأني افتكرت؟؟
رجوان بإرتباك: لا لا مو كذا بالعكس فرحان
ريم: لا انت متضايق
رجوان يمسك يد ريم: كل الحكايه اني خايف تبعدي عني ومااقدر اشوفك تاني
ابغاكي جمبي على طول
ريم تروح ابتسامتها وتفكر
ريم: مستحيل تبعد عني لأن انت صرت روحي مافي احد يقدر يبعدنا
رجوان: وايش يضمني.. ريم انتي بتروحي عند اهلك ولاعاد اقدر اشوفك
ريم: رجوان لا تقول كذا انشاء الله وسكتت ريم
رجوان: شفتي مافي امل اننا نتقابل تاني
ريم صارت تبكي
ريم: رجوان انت روحي ومافي احد عايش بدون روح وانا مااعيش من غيرك
رجوان: وصدقيني انتي كمان روحي وانا ماعيش من غيرك ومااحب اشوف دموعك
يلا مسحي دموعك وبعد الغدا يصير خير

البارت الـ 20
بعد الغدا
ريم كانت في الغرفه بتجهز نفسها عشان رجوان بيوديها لبيتها
يدخل عليها رجوان ويطالع فيها بحزن وألم

ريم: رجوان بلاش وربي مو ناقصه انا من نفسي مخنوقه

//

تغيب الناس عن عيني وشخصك يالغلا ماغاب
اشوفك وين ما امشي وطيفك ساكن ابعيني


احبك والمحبه جت من الله ومالها اسباب
لقيتك تجري في دمي وتسكن في شراييني


ونا من كثر ما اغليك ابا البس من غلاك اثياب
واكحل ناظري ابشوفك ياطيفن ما يخليني


ابا اقهر كل عذالي عسى الله لا يجيب اغياب
واشوفك دوم في قربي احاكيك وتحاكيني


وابا اسكن في نظر عينك وابيك اتضمني باهداب
وابي كل ما شكيت الهم في بعدك تواسيني


وابي لو شانت الدنيا ابي نحيا ونموت احباب
وابي كل ما توله ناظرك تكفى تناديني


حبيبي لو تباعدنا ابا اصبر والقلوب اقراب
وانا في داخلك ساكن اذا ما قلتلي ويني


فديتك يابعد كل البشر والناس والاصحاب
فديتك يللي في قربك احس الدنيا بايديني


تغيب الناس عن عيني وشخصك يالغلا ماغاب
اشوفك وين ما امشي وطيفك ساكن ابعيني


احبك والمحبه جت من الله ومالها اسباب
لقيتك تجري في دمي وتسكن في شراييني

//

رجوان يقرب من ريم
ريم بحزن ودمعتها نزلت على خدها: رجوان
رجوان يمسك يد ريم اليمين بيده اليسار ويمسك بيده اليمين دموع ريم الي نزلت على خدها
رجوان:لو يجف البحر ومايبقى قطره منه حفضل احبك ياحبي الوحيد
احبك ولو سألتي قلبي صدقيني بجاوبك جربي واسأليه
بينطق بإسمك
"رجوان يمسك يد ريم ويحطها على خده" لو اهديكي عمري كله عمري مايغلى عليكي ..عشت معاكي احلى ايامي واحلى لحظاتي
في لحظات الحب الي عشناها سوا
عروقي عشقت دمك
وقلبي عشق نبضك
وعيني عشقت رموشك
ويدي عشقت لمسه يدك
حياتي لا تبكي .. مصير الزمن يجمعنا مافي شي يفرقنا
|\/

أهديك روحي لو الروح تكفيك
وأهدي حياتي كلها لك هديه
ياااساكن بجوفي حبيبي أنا أفديك
يااساكن بوجدان عمري لك يجيك
حبك ملكني بين كا البريه
طيفك على بالي وكل يوم أطريك
ماتفارق عيوني بنظره هنيه
كل مافتكر حبك وبقلبي يناديك
بين الحروف وهمسه من شفيه
تلامس كفوفي وارجع أناجيك
اعاهدك بالحب بنغمه شجيه
احط ايدي بكفي ايدك واصافيك
واقول حبك قدر من رب البريه
يالغالي ياغالي بمواريك
يابوعيون السود حلوه سحريه
ارسم بنظراتك بقلبي واحاكيك
\|/

ريم:رجوان انت انفاسي
انت هوايا
انت قلبي ونبضه
خليتني اعيش ايام لدحين احس انها حلم
عمري ماعرفت الحب
لكن عرفته منك
انت علمتني الحب
وعلمتني العشق
انت فارس احلامي الي عشت حياتي كلها استناه يجي وياخدني معاه لدنيته
شفت الباقي من حياتي معاك
ريم تمسك يد رجوان وتحطها على قلبها
شفت هذا النبض؟؟
بعدك بيوقف دق ومايعيش
رجوان يحضن ريم ولأول مره
يحضنها بحنان وبحب وبرقه
رجوان وهو حاضن ريم: وشفتي هذا الحضن
اجمل حضن حضنته بحياتي
احس اني حاضن الحب نفسه
وحاضن معايا العالم بكبره

ضـمـيـني على الصـدر ياريم & & "خلـيـني اشـكـي لـك مـعانـاة حبـي

اسمك حـفـظـته نطـق واكتـبته احروف" & & "منـحـوتً اسمـك في شرايين قلبـي

اتـخـيـلك في كل لحـظـه مدى الشـوف" & & "سباح في بحـرك وموجك عصف بي

عـزالله ان الـعـقـل يـاريم مـخـطـوف" & & "انـتي سـبايـب جـرح قـلبـي وطـبي


ريم تبكي:رجوان لا تروح انا احتاجلك
احتاجلك لا ضيق الوقت صدري ابيك تمسح عن عيوني شقاها

رجوان: لا تنسيني ياريم خلينا ع الوعد وخلي حبنا يكبر
رجوان يحط كفوفه على خد ريم: وخليكي فاكرا اني عشقتك وعشقت انفاسك
ريم: وانا ما قدر انسى؟؟!!؟ مستحيل انسى عشيقي
وانسى اسبوع عشتو معاه
مستحيل
ريم حطت يدها على وجهها وتبكي
رجوان: آآه يلا حبيبتي يلا
ريم تلبس عبايتها ويطلعو
رجوان يقفل الباب ويلتفت ويلقى ريم تتأمل في الشاليه
ريم: تتوقع برجع تاني هنا؟؟؟
هنا عشت اوقات حلوا معاك
رجوان: قولي يارب
ريم:يارب
رجوان وريم يركبو السيارا ويحركو

في بيت ابو سعود
سعود وام سعود وابو سعود وليان
الكل جالس في الصاله وكل واحد في حاله وفي حالة حزن وكئآبه
لاضحك
لافرح
لاابتسامه
ولا حتى كلمه حلوا
ام سعود والدموع ماجفت من عيونها
وسعود ماذاق طعم الفرح وضاعت ابتسامته من بعد ريم
وابو سعود الحزن مومخليه يركز في شغله اخذ اجازه عشان يرتاح
ليان ماسكه دبدوبها ومنسدحه على الكنبه وهيا زعلانه وتردد: دحين نيم تجي دحين نيم تجي دحين نيم تجي

عند الباب يوقف رجوان بسيارته
ريم تأشر :هذا بيتنا
رجوان يطالع في ريم بحزن وبصمت
ريم تطالع في رجوان
ريم تحط يدها على يد رجوان ودموعها صارت تنزل على يده
قام رجوان حضنها

على فرقــــاك انا مااقدر امـــــانه لا تودعني

ياأغلى من سكن عيني وسكن قلبي وشراييني

ابيع الــــعمر انـــا لجلك .. ولا ترحل ابد عني

ابـي اغرق انا بقربك .. وقربك بــــس يكفينــي

حـلاة العمر في قربك .. وش اللي هو بقى منـي

بعد فرقاك كرهت العمر.. كرهني كل مافينـي

انــا مااتحمل غــيابك .. غيابك نــــار تحرقـني

غيــابك يشــعل بجــوفي .. ولا فـــكر يطفينــــي

ابـــكي من تعب قلبي .. على ذكـرى تألمـــني

على ذكرى تذكرني على حبيب راح وناسيني

انـــا تعـــبان من نفســـي وكل ماحولي يتعبني

طريق فيه انا وياك حضنــت أيــديك بأيديني

فيـــه الـــيوم انــا لحــالي يجـــمعني يشتتنــي

ولا فـــي واحد بعدك يمسح لي دمع عينـــــــي

فمــان الله روح بعـــيد وابقى فيني واسكنــي

ابقـــى في خــفوق شـاال حب دايم يواســيني

ومادام انك على الفرقى ناوي روح واهجرني

وخلي (الصبح) يهجرني وخلي( ليلي) يخاويني ..

ريم: مو هاين عليا اتركك
رجوان: حبيبتي هذول اهلك واحنا لنا الله
ريم تنزل من السيارا وهيا منهارا
رجوان ينزل معاها
ريم وهيا خايفه تدق الجرس وبتردد
رجوان: دقي ياريم دقي
ريم تطالع في رجوان وتدق الجرس وتغمض عيونهابقوووه

اول مارن الجرس قامت ام سعود من مكانها
سعود: انا بروح اشوف
سعود يروح ويفتح الباب مايلقى احد
ويدخل
سعود: مافي احد

كان الباب البراني مفتوح بس باب الفيلا مو مفتوح
في حوش البيت من الجمب اليمين
ريم كانت تبكي: رجوان مو قادرا خايفه افقدك
رجوان: ياريم هذول اهلك ماتقدري تعيشي من غيرهم
واوعدك انك بتكوني ليا
ومايفرقنا شي
يلا تعالي
تعالي ادخلي لأهلك
ريم تدق الجرس مره تانيه
سعود: وبعدين

سعود يفتح الباب
ويلقى ريم وورجوان
ريم ببفرح وهيا تبكي: سعوووووووووود ياعمري
سعود بفرح وإستغراب وتعجب: رييييييييييييم
ريم تحضن سعود: ليش خليتني ياسعود ليش
سعود: انا مو مصدق انتي ريم من جد
ريم: آآآآآه ياسعود "وتبكي"
سعود يطالع في رجوان
سعود يسلم على رجوان: معاك رجوان
ريم: سعود هادا رجوان الي خلصني من ذولاك الشباب وخلاني عنده
سعود: وليش ماجيتي من اول
رجوان: انخبطت على راسها واعتقد فقدت الذاكره بس الحمد لله افتكرت
سعود: انا مو عارف ايش اقولك بصراحه من جد مو عارف
انت حميت اختي وخفت عليها وخلصتها من هذولا الكلاب
رجوان يبتسم: مو لازم تقول شي
رجوان يطالع في ريم: اختك زي اختي خفت عليها اكثر من نفسي
ريم تطالع في رجوان وتبكي
رجوان:يلا انا استأذن
سعود: انت مو رايح من هنا لازم ابويا يشكرك بنفسه
ريم بفرح: ماما وبابا طلعو من المستشفى
سعود يبتسم: ايوا الحمد لله
ريم تطالع في رجوان وتبتسم
رجوان يبتسم
ريم تدخل البيت جري: ماما ماما بابا
ام سعود وابو سعود وليان يوقفو لما سمعو صوت ريم
ريم تدخل الصاله: ماما
ام سعود: ريم
ابو سعود: ريم
ليان: نيم حبيبي
ريم تحضن امها وتبكي: آآآآآآآ ياماما
ابو ريم: صار فيكي شي؟؟
ريم: لالا
ابو سعود: ريم اكيد
ريم: لا يابابا لا المهم انتو بخير
ام سعود: احنا بخير انتي طمنينا انتي كيفك ايش صار فيكي
ريم: ياماما انا بخير المهم اني اتطمنت عليكم
ابو سعود يطلع برا عند سعود
سعود: ابويا هذارجوان الي ريم كانت جالسه عنده
ابو سعود بإستغراب: جالسه عنده!!!!!!؟
رجوان: عمي بنتك كانت فاقده الذاكره واخذتها عندي لين قدرت تفتكر وجبتها لكم
ابو سعود يبتسم: والله ياولدي مو عارف ايش بقولك
ابو سعود يحضن رجوان: رجعت لي اغلى شي ملكته بعمري من جد موعارف ايش بقول
اطلب الي تبغاه وانا عيوني لك
رجوان: لا عمي مااحتاج شي اهم شي البنت رجعت لكم بالسلامه..يلا استأذن انا
ابو سعود: على فين تعال شويه
رجوان: لا عمي معليش عندي اشغال
سعود: طيب يابو الشباب رقمك بس لوسمحت
رجوان يبتسم: سجل
سعود يطلع جواله ويكتب الرقم
ابو سعود يدخل البيت وسعود يدخل ويسكر الباب
رجوان يطالع في البيت بحزن: آآآخ ياريم موقادر اتخيل اني بعيش يوم من غيرك
كيف بنام وكيف بصحى
اتعودت انام على صوتك وصورتك واتعودت اتصبح على صوتك وشوفتك
اليوم ايش بسوي بدونك؟؟
وبكرا!!وبعده!! وكل أيامي الجايه

رجوان يركب سيارته ويحرك

في الصاله
سعود: ريم صار فيكي شي
ريم وهيا في حضن امها وماسكه ليان: لا الحمد لله رجوان لحقني
ابو سعود: يعني اكيد
ريم: بابا اكيد انا بتكلم من جد
سعود: قوليلنا ايش الي صار بالضبط وكيف جلستي عندرجوان
ريم: بعدين بعدين ابغى اكلم ميرا
ريم تمسك جوالها وتدق على ميرا وجوالها مقفل ونفس الشي جوال امها
ريم: ليش ميرا مقفله جوالها؟؟؟

في بيت بدر
نوف: بدر بدر بدر قوم قوم يلا وديني عند بيت خالتي
بدر يقوم من النوم مفجوع: ليش خير؟؟
نوف ودموع الفرح على خدها: ريم يابدر ريم جات
بدر بنظره تشاؤم: والله!!! طيب حلو
رجع كمل نومه
نوف بصراخ: انت نمت اقول قوم وديني
بدر: ااخ ابغا انام حبيبتي
نوف بعصبيه: طيب ماشي
نوف تطلع من الغرفه
وتدق على مازن وتقوله يجي ياخذها

في بيت ابو سعود يدق الجرس وتدخل نوف ورولآ
وريم تجري تحضنهم ويبكو الثلاثه
وتدخل وراهم ام مازن
ريم تبكي وهيا حاضنه نوف ورولآ: وحشتوني الله لا يحرمني منكم
نوف ورولا وهما يبكو: ياعمري
نوف: فينك وربي ماقدرت اعيش بدونك
رولا: خفنا عليكي
ريم: ياحيااتي ياعمري انتي وهيا
ام سعود وام مازن يطالعو فيهم ويبتسمو

ريم تروح عند خالتها وتحضنها: خالتي والله وحشتيني
ريم وهيا حاضنه خالتها تشوف مازن ورا خالتها
ريم: انت ايش جابك؟؟
مازن: يعني طرده
نوف ورولا :ههههههههههه
ريم حست بإحراج
ام سعود: طيب خدي االبنات وروحي غرفتك خلي الرجال يدخل
ريم تاخذ رولا ونوف وتطلع غرفتها
ريم تسحب نوف ورولا وتجري بالدرج
نوف ورولا: استني بشويش
ريم تفتح باب غرفتها وتدخل وتسكر الباب
وترمي نفسها على السرير :آآآآآآآآآآآآآآآآآآآآآآه
نوف ورولا يطالعو في ريم بإستغراب: خيييير
ريم تطالع فيهم بحنان ورواقه
ريم تمسك راسها:آآه بنات آآه ايش بقول
نوف رولآ بفجعه: ريم صار فيكي شي
ريم بصراخ:لاااااااااااا وجع فيكم
نوف رولا يضحكو
نوف تنسدح جمب ريم : الله يخليكي ليا
ريم ولا معاها
نوف: اقول الله يخليكي ليا مافي آمين
ريم: انا لو بعيش بعيش عشانه
نوف رولا بصدمه: نعم
ريم تقوم توقف على السرير وبصوت عالي: لو بعيش اعيش عشاااااااااااااااااانه
نوف رولا: يالمجنونه اسكتي
نوف ورولا يسحبو ريم ويجلسوها ويجلسو جمبها: مين هوا دا؟؟
ريم تنسدح
نوف ورولآ: البنت ساحت
نوف ورولا انسدحو جمبها
ريم: بنات وربي حاسه اني في السما
نوف ورولا: امممم
ريم: حاسه بإحساس غريب
نوف ورولا: اممممم
ريم: حسيت فيه حسيت فيه الي كنت اتمنى احس فيه
نوف ورولا:اممممم
ريم تطالع في نوف وتطالع في رولآ ويضحكو الثلاثه
رولا تقوم تجلس: يلا ريم من جد اتكلمي انا موفاهمه شي
نوف: ايوا يلا
ريم تقوم تمسك دبدوبها وتمشي بالغرفه وتدور: ايش بقول عنه؟؟
اقول روحي ولا عمري ولا حياتي
كل شي قليل فيه
نوف ورلا: مين؟
ريم: رجوان
نوف ورولا بصوت واحد: نعم!!!!!!؟
نوف: انا مو فاهمه شي
ريم: بعد ما ودوني الشاليه حقهم انا هربت من هناك بس تدرو كيف؟؟
نوف ورلآ: بنت تهرب من شباب؟؟؟؟؟؟؟!!!؟
نوف: تبغي تقنعيني
ريم: اقول اسكتي واسمعي
نوف:طيب
الكل يبتسم
ريم: نطيت من البلكونه الساعه اظن 6 ونص الفجر
وانا جايه انط نشبت رجولي بين الحديد وطحت على ظهري
نوف ورولا يشهقو
ريم: ايش بكم انا مافيني شي
الكل يضحك
ريم: بس ماتتخيلو الصدفه الي جمعتنا
تخيلو
نوف ورولا: اتخيلنا
الكل يبتسم
ريم: يوم طحت هوا كان تحت واقف يستناني انزل فلما طحت طحت عليه
نوف ورولا بصوت واحد:اوووووووووو
ريم: بس بنات بلا جنان
ريم تبتسم: طحت وصارت يده تحت ظهري
حسيت بيده والتفت اشوفه
وسكتت ريم
نوف تكلم رولا: البنت شكلها ماتت
نوف ورولا:هههههههه
ريم: وجع فيكي
المهم
شفته يابنات شفت الي سحرني من يوم ماشفته في حلمي
نوف ورولآ: اييييييييييش؟؟
رولآ: يعني هذا الي شفتيه هوا الي كان في الحلم
ريم تهز راسها وتحضن دبدوبها
نوف: لا شويه شويه عليا انا مو قادرا استوعب شي
ريم: هوا يابنات هوا رجوان الي شفته في الحلم وشفته في المركز وهوا الي اتصل فيا وكلمني هوا
رولا ونوف يطالعو في بعض بإستغراب
ريم: عشت معاه احلى ايامي وعشت الحب وايامه
عشته لحظه بلحظه
وشربت العشق من كاسه
وشفت حياتي كلها معاه
شفته الحب نفسه
شفته فارس احلامي
وشفته ملك عالمي وسكن دنيتي
وسجين قلبي
بنات لما لمس يدي حسيت بالأمان
واول مره احس بالأمان
نوف: ريم انتي حبيتيه؟؟
ريم: لا مين قال حبيته؟؟ انا ماحبيته بس انا عشقت انفاااااسه ولهيبه وناره
رولآ: رييييم
ريم: همممممم
رولا: ايش الي صار بالضبط
ريم: لايروح بالكم بعيد
الي صار بيني وبين رجوان شي عادي زي الي بيصير بين العشاق
قالي احبك
قالي الكلمه الي اتمنيتها سنين
قالها وحسيت العسل ينزل من شفايفه
في لحظه حب قلت له احبك كيف وليش ومتى مدري؟؟
كنت عايشه في عالمه عالم الحب والعشق والشوق والوله
آآآه بنات اول ماشفته سحرني
عيونه احس فيها سيوف
وشفايفه احس فيها عسل
وابتسامته خلتني انسى اسمي ومين انا وفين
وسكسوكته احس فيها لهيب يلسعني
لما يضحك صوت ضحكته يحسسني بالأمان
رولا ونوف يطالعو في ريم ويبتسمو
ريم: لما حضني
رولا ونوف بتعجب: نعم يختي؟؟!!؟؟
ريم: حضني..وحسيت روحي طلعت وراحت لجسده حسيت دقات قلبي راحت لقلبه
وحسيت دمي راح لعروقه
حتى انفاسي احسها راحت معاه
ضمني ضمه اتمنيت مايتركني فيها
وافضل في حضنه
حضني لانه كان يودعني
ريم نزلت دمعهتا على خدها
ريم:كنت خلاص افتكرت وقلت لها يجيبني هنا
حس بضيق لأنه بيفقدني
بس ماكان يدري ان ضيقتني ملت صدري اكثر منه
ضمني يابنات ويوم رحل عني حسيت روحي راحت معاه
انا معاكم واحس اني ميته بس الروح الي فيني روحه مو روحي
نوف: ريم انا مو متخيله انك حبيتي
رولا: اضربوني خلوني اصدق
نوف : طاااااااخ
رولا: ااااي
رولآ: لالا والله انا صاحيه وصدقت كمان
ريم تروح تجلس بين نوف ورولا:بنات قولولي كيف اشوفه كيف اكلمه وانا حتى رقمه ماادري عنه مدري ليش مااخذته
ماادري ايش الي خلاني انسى ومااقوله ولا حتى هوا افتكر ليش ياربي ليش؟؟
رولا: ياعمرييييييي
نوف: يارووحي
ريم: هوا انا بشحت وصعبت عليكم
رولا ونوف يضحكو ويحضنو ريم
ريم:الله يابنات مشتاقه لكل شي معاكم
نوف: مااعتقد مشتاقتلنا موحضرتك عايشه جو مع سيد رجوان
ريم تضحك
رولآ: وحضرتك جالسه عشقانه ومتيمه وعايشه حياتك ومبسوطه
واحنا هنا ميتين عليكي وموقادرين نعيش
ريم تضحك
ريم تاخذ عبايتها : بنات انا بنزل والله مشتاقه للجلسه معاهم
نوف: اقول ريم سعود تحت
ريم: ايوا
نوف: يووه مافيا للعبايا
رولآ: اصلا حتى لو ماكان موجود ماهر ومهران تحت
احنا جايين وكانو ورانا
ريم في نفسها:اووووووووووف

في الصاله
ريم تروح تجلس جمب امها
وعيون ماهر مانزلت من عليها
ماهر في نفسه: اخيرا ياريم اتطمنت عليكي
واخيرا شفتك
والله وحشتيني
ماهر: كيفك ريم
ريم من غير نفس:بخير وانت؟
ماهر:بخير الحمد لله

ليان: نيمو حبيبي وحثتيني ماره ماره ماره قد البحر
ريم: وانت ياعمري كمان مره وحشتيني قد السما
ريم تشيل ليا وتحطها بحضنها
ام مازن: حبيبتي ريم حكينا ايش صار معاكي؟؟
ريم ارتبكت: ها لا ولا شي
ام مازن: يسلام ماصار شي اجل كيف هربتي كيف جيتي
ريم: لا بس كنت عند واحد اسمو رجوان وكنت فاقده الذاكره لانه الضربه كانت براسي ولما استرجعتها جيبت هنا وبس يعني

ماهر لما سمع اسم رجوان حس بغيره وقهر

تآبع

مازن يطالع في ريم ويصفر وكنه مو مقتنع ان كلام ريم هوا دا بس الي صار
ريم شكت ان مازن مومصدقها
ريم تطالع في مازن بحقد
رولآ انتبهت لهم وصارت تبتسم
ماهر: اكيد بس؟؟ لوفي شي ترا مابنخليهم بنخسف لك ابو جدهم
ريم تطالع فيه بقهر:لا اياخويا مشكور اانا في غنى عنك

الكل لاحظ اسلوب ريم
وماهر مره انقهر من ريم

ريم:تطلع جوالها وتدق وتكررها اكثر من مره
ريم حست بضيق
الكل لاحظها
رولا: ريم ايش فيكي مكشره
نوف: ايوا اشبك معفسه
ريم: ميرا مقفله جوالها
نوف افتكرت الي قالها هوا بدر
ريم: نوف شوفيلي بدر ابغى اكلم ميرا
نوف ارتبكت: انشاء الله بس على فكرا بدر جا السعوديه بس ميرا وخاله لأ
ريم: من جد ! طيب كيف ميرا ؟؟
نوف" الحمد لله بخير واتجاوبت مع العلاج وصارت تتكلم شويه
سعود يسمع الكلام ويحس بضيق
سعود مع نفسه:والله وحشتيني ياميرا
ايش مسويه دحين نسيتيني ولا لسه فاكرتني وفاكره حبنا



ريم تطالع في سعود وكانت عارفه انه يفكر في ميرا
ريم: اقول سعود
سعود: قولي !؟؟
ريم: لا بس كنت بسوي نذاله واقطع حبل افكارك
مازن يضحك على سعود وكان الكل ساكت ومافي غير صوت ضحكه مازن
مازن حس بإحراج
الكل يضحك عليه
سعود: قال بتتشمت يعني
ريم: حلواا
سعود: واللهي.. والله يابت وحشتني نذالتك وخبالتك ورجتك
ريم: اصلا ماتعيشو من غيري
ماهر يستهبل: هوا هوا ابغى اتنفس
ريم تطالع فيه بإحتقار:لا بليز اتركوه ينخنق
ام سعود: وي بنت بسم الله عليه انتي ايش فيكي عليه
رولآ: مدري ايش فيها قالبه على اخويا
نوف تطالع في ريم وريم تطالع في نوف بعدين تطالع في ماهر
مهران: خاله عندكم غدا ولا اروح اكل برا ترا جيعان مره مره
سعود: انت مايهمك الا بطنك
ام سعود: ولا يهمك حبيبي دقايق ويكون الغدا جاهز
رولآ: لولات انتو وليان روحو العبو فوق احسن يلا حبيباتي
سعود يستهبل: واوات يلا حبيبات تعالو
رولآ: مين واوات؟؟؟
سعود: انتي تقولي لأخواتك لولات انا اقول لأخواتي واوات
الكل يضحك
نوف تضحك بقهر : هههههه موحلوا
الكل يضحك
ريم: كشمه كشمه
ماهر: لاموكشمه عادي اختي صح؟؟
ريم: اقول انت اسكت
مازن: هههههههههه انت انكشمت
الكل يضحك
مهران: موكنه احنا جالسين هنا وتاركين(( ويأشر على سعود ومازن))ابهاتكم بالمجلس
سعود: الرجال مع الرجال
ريم: وانتو مو رجال
سعود: انتي ماخليتيني اكمل
الرجال مع الرجال
والشباب مع البنات
الكل يضحك
ماهر يطالع في ريم: حلوا الشباب مع البنات
ريم بقهر: عجبتك ياخويا؟؟؟!!؟
ماهر يبتسم ويطالع في ريم:مره بشكل ماتتصوريه
مازن: اقول ايش رايكم اروح اجيب لكم مسدسات وكل واحد يطخ التاني وتنهو مشكلتكم
ريم: يكون افضل عشان اريح بالي
ماهر: وهو كذالك
سعود: الله الله هذول بايعينها مره
رولآ: والله مدري ليش حاقدين لهالدرجه
نوف تضحك لأنها عارفه الحكايا
ريم بصوت واطي : اسكتي لا تفضحينا

في بيت لمار
لمار:خليني ادق على جوال ريم لعل وعسى ترد
يرن جوال ريم
ريم وهيا تتغدا تشوف الجوال: لمار ياحياتي
ريم: ياعمري انتي وحشتيني
لمار مومصدقه: ريم.. انتي ريم؟؟
ريم: ايوا ريم وحشتيني يابنت
لمار: ريم ياحيوانه وانتي اكثر وربي افتقدك كيفك ايش صار معاكي؟؟ الحمد لله على سللامتك
ريم: الله يسلمك ياحياتي
لمار: ايش صار معاكي؟
ريم: يوووه حكايا طوييله
لمار تضحك
ريم: اقول اليوم لازم اشوفك وربي وحشتيني
لمار: اوكي بجي انا والبنات بس فين
ريم: بيتي
لمار: اوكي
ريم: استناكي ياعسل
لمار: ولا يهمك يلا اعطي خبر لأهلي
ريم: اوك باي

لمار تجري تنزل تحت: خالدين خالدين خالدين الحقي الحقي
خالدين: خير انشاء الله
لمار: ريم رجعت البيت
خالدين: قولي والله
لمار: والله ماامزح
خالدين: اخيراا وايش صار معاها؟؟
لمار: ماادري بس انا بروحلها بكلم راجين واسرار وبرحلها
تعالي تقول لماما
خالدين ولمار: ماما ماما بليييييييييز نبغى نروح عند ريم
ام لمار: حسبيا الله على ابليسكم انتو وطلعاتكم اطلعو وفكوني من شركم
لمار وخالدين يبوسو راس امهم: ثانكس ماما
ام لمار تبتسم

لمار تطلع غرفتها وتدخل مسن

لمار
||| LAaAMoOoRRy |||
هاي قيرل لكم عندي خبر بمليووون ريال
لا مو مليون بليوووون

~ِِOيآعيونهـ’’ قوليليـ وش آسوي انا بدونهـ’’Oِ~راجين
ايشش؟؟

|\/ اقترب مني ترا الدنيا فرص/\|
اسرار
خييييير؟؟!!!؟؟

||| LAaAMoOoRRy |||
ريم رجعت اليوم لبيتها


~ِِOيآعيونهـ’’ قوليليـ وش آسوي انا بدونهـ’’Oِ~
كذآبه؟؟!!؟

|\/ اقترب مني ترا الدنيا فرص/\|
باللهي؟؟!!؟


||| LAaAMoOoRRy |||
والله مااكذب بنات ايش فيكم مو مصدقيني
ع العموم انا بروح عندها بعد شويه
تجو؟؟

~ِِOيآعيونهـ’’ قوليليـ وش آسوي انا بدونهـ’’Oِ~
ايوا ايوا انا بجي خلاص

|\/ اقترب مني ترا الدنيا فرص/\|
وانا كمان بجي.. بس على بيتها؟؟؟؟


||| LAaAMoOoRRy |||
ايوا ..يلا بروح اتجهز بباي


|\/ اقترب مني ترا الدنيا فرص/\|
اوك بباي
وانا كمان

~ِِOيآعيونهـ’’ قوليليـ وش آسوي انا بدونهـ’’Oِ~
اوك باي


في بيت بدر
بدر يقوم من النوم :نوف ..نوف
نوف ماترد
بدر: هذي فين راحت؟؟ يانووووف
معقول يكون راحت عند خالتها؟؟؟!!؟
اوووووووووووف اكيد زعلت مني


في بيت ابو سعود الكل كان موجود
البنات كانو بمجلس الحريم
وام سعود وام مازن وام خوله كانو بمجلس الحريم التاني
وابو سعود وابو مازن وابو خوله كانو موجودين بمجلس الرجال
ومازن وماهر ومهران وسعود كانو بالجلسات بالحوش الخلفي

في مجلس الحريم
البنات
خوله: يالله لما قالو عنك وربي خفت عليكي بشكل ماتتصوريه
ريم: ياحياتي انتي
نوف: اصلا البنت هذي جننتنا وربي طلعت روحنا
رولا:مانقدر نستغى عنها
ريم: بس بنات استحي
رولا ونوف وخوله واسرار ولمار وراجين وخالدين: ياعيني
ريم: بسم الله ايش فيهم قمتو عليا كلكم
الكل يضحك
خوله: لمار انتي ماعندك اخوات غيركم؟؟؟
لمار: الا حنا ثلاثه بنات واربعه اولاد
بس كلهم موجودين
مافي غير انا وخالدين
الباقين يدرسو برا
ثلاثه اولاد واحد منهم متزوج والباقين عزاب
خالدين:وتالا تدرس بباريس ياحبيبتي والله وحشتني مانشوفها الا بالإجازات
لمار: تصدقو وحشوني
خالدين: والله مره مهما كان اخواننا
رولا: ياحبيباتي ياعني عايشين بدون اخوان
خالدين: الا واحد بس ايلي في السعوديه هنا في جده بس مانشوفه كثير مع اشغاله
نوف: مو حلوا العيشه بدونهم
ريم: صح احيانا يكونو مارا مزعجينا بس والله مانستغنى عنهم
اسرار: اقول اخلصت الحكاوي ومافي غير حكايه الأخوان
ريم: من عشقنا لهم
البنات:هههههههههههه
ريم: بنات تعرفو نفسي في ايش
البنات بصوت واحد: ارقص
الكل يضحك
ريم: كيف عرفتو؟؟
لمار: ان كان عليا من اول ماعرفتك الكلمه الوحيده الي مستحيل يمر يوم ماتقوليها
رولآ: وانا عايشه معاها وكل شويه مو كل يوم كل شويه اسمعها
نوف: وانا نفس الحكايا
ريم:وجع فيكم ..بس بقوم اشغل الإستريو
راجين: بليييز سويها نبغى نحس انك رجعتيلنا
خالدين: بنات بنات انا بغنيلكم
البنات بصراخ:لااااااااااااااا
خالدين: سوووم
ريم: لا بلييز اانا مو مستغنيه عن اذني
خالدين: لا واللهي
خالدين قامت تروح تضرب ريم
ريم صار تجري وتتخبى ورى البنات: لالا بليييز ولله امزح
البنات :هههههههههههه

في مجلس الحريم
ام خوله: عاد كلو الا فراق العيال هما اغلى شي بالدنيا كلها
ام سعود: انا روحي كانت حتروح فيها لو ريم مارجعتلي
ام مازن: بسم الله على روحك الحمد لله انها رجعت
ام خوله: اصلا مو جنن حياتنا الا عيالنا
ام مازن: اي والله يتعبونا مره انا عندي ريان اخاف عليه اكثر من بدر ونوف عشان هوا لسه صغير ومره معذبني
ام سعود: حتى ليان الله يعيننا بس

في الجلسه عند الشباب
مهران: واول ما جا اخو البنت فرفيره
ماتشوف غير ماهر والشباب يفركو
الكل يضحك
مهران: وربي كانت اشكالنا تضحك
ماهر يضحك: عجبتك انت مره
سعود: والله فله
مازن: هذي آخرة المعاكسات
سعود: وربي انتو يبغالكم زواج
مهران: ياشيخ ارجووك دورلي وحده بس
مازن: والله مافي احلى من الزواج ويكون عندك ولد صغير كدا يملي عليك حياتك وربي حلو
سعود حس بالحزن لأنه افتكر ميرا وانه كان مفروض انه يكون بهالوقت متزوجها
ماهر: ياخبتك ياعم
سعود: غير السيره الله يخليكم
الكل لاحظ زعل سعود
مازن: اقول فين ساري؟؟
سعود: راح الشرقيه عنده شغلات يسويها ويجي
مازن:وانا اقول مو باين الولد
سعود: بس بيجيكم ضيف
مهران وماهر ومازن: مين؟
سعود: بتشوفو

في المجلس
البنات
رولآ: انا شكلي بتوحم على باسكن مشتهيته
ريم: وااااو وربي حتى انا بس انا مو حامل
الكل يضحك
نوف: اجل خلينا نروح
راجين: والله فله يلا
اسرار: بليز بنات يلا
ريم: حمااس طيب يلا
رولآ: مع مين نروح
لمار: بسواقنا
ريم: ماشاء الله مايكفي سيارتكم ان فنتي صغيرا
يادوب ثلاثه بنات
نوف: اجل كيف بنروح والله لو نفحط الشباب مابودونا
ريم تفكر:مممممممممممم
جاتني فكرا وربي ماتخطر على ابليس نفسه
البنات: ايش؟
ريم: باسكن هوا قريب من هنا مو مره بعيد صح؟؟!!
البنات: تقريبا
ريم: خلاص اوكي
ريم تروح
البنات: على فين؟؟؟
ريم تطلع غرفه سعود وتدور في ملابسه

في الجلسه
يرن جوال سعود: ياهلا تعال ادخل لف يمين وتلقانا بالحوش والوراني
؟: اوكي يلا
مهران: مسويلنا حماس يعني
سعود: هوا دا
رجوان: السلام عليكم
الشباب يوقفو يسلمو على رجوان: وعليكم السلام
سعود: شباب هذا رجوان
رجوان هذوله عيال خالاتي
ماهر ومهران ومازن وبدر
ماهر حس بقهر وكان نفسه يضرب رجوان عشان ريم
سعود:هوا دا رجوان الي الين دحين مو قادر اشكره
مازن: من جد الي سويته شي عظيم
رجوان: ياجماعه ايش فيكم انا سويت الي اي واحد ممكن يسويه ماله داعي الشكر ياسعود

في المجلس
ريم تدخل على البنات وهيا لابسه ثوب وشماغ وعقال وكانت متلثمه
البنات كلهم يشهقو
ريم تفتح اللثمه وتضحك
البنات: ياحيوااانه
ريم: ها بس ايش رايكم؟؟
البنات: وااااوز
لمار: اقول ياحلو ممكن لفه ع الكورنيش
البنات:ههههههههه
اسرار تروح عند ريم وتمسك يدها وتلبسها خاتم: قبلتك زوجا
البنات:ههههههههههه
راجين :دوري دوري
راجين تروح عند ريم وتمسكها من كتفها: ايش رايك ياحلو لو نروح مكان مافيه احد؟؟؟
البنات: ياحيواااااااااااانه
هههههههههههههههه
ريم: يلا
البنات:اوووووووووووووووه
ههههههههههههههه
رولآ: وايش الحكايا ليش دا البس؟
ريم ترفع مفاتيح سياره سعود
البنات فهمومها
البنات: ياقويييييييييييييييييييي
ريم تصلح الشماغ: انا ابو الشباب
البنات:ههههههههههههههههه
اسرار وراجين ولمار وخالدين تروحو بالسواق
وانا اخذ نوف ورولا معايا في الكلزلر
رولآ: لااااا اما مو بايعه نفسي
نوف: لا ماتخافي ريم تعرف تسوق قد سوتها الحيوانه في ابحر
البنات:هههههههههههه
ريم:يلا بنات بلا هبل ومجاغه
انا بروح والي تبغى تجي تجي والي ماتبغى في داهيه
رولآ: لالا بجي بجي
البنات:هههههههههه
ريم: بس ماينفع ولد واحد وخمسه بنات
لازم على الأقل وحده فيكم تلبس ثوب
لمار: خلي خالدين تراها عربجيه مره
البنات:ههههههههههه
ريم: يلا خالدين تعالي ويلا بسرعه قبل الحريم لا يفقدونا عشان بعد شويه العشا

انتهو البنات
ولبست خالدين ثوب وغتره وعقال
راجين: ترا مره ماينفع الدلع انتي وهيا اقصد انت وهوا
اسرار: ياويلي لو لوحده تتدلع فيكم
نوف: لا ان كان كذا ريم راح تفضحنا
الكل يضحك
ريم: بنات يلا لا يحطو العشا
رولآ: نطلع من الباب الخلفي الي على الحوش
البنات: يلا

يروحو البنات المطبخ ويفتحو الباب ويطلعو
ويمشو بشويش عشان مافي احد يحس فيهم
ريم: بنات اسمع صوت رجال
نوف: يمكن من المجلس
راجين: الله من المجلس لهنا واصله اصواتهم
ريم: رجال وتوصل اصواتهم للمريخ
البنات:هههههههههه
البنات يمشو لين يوصلو لجلسه الشباب
وماكانو يدرو ان الشباب جالسين في الجلسه
اول مايشوفو الشباب يشهقو
الشباب حسو بصوت بس مافي احد لاحظ شي
البنات وكل وحده ميته رعب: اوووف
ريم: هذولا ايش جابهم هنا
البنات: ان ادري عنك
خالدين: انت قلت لنا مافي احد
ريم: هيييييييييييي انتي اسمها انتي وقلتيلنا انا بنت ولا صدقتي
البنات:ههههههههههه
الشباب سمعو اصوات البنات وصارو يتلفتو
البنات: اسسسس ولا كلمه
ريم بصوت واطي:ما في الا بااب واحد نقدر نطلع منه
الباب الخلفي هذا الي وراكم بس يودي على خلف البيت يعني لازم ناخذ لفه على البيت عشان نروح للسيارات
البنات: المهم نطلع
ريم يلا
يفتحو الباب ويطلعو البنات الشارع
ريم: بنات احس نفسي غلط
البنات:هههههههههه
ريم تروح عند سياره سعود وتركب معاها خالدين جمبها
وورا نوف ورولآ
رولآ: الله يخليكي انا حامل ماابغى اموت
نوف: وانا ابغى اجيب لي كم نونو بعدين اموت
البنات:هههههههههه
ريم تشغل السيارا
سعود يسمع صوت سياره تشتغل
ريم تحرك السيارا: بنات خايفه
البنات: لا الله يخليكي روقي
ريم تحرك وتوصل لنص الطريق وتوقف على جمب وتوقف وراها سيارا لمار
ريم تنزل
والبنات كلهم ينزلو
لمار تروح عند ريم
لمار: خير ايش فيه؟؟
ريم: لا بس بسوي زي الشباب
البنات بعصبيه:ياحيوانه
ريم تضحك
ريم: ابغى احس اني ولد وهما الشباب تلقيهم كذا موقفين عند الرصيف ويتكلمو
البنات بعصبيه: يلاامشي
ريم تضحك: يلا يلا

البارت الـــ 21
عند الإشاره
ريم تعطي ظهرها للباب وتقابل خالدين: ايوا يابو شباب حكيني عن آخرعلاقاتك العاطفيه
خالدين : والله ياخويا ايش بقولك قرف قرف قرف مره
مااشبك مع وحده الا تطير مني مدري ليش حظي كذا
بس هادي البنت الأخيرا طلعت ميه ميه
رولآ ونوف: لا يكون صدقتو انكم شباب
ريم وخالدين:ههههههههههه
ريم :والله بنات الشماغ ضايقني بنزله
ريم تنزل الشماغ والعقال وتحطه ع الطبلون
وتفتح شعرها
ريم: ايوا كذا
كان في واحد ولد صغير يعنيي تقريبا عمره 13 او 14 سنه كان بيشقح السكه ومر من قدام سياره البنات
وشاف ريم وكانت فاتحه شعرها وشكلها باين انها بنت
ريم: بنات شوفو الولد كيف يطالع فيني
البنات: مفجوع ههههههههههه
ريم: مستغرب مره
نوف: اقول البس الشماغ لا تكشفنا
ريم: احلى شي في سياره سعود انها مظلله
خالدين: اقول يابو الشباب الإشاره فتحت متى ناوي تمشي
ريم: والله مدري اشوف
البنات:ههههههههههه
عند باسكن
توقف ريم السياره وتوقف جمبها سيارة لمار
ريم: يلا حلوين انزلو استنوني في الدور الرابع شقه رقم 6
البنات:لاااااااااااااااا
ريم تضحك: خلاص خلاص انزلو يلا
البنات ينزلو
وتنزل ريم وهيا حاسه بخوف

ريم تشوف لمار
ريم: لمووري حبيبي
البنات: اووووووووووس
ريم افتكرت انها ولد دحين مو بنت
البنات يضحكو
ريم : انا قدامكم انا الولد انا وخالدين
راجين: اقول بس اصواتكم تخنوها
ريم بدلع: كذاااا
البنات: لا والله ا نتي بتفضحينا
ريم تضحك
ريم تدخل هيا وخالدين
ريم اول مادخلت: احم احم
الكل طالع فيها حست بخوف وطلعت تاني
البنات دفوها ودخلوها وبصوت واطي: لا تفضحينا
البنات صارو يضحكو على شكل ريم وهيا خايفه
ريم تتخن صوتها: اقول لو سمحت اعطيني من شوكاليت ماوس رويال
ريم: يلا بنات كل وحده تاخذ الي تبغاه
نوف : اقول ريم
البنات:هااااا
نوف نسيت: آ آ اقول سعود هات المفتاح انا خلصت وبرجع السيارا
ريم تدخل يدها بالجيب وتطلع المفتاح: امسكي
خالدين:يلا بنات خلصو
اسرار بصوت واطي تكلم خالدين وريم: وجع انتو ايش فيكم يلا يلا
ريم: هما الشباب كدا يسوو
البنات:ههههههههههه
خالدين وهيا واقفه كان الهندي الي يبيع مستغرب منها لأنه أثر الروج على شفايفها وكانت حاطه مسكرا زرقا
خالدين تطالع في الهندي وتمد لسانها
البنات فطسو ضحك
ريم تكلم خالدين: خالدين بس
البنات:هاااااا
ريم نسيت: خالد بس
البنات يضحكو
خلصو وهماطالعين
تطيح كلبسة ريم على الأرض
ريم بدلع: كلبستييييي وتنزل تجيبها
الكل يطالع فيها
البنات: سعوووود
ريم حست ان الكل يطالع فيها
ريم تتخن صوتها وتطالع في الشباب: كلبسه اخويا لالا كلبسه اختي ايوا اختي
ريم تطلع بسرعه والشباب مستغربين
ريم في الشارع بصراخ: اانا ماانفع ولد
الشباب الي في الشارع كلهم يطالعو في ريم
ريم حست بإحراج
ريم على طول دخلت السيارة وكل البنات فاطسين ضحك

نوف: يامجنونه كنتي راح تفظحينا
رولآ تقلد صوت ريم: كلبستي
الكل يضحك
ريم تشغل السياه وتحرك

عند البيت نزلو البنات بس صادفهم رجوان وهما راحين للباب الخلفي
وصادف رجوان في وجهه ريم
ريم بصدمه: رجوان
البنات شهقو
ريم اتلثمت بالشماغ
رجوان يشيل الشماغ من على وجه ريم: انتي ريم؟؟

/\|أهديتك قلبي وروحي
وبين ظلوعي اسكنتك
ورسمت معك احلامي
و وعــــــودي
/\|

ريم :هاا
البنات يضحكو بشويش
رجوان: الا انتي ريم ايش مسويه في نفسك يابنت
ريم: ها لالا
رجوان: ريم ايش فيكي؟؟
ريم: رجوان انت ايش جابك
رجوان يضحك: في احد يقول انت ايش جابك.. ماعليه اخوكي عزمني اليوم عندكم
ولا ماتبغيني
ريم: ايش ماابغاك انا مو مصدقه انك هنا وانت قدامي كمان
رجوان: قوليلي دحين انتي ليش مسويه كذا
ريم: رجوان
رجوان: ياعيونه
البنات بصوت واطي ياعيني ويضحكو
ريم انحرجت: خلاص خلاص
رجوان يبتسم
رجوان: اقول ريم ممكن رقم جوالك .. عشا نتواصل بس او ايميلك
ريم كانت بتقول نفس الكلام الي قاله رجوان
ريم بترردد ومع نفسها: لازم اوافق لازم اوافق
ريم: ايوا ممكن
البنات بصوت واطي: روميو وجلييت ههههههه
يسجل رجوان الرقم وتسجل ريم الرقم
ريم: بروح قبل لا يجي سعود ويشوفني ولما اكلمك اقول ايش صار يلا باي
رجوان: باي حبيبتي
البنات يصرخو لما سمعو رجوان قال حبيبتي
رجوان انتبه للبنات انهم ورا ريم
رجوان يكلم ريم: هذوله من متى وهما هنا؟؟
ريم تلتفت: مين هذول؟؟
البنات :ههههههههه نسيتينا
ريم:آآآآآ
ريم تضحك
رجوان يبتسم
ريم: يلا بنات والله بنتفضح يلا رجوان باي

ريم والبنات يروحو للباب الخلفي ويدخلو البيت
اول مادخلو ريم رمت نفسها على البنات :آآآآآآآآآه يارب ارحمني
البنات:هههههههههه
نوف: هوا دا رجوان؟؟
رولا: هوا دا الحبيب؟؟
نوف: لالا قولو هوادا العشيق؟؟
البنات:ههههههههه
ريم : يلا عادا انتي وهيا
خالدين: لمار ماحسيتي فيه شي غريب
لمار تفكري في الي افكر فيه
ريم: ايش عندم انتي وهيا؟؟
خالدين: لا بس فيه شبه من اخويا
لمار: سبحان الله مره وكمان مع الضلام اصلا مومره شفته بس فيه لمحه منه
ريم: اهاااا
بس حلو صح
البنات: يجنننننن
ريم بصراخ: هيييييييييييي انتي وهيا
لا اسمع الكلمه دي تاني مره
البنات: باللهي
ريم تضحك

ريم تطالع في البنات: عارفين مين ناقص وتكلم فرحتي
البنات: مين؟
ريم بحزن: ميرا
نوف: كنت حاسه انك بتقولي ميرا
لمار: يالله اموت واشوف دي البنت

ام سعود: يابنات يابنات يلا تعالو العشا
ريم: خبوني خبوني ماما لا تشوفني
البنات يضحكو على شكل ريم وهيا خايفه

الساعه 2 بعد نص الليل
في بيت رجوان
رجوان يدور ويلف ويتذكر ريم في كل ركن وفي كل غرفه
يتذكرها وهيا تضحك وهيا تبكي وهيا تبتسم

في غرفه رجوان
رجوان يمسك الجوال

في غرفه ريم
ريم كانت ماسكه الدبدوب وتروح وتجي في الغرفه وهيا تفكر في رجوان
كيف كانت ايامهم سوا واللحظات الحلوا والمواقف الحلوا
ريم تمسك جوالها
الا فجأه يرن جوالها وهوا في يدها
وكان المتصل ((فارس احلامي))ريم كانت مسجله رقم رجوان بهذا الإسم

ريم ارتبكت بالأول
بعدين ردت
ريم وبصوت حنون ونعوم:آلو

/|\
لآجاني صدى صوتك مدري وش يجيني
احس اني .. واني واني وربي موعارف اوصف احساسي
لاجاني صدى صوتك اشوف الحب يحتويني
واحسك معاي واقرب من انفاسي
/\|

رجوان يبتسم: ياهلا بالحب كله
ريم استحت
رجوان: عسى ماازعجتك تكوني نايمه او شي؟؟!!
ريم: لالا بالعكس انا صاحيه مو جايلي نوم
رجوان: ولا انا؟؟
ريم ساكته
رجوان: موقادر انام وانتي بعيده عني
ريم: نفس الشي انا
رجوان يبتسم
رجوان:قوليلي ايش كنتي مسويه اليوم بنفسك
ريم تضحك بدلع
ريم: اسمع ياسيدي
ريم تقول لرجوان الي صار


الصباح الساعه 6:30
يرن جوال ريم
على نغمة عادل محمود

/\ اوعدني عني ماتغيب..تبقى هنا جمبي قربي ..محتاج انا مثلك حبيب يفهم عيوني وضحكتي/\|

ريم: آلو
رجوان: نايمه
ريم كانت في البلكونه تشرب قهوه: انت تعرف اني احب هذا الوقت وماانام الا بعد الشروق
رجوان: مو عشان كذا متصل
ريم: وانت نفس الحاله صح؟!
رجوان يبتسم: صح؟!؟
رجوان بعد صمت:بقولك شي بس ياريت تفهميني
ريم: قول؟؟!!؟
رجوان بتردد: لو .. لو يعني.. لو جيت وخطبتك بتوافقي

لوجآء و خطبني ~

تـ ك ـفوووون لآ تردونــہ يا يُمــہ ...

آنآ [ ابـيــــہ ]

قولـي ( تـم )

لآ تخلين العُمر يمشي ألـم { يا يُمــہ !

قولوا ( تـم )

تـرىـآ روح ـي فيــہ !

ريم حست بصدمه وخوف وارتباك وموعارفه ايش تقول
رجوان: ريم
ريم ساكته
رجوان: ريم فين رحتي؟
ريم: ها
رجوان: بتوافقي ولا لأ؟؟!!؟
ريم: رجوان انا مو مستوعبه
رجوان: ابغاكي تشاركيني الباقي من حياتي
تقبلي؟؟!!!؟
ريم بعد صمت وحيره وتردد: رجوان انت حلمي الوحيد واكيد ماراح ارفض
رجوان: يعني موافقه
ريم مستحيه تقولها
رجوان: قوليها ريم
ريم: موافقه
رجوان مو مصدق: قولتيها ..قولتيها صح ؟؟ مومصدق اذني قوليها تاني
ريم تبتسم بخجل: موافقه يارجوان
رجوان: الله ياريت قلتيها من اول كان ريحتي بالي ياشيخه
ريم تبتسم وحاسه بخجل
رجوان: خلاص بكلم اخوكي اول
ريم: الي تشوفه
ريم تبتسم
رجوان يبتسم
رجوان: دحين اقدر انام وارتاح واخر صوت بنام عليه صوتك
ريم: اجل انا كمان بنام على صوتك
عشان تكون احلى نومه
رجوان: بس مايهون اسكر الخط نفسي اسمع صوتك على طول
ريم تضحك ضحكه خفيفه: بس انا ابغى انام
يلا تصبح على خير
رجوان: وانتي من اهله بس على فكرا احنا دحين صبح يعني تمسي مو تصبح
ريم ورجوان:ههههههههه
رجوان: اوك يلا باي حبيبتي
ريم: بايات
ريم تحضن الجوال وتنسدح وتنام
رجوان يحط الجوال جمبه وينسدح وينام

في بيت ابو مازن في غرفه نوف
نوف كانت نايمه
ويرن جوالها والمتصل بدر
نوف تشوف الجوال وماترد
كانت قاصده عشان زعلانه من بدر لما نام وماوداها
كل شويه يرن الجوال وهيا ماترد
المره الأخيرا طفشت ومره عصبت لأنها تبغى تنام
نوف بعصبيه: ابغى انام مو شايف الساعه كم
بدر: نوف ليش ماتردي من البارح وانا اتصل كذا رحتي عند اهلك ماجيتي معايا البيت
نوف: واللهي اذا كنت خايف عليا كنت وديتني بنفسك لبيت خالتي
وخلي الكلام بعدين ابغى انام دحين
نوف تسكر الخط بوجه بدر
بدر: والله زعلانه بقوووه دي
يلا الظهر اروح عندها بعد ماتصحى خليني اروح الدوام دحين

تآآآبع

نوف تسكر الخط بوجه بدر
بدر: والله زعلانه بقوووه دي
يلا الظهر اروح عندها بعد ماتصحى خليني اروح الدوام دحين
نوف: خليك احسن عشان تعرف قيمتي
روح الدوام من غير فطور احسن
نوف تكمل نوم

في بيت لمار
لمار كانت طالعه من الحمام آخده شور

وكانت تغني:انا ولا عارف انا مالي ولا ايه الي جرالي بحبك ياحبيبي بحبك واتجنن عليك

وفجأة تلقى قدامها واحد

لمار تشهق من الفجعه
لمار تطالع فيه: لااا مو معقول لا مو مصدقه انت قتيبه
من جد انت قدامي ولا انا اتخيل

قتيبه يضحك وبصوت عالي :يامجنونه وحشتيني
لمار تجري وتحضن قتيبه

قتيبه اخو لمار وخالدين الي يدرس بكندا وعمره 22
لمار: يالله وحشتني قتيبه مره اتغيرت
قتيبه: وانت يابنت احلويتي ماشاء الله وربي وحشتني السعوديه ووحشتني جده ووحشني بيتي واخاوتي واخواني
امي وابويا فينهم
لمار: ماما نايمه وبابا كالعاده من دوله لدوله مايخلص من اشغاله بابا
طمني انت كيفك وكيف كندا وكيف دراستك
قتيبه: ايش بقول بس ياشيخه جنااان بس
لمار: يالله قتيبه ماما وخالدين ماراح يصدقو انك جيت
لمار تمسك يد قتيبه وتجره وتجري
قتيبه: يابنت بشويش
لمار تروح غرفه امها وتفتح الباب : ماما ماما ماما
ام لمار تقوم : حسبيا الله علىابليسك ايش تبغي
ام لمار تشوف قتيبه وهي مصدومه
قتيبه يروح يحضن امه: وحشتيني ياحرمه
ام لمار مازالت مصدومه وتطالع في قتيبه
قتيبه يطالع في لمار: هادي ايش فيها
لمار تضحك: ماما هاذا قتيبه جا اليوم من كندا
ام لمار: قتيبه قتبيه
لمار: ايوا ماما اشبك؟؟
قتيبه يضحك
ام لمار: اكيد اكيد
لمار وقتيبه يضحكو
ام لمار تحضن قتيبه: ياحبيبي ياكلب وحشتني
قتيبه: استوعبتي اخيرا
ام لمار: يالله مو مصدقه عمري انت هنا عندي وفي حضني

لمار بروح اقول لخالدين

قتيبه بيوس يد امه: الله لا يحرمني منك من جد فقدت حنانك عشان كذا جيتك
ام لمار: ياحبيبي ماتتصور كيف كان يعورني بعادك
الحمد لله انك رجعتلي بالسلامه

تدخل خالدين وبصراخ: قتيبه مو معقول
قتيبه يروح يحضن اخته: وحشتيني يابت
خالدين: ياكلب ياحيوان مره طولت علينا
قتيبه: حسبيا الله على لسانك
الكل يضحك
قتيبه: امي ماشاء الله بناتك محلوين صايرين احلى من بنات كندا
خالدين ولمار يرمشو
قتيبه يضحك
قتيبه: يالله ياامي ولهاااان على طبخك ارجوووكي اطبخيلي اكل سعودي
طفشت من اكلهم هناك خلاص
ام لمار: من عيوني حبيبي دحين اقوم
خالدين: شايفين الساعه كم يعني صباح مو وقت غدا
ام لمار: بقوم لو كان اخر الليل هذا قتيبه هذا عيوني
خالدين ولمار: ياعيونها انت
قتيبه يضحك
لمار تروح عند اخوها: آآآآخ والله وحشتنا ياواد
لمار تضرب قتيبه على فخذه: فييينك من زمااان وحشتني هبالتك
قتيبه: انتي ماتبطلي هبل ليش تضربيني على فخذي؟؟
لمار حست بإحراج وخدودها حمرت
خالدين وقتيبه يضحكو
قتيبه: كنت قاصدها عشان ابغى خدودك تحمر
لمار تضرب قتيبه على راسه: يانذل

في بيت ماهر
ماهر يكلم نفسه: ريم مره زودتها معايا
البنت ولا طايقتني
احس اني نار على قلبها ابدا حتى ماتجاملني
ليش بس انا الي احبها بس ماراح اتنازل عن حبي لها
وبوقف بطريق اي احد انتي تحبيه غيري لو نهايته بيدي
رجوان او غيره انا حاسس ان بينهم شي
لكن والله مابتركك يارجوان تاخذ ريم مني
ريم ليا انا بتشوف

في غرفه ريم
يرن جوالها
ريم وفيها نوم: يووه ياربي قلق قلق
ريم تشوف الجوال: اوووف وجع وجع وجع هذا ايش يبغي
ريم ماتفتح الخط
ويرجع يدق تاني
ريم: خليني احطه ع الصامت مارا قلق
يرسل رساله:ماتبغي تردي وادري قاصده
بس كنت بقولك اني اعرف ايش بينك وبين رجوان ياحلوا
باي
ريم تشهق وبفجعه: الحقييير
هادا ايش دراه؟؟ مااعتقد يمكن يخمن عشان يبغاني اقوله
طق موووت قهر ماراح افرحه

ريم ترسله لماهر:
طقققق موووووووووووت

ماهر يشوف الرساله
ويعصب وينقهر
ويرمي الجوال على السرير

ريم تشوف الساعه.. 12:30 الظهر
ريم: عكر مزاجي اووف
ريم تقوم من السرير وجايه تفتح الباب عشان تطلع
افتكرت شي
ورجعت اخذت جوالها
ريم: ادق ولا لأ؟؟!!؟؟
يمكن نايم؟!!؟
خليني ادق والي يصير يصير
ريم تدق على رجوان

يرن جوال رجوان على نغمة تامر حسني

/|\ قرب كمان من حضني وحس بالي بحس بيه
دنا من زمان مستني اعيش وياك اللحظه دي
حبيبي قول بحبك وانا اقولها معاك/\|

رجوان يقوم من النوم ويشوف المتصل ((دلوعتي))هذا اسم ريم في جوال رجوان

رجوان يبتسم: احلى مسا
ريم تبتسم: مسا الورد
رجوان:مسا الجوري
ريم: كيفك؟؟ ايش اخبارك؟؟
رجوان: اكييد بخير مادام اني اكلمك
ريم: عسى ماازعجتك؟؟ انت نايم؟؟
رجوان: لالا لا ازعاج ولا شي لو نايم اصحى لك ولو مشغول افضى لك
ريم تجلس على كرسي التسريحه: حبيت اسمع صوتك من اول مااصحى
رجوان: احلى شي لما تنام على صوت حبيبك وتصحى على صوت حبيبك
يملكك احساس حلو
ريم تبتسم



العصر في بيت ابومازن
يرن الجرس
ويدخل بدر ويدخل الصاله
تكون نوف وريان وابو مازن وام مازن موجودين

بدر: السلام عليكم
نوف تلف وجهها عن بدر
بدر كان مره متضايق
ابو مازن وام مازن: وعليكم السلام
نوف لاحظت ان بدر متضايق
بدر يطالع فيهم
نوف حست بخوف
بدر: انا رايح لندن
نوف بفجعه: ليش بدر
بدر بحزن: ميرا
بدر نزلت دمعته
نوف حطت يدها على فمها
ام مازن بخوف: ايش فيها؟؟
بدر:اعطتنا عمرها
نوف :لااااااااااا لااااا مو معقول لااااا ميرا لاااااا
نوف تبكي: لااااا ياحياتي لااا
بدر يروح عند نوف:هذا عمرها يانوف لا تسوي كذا
بدر يحضن نوف
ام مازن وابو مازن: انا لله وانا اليه راجعون
نوف: لا ياربي لا ليش حراام ميرا لا
بدر: نوف لا تقولي كذا ماصير هذا قضاء الله
نوف : ريم.. ريم ايش بتسوي ايش بيصيرفيها.. حتروح فيها لو عرفت
بدر ماهمته ريم

في بيت مازن
يرن جوال رولآ
رولآ وهيا في الطبخ تفتح الخط: هلا نوفا
نوف وهيا تبكي مو قادرا تتكلم
رولآ انفجعت :نوف ايش فيكي حبيبتي؟؟
نوف تبكي مو قادرا تتكلم
رولآ: لا تفجعيني ايش فيكي
نوف وصوتها مبحوح:ميرا ماتت يارو لا ماتت
رولآ انفجعت وبخرخه: لاااااااااا
مازن انفجع جا يجري من الصاله للمطبخ: رولآ ايش فيه؟؟
رولآ: مازن ميرا مااتت يامازن
مازن بحزن: انا لله وانا اليه ر اجعون
نوف: آآآه يارولآ
رولآ: يالله يانوف مو مصدقه مومعقول ميرا لا
مازن يقرب من رولآ ويمسح على ظهرها
نوف:انا خايفه على ريم يارولا خايفه عليها
رولآ: ياحياتي الله يستر ميرا كانت اغلى انسانه بحياتها
نوف تبكي

في بيت ابو سعود
ريم تروح لغرفه سعود وتدق الباب

طق طق طق

سعود: تعالي
ريم: اهلييييييين
سعود: اهلا بالورد كله
ريم: ايش مسوي في دنيتك ياواد؟؟
سعود يبتسم: ماشي ولله الحمد انتي قوللي ايش مسويه؟؟
ريم: انا طفشااانه ابغى ادشر ابغى اصيع
سعود:حسبيا الله على ابليسك ماتطفشي من الطلعات
ريم: لا
سعود: طيب يعني؟؟
ريم: يعني طلعني اليوم
سعود: هوا اليوم ماعندي شي بس مافي طلعه
ريم: سعووووووووود
سعود يضحك: نذاله
ريم: الله يخليك سعود الله يخليك
سعود: اترجيني كمان
ريم تضرب سعود في بطنه: يانذل
سعو يمسك بطنه:آآآآآي.. خلاص خلاص بطلعك
سعود وريم:هههههههههههه
ريم: بس بقول للبنات يجو معانا
سعود: الله
ريم: بليييز
سعود: مشكلتي اني مااقدر اقاوم
ريم تبتسم: يعني اوكي
سعود يبتسم: اوكي
ريم :آآآآ الله يخليك ليا ولا يحرمني منك
ريم تجري لغرفتها
سعود يضحك: ولا منك يامرجوجه

ريم تروح تاخذ جوالها وتدق على لمار
ريم: ليش مقفله جوالها
ريم تروح تجلس ع النت وتفتح المسن وتلقا ها متصله

ريم
يوم شفته طآح/\ كآآآآآآآآآآآآسي/\فدوته اهلي وناسي

هاي لموري كيفك يابطريقا

||| LAaAMoOoRRy |||
هايات ياحلوا انا تمام وانتي؟

يوم شفته طآح/\ كآآآآآآآآآآآآسي/\فدوته اهلي وناسي
تمام اسمعي بنت
اليوم بطلع مع سعود تعالي انتي وباقي افراد شلتك خلينا نصيع شويه

يوم شفته طآح/\ كآآآآآآآآآآآآسي/\فدوته اهلي وناسي
اليوم اخويا قتيبه جا من كندا تخيلي وربي مو مصدقه مره وحشني


يوم شفته طآح/\ كآآآآآآآآآآآآسي/\فدوته اهلي وناسي
ماشاء الله.. الحمد لله على سلامته
طيب ها ايش قولتي

||| LAaAMoOoRRy |||
انتي تعرفيني مااقول لأ لطلعه بس اشوف الأوضاع واقولك بس ماقلتي على فين

يوم شفته طآح/\ كآآآآآآآآآآآآسي/\فدوته اهلي وناسي
مدري بس افكر لو وافقتو تجو معايا
احنا عندنا كبينه نروح فيها

||| LAaAMoOoRRy |||
وااااو كبينه ..رجولي على رجولك looool

يوم شفته طآح/\ كآآآآآآآآآآآآسي/\فدوته اهلي وناسي
LoooooooooL خلاص شوفي وقوليلي


||| LAaAMoOoRRy |||
خلاص اوك برب

يوم شفته طآح/\ كآآآآآآآآآآآآسي/\فدوته اهلي وناسي
اوكي تيت

البارت الـ 22

في بيت ابو مازن
ام سعود: لا مومعقول يالله
انا لله وانا اليه راجعون
ام مازن:يالله يارانيا نوف حالتها حاله
ام سعود: انا ايش اسوي لو ريم دريت والله تروح فيها
ياقلبي على بنتي كيف راح تستحمل
ام مازن: لا تقوليلها
ام سعود: مستحيل اقولها والله تروح فيها
ام مازن: تعالي شوفي نوف حبيبتي الله يعينهم بس
ام سعود: يالله يارانا مومصدقه
ميرا مااتت والله مو مصدقه
ام مازن: كل شي بأمر الله

يدق الباب

طق طق طق

ام سعود: اظن ريم تدق الباب مابغى احسسها بشي اكلمك بعدين
ام سعود: الباب مفتوح
"يدخل سعود"
ام سعود: اهلا
سعود: هلا بأحلى أم
ام سعود:خير عندك شي؟
سعود: لا ماعندي بس كنت مار وسمعتك بالصدفه تقولي انا لله وانا اليه راجعون خير انشاء الله
ام سعود ارتبكت: ها.. لالا بس هذي خالتك بتقول ان جارتها ماتت
سعود: الله يرحمها
ام سعود: الله يرحمها
تدخل ليان وماسكه دبدوبها : مامي وثعود
ليان تشهق: فين نيم
ام سعود وسعود يبتسمو
سعود: اتمنى اسمع اسمي منك صح
ليان: تيب انا اقوله ثح اثمع اثمع
ليان تعد على اصابعها: ثعود ثعود ثعود ثعود
سعود: بس بس بس
ليان: شفت كيف قلت اثمك ثح
ام سعود وسعود يضحكو
تدخل ريم الغرفه: ايش عندكم تضحكو من غيري
ليان تروح تحضن ريم:نيييييم حبيبي
ريم: ياروح نيم انتي
سعود: يابنت قلتي لماما انك بتطلعي
ريم: لأ بس دحين بقولها
ام سعود: طلعه تاني؟؟
ريم بدلع:مااامي بليييز انا بروح مع سعود
ليان: وانا ونا وانا
سعود: كملت
ام سعود: على فين انشاء الله
ريم: بنروح الكبينه يلا يدك على المفتاح
"ريم تمد يدها"
ام سعود تضرب ريم على يدها:مافي طلعاتك كثرت
ريم بدلع: ماااااااااامييييي بليييز بلييز مامي
ليان تقلد ريم: ماااااامي بليييز بليييز ماامي
سعود يقلد اصوات ليان وريم بدلع: مااااامي بلييز مامي خليهم يروحو
"الكل يضحك"
ام سعود: واكيييد لمار معاكي
ريم: اكييييد وباخذ نوف ورولا
ام سعود افتكرت ان نوف تعبانه نفسيا من خبر ميرا
وعبست وجهها ونزلت راسها
ريم وسعود لاحظو
ريم: ماما ايش فيكي؟؟
ام سعود: لا مافيني شي بس صداع يمكن من قله النوم
سعود: طيب ارتاحي امي
ام سعود تقوم تعطي ريم مفتاح الكبينه
ريم: ماما ماراح اطلع من البيت الا اذا كنتي تمام
ام سعود: انا تمام
سعود: ابويا متى بيجي عشان ماتجلسي لوحدك
يدخل ابو سعود: ماشاء الله العيله كلها في غرفتي
ليان تروح عند ابوها: بابا
ابو سعود: فديت عيون بابا
ريم تروح تسلم على ابوها: اهلين دادي
ابو سعود:اهلا بالسندريلا
سعود يسلم على ابوه: مرحبا ويا هلا والله بالعزيز الغالي
ابو سعود:ايش عندك ياواد صاير مغزلجي مره
سعود وريم وابو سعود يضحكو والكل لاحظ ضيقه ام سعود


في بيت لمار
في غرفه قتيبه: يلا قتيبه بليييييييييز من زمان عن الطلعه معاك يلا قوم معانا
خالدين:الله يخليك قتيبه اطلع معانا وربي حلوا الطلعه معاك يلاااا
قتيبه وهو منسدح على السرير لسه صاحي من النوم
قتيبه: يابنات حرام عليكم اليوم واصل من السفر تعبان وحالتي حاله
خالدين ولمار بدلع: قتيبه يلا
قتيبه:يالله منكم
لمار: ها خلاص
قتيبه: عندكم السواق روحو معاه
خالدين: احنا نبغى نطلع معاك والله اشتقنا للطلعات الي معاك
قتيبه يبتسم ويحط اغلمخده على وجهه: ادري ماتستغنو عني
لمار وخالدين: ايوا مانستغني بس يلا
قتيبه : خلاص ماشي كم اخت انا عندي هما اثنين الله لا يحرمني منهم
خالدين ولمار بفرح:آآآمين ولا منك
لمار تفتح دولاب ملابس قتيبه: يلا يلا قوم البس يلا
قتيبه: طيب بس بشرط
لمار: آمر
قتيبه: طلعيلي ملابس على ذوقك
لمار: بس كذا .. ياشيخ من عيوني
قتيبه يبتسم


في بيت ابو سعود
ليان تبكي في غرفه سعود
سعود: لا مو جايه
ليان: الا بجي بجي بجي
تدخل ريم: حرام عليك سعود لا تعاندها
ريم تشيل ليان وتحضنها: بس حبيبي بس
ليان: خديني معاكي الله يخليك واللهي تفشت لوحدي
ريم: آخدك معايا حبيبي ماعليكي من سعود يلا تعالي البسي
ريم تكلم سعود: حرام عليك ياسعود
سعود يضحك: وربي شكلها حلو لما تبكي
ريم: ياشرير
ليان تقلد ريم:ياشرير
ريم تاخد ليان وتروح تلبسها
سعود يضحك ويفتح دولاب ملابسه ويدور ملابس يلبسها

في غرفه ريم
ريم: ياحياتي انتي معليش يلا خلاص لا تبكي هوا كان يمزح معاكي
ليان: مو حلو مزحو
ريم تضحك
ريم: ماحد يقول لأخوه الكبير كذا قولي وِحِش بس
ليان: ايوا ثعود وحِش مره
ريم طيب يلا نلبس
ليان تبتسم: يلا يلا

ريم وهيا تلبس ليان سرحت في رجوان
ريم في نفسها: وحشتني مره متى اشوفك واكحل عيوني
"علقت البلوزه برقبه ليان"
ليان تصرخ: آآآي نيم آآآي

ريم كانت سرحانه
سعود يسمع صوت ليان وام سعود تسمع صوتها
يدخل سعود ويلقى ريم سرحانه وليان تصرخ
سعود: ريم
"ريم سرحانه"
ام سعود تروح تشيل البلوزة من على رقبة ليان: ريم انتي ايش فيكي؟؟

ريم تستوعب: هاااااااا
سعود: ايش ها كنتي راح تخنقي البنت
ريم: هاا
ام سعود: ريم ايش فيكي مو على بعضك؟؟
سعود:مين دا الي اخد عقلك لدرجه انك كنتي بتخنقي البنت؟
ريم ارتبكت وحطت يدها على رقبتها وتلعب بشعرها
ام سعود تطالع في ريم ولاحظت ارتباكها
ام سعود: كملي لبس انتي وتعالي ليان انا البسك
ام سعود تاخد ليان وتطلع
سعود يطالع في ريم
وريم منزله راسها وتلعب بشعرها

سعود يروح غرفته

ريم تروح تقفل الباب
ريم: يووه انا ايش فيني صرت افكر فيه كثير واسرح فيه
بدأو يلاحظوني يووه
"ريم تروح تغير ملابسها وترجع تدق على نوف"
ريم: الو
نوف وصوتها مبحوح: ايوا ريم
ريم حست من صوت نوف انها زعلانه وتبكي
ريم: نوف ايش فيه صوتك مبحوح؟
نوف: لا بس انا نايمه
ريم: اها كنك تبكي فجعتيني
نوف: لالا
ريم: طيب ها جهزي يلا نمشي؟
نوف: لا ريم معليش قلت لك مالي نفس سامحيني
ريم: ليش يانوف انتي تعرفي مااطلع من غيرك
نوف وهيا تحاول انه تحبس دموعها: والله تعبانه مدري ايش فيني بس انام وحاسه بتعب
ريم: لا يكون حامل يابنت
نوف ودمعاتها على خدها تضحك ضحكه خفيفه عشان ماتحسس ريم: لا يابنت مااعتقد
ريم: طيب على راحتك بس برضو زعلانه منك
نوف: ريم لاتزعلي بس صدقيني تعبانه
ريم: سلامتك حياتي بس حتفوتك الطلعه وربي ..يلا ماعليه اشوفك بعدين باي ياوحشه
نوف: باي

ريم: حيوانه وربي نذله هادي البنت وجع
خليني اشوف رولآ
ريم تدق على رولآ
ريم: الو
رولآ وصوتها مبحوح من االبكا: الو ريم
ريم: انتي كمان نايمه ولا ايش حكايتك انتي ونوف؟؟
رولآ: ها.. ايوا نايمه تعبانه
ريم: برضو انتي كمان نايمه وتعبانه انتو متفقين ولا ايش؟
رولآ: متفقين على ايش لالا
ريم: طيب ايش قلتي راح تجي ولا لأ
رولآ: لا مااقدر احس بتعب وظهري بينكسر بروح الدكتور اكشف على الي في بطني
ريم: ايوا اتحججي
رولآ: لا حبيبتي مااتحجج والله
ريم: طيب اوكي باي

ريم سكرت الخط: هذول ليش بيتهربو مني ولا يكون من جد تعبانين

في الكبينه
وقف سعود سيارته بالكراش ووقفت سيارة قتيبه عند الباب
ينزل سعود وتنزل ريم وليان

وتنزل لمار وخالدين وقتيبه
سعود: السلام عليكم
قتيبه: وعليكم السلام
ريم تطالع في قتيبه بصدمه ودهشه
لمار: قتيبه اخويا
سعود: اتشرفت انا سعود ويأشر على ريم : اخوها
قتيبه: اتشرفت
سعود: يلا اتفضلو
ريم تاخذ لمار وخالدين وتطلع لغرفتها
ريم: فين اسرار وراجين؟
لمار: دحين جايين
ريم: بتعيشو حياتكم هنا
خالدين: الكبينه حلوا ماشاء الله
ريم تنزل عبايتها وتطلع البلكونه
ريم بفرح: الله بنات الجو مااراا حلوووو والبحر يجنن الجو مارا رومنسي
ريم تسرح في رجوان
لمار وخالدين يطالعو في بعض
لمار: خير انشاء الله هوا رجوان حضر
خالدين ولمار:ههههههههههه
ريم تضرب لمار في بطنها: ياحيوانه
لمار: آآآي بطني
ريم وخالدين:هههههههههههه
ريم: نستنى البنات وبعدين اخذكم ونروح السقاله
خالدين: خير البرعاجله يلا دحين
ريم: هوا انا بقولك تعالي نتزوج بنروح السقاله يابنت
ريم ولمار وخالدين:ههههههههههههه
يرن جوال ريم المتصل سعود
ريم: ايوا سعود
سعود: انزلي دخلي صاحباتك جو
ريم: اوكي خلاص
ريم تاخذ عبايتها: يلا بنات اسرار وراجين جو امشو ننزل ونروح مره وحده
لمار وخالدين: اوكي يلا

عند الباب
ريم تسلم على راجين واسرار: اهليين قيرلز كيفك؟ شواخباركم؟ ايش مسوين؟
راجين واسرار: تمام الحمد لله وانتي؟
ريم: تمام
لمار وخالدين يسلمو على راجين واسرار
ريم : يلا يلا بنات خلينا نروح
اسرار وراجين: على فين؟
ريم: بنروح السقاله
اسرار: يابنت طيب شويه
ريم: لالا مافي وقت يلا
البنات: مرجووجه وربي
راجين: بنروح مشي؟
ريم: احلى من السيارا خلي سعود مع قتيبه
لمار: والله فله بنات خلينا نمشي احسن
راجين: يلا
وهما في الطريق تمر سياره شباب وتوقف عند البنات
واحد من الشباب: حمودي انا كني شايف القمر ماشي عندنا
واحد ثاني: والله انا شايف قمر ومعاه نجوم
واحد ثالث:انا موشايف غير نور مو قادر افتح عيوني النور مره قوي
ريم تإستهزآء: لا واللهي
الشبآب بصوت عالي: ايووااااااااااا"ويضحكو"
خالدين: لاتلعب معانا يابابا
واحد من الشباب: اوكي ياجدي
الشباب:ههههههههههه
خالدين: جدي في عينك
ريم تمسكه من بلوزته وهوا في السيارا الي جالس يسوق: شوف وربي لوما رحت من هنا انت والقرود الي معاك بتشوف شي ماقد شفته
واحد من الشباب: ههههههههه ايش بشوف
ريم: واللهي طيب..
ريم تنادي: سعووود ياسعود
واحد من الشباب: خلاص خلاص حرك يابو الشباب مافي فايده منهم
يحركو سيارتهم ويروحو
البنات يكلمو ريم: ياقوييي
ريم والبنات:ههههههههههههههههه
في الكبينه

قتيبه: بس مهما لفيت العالم كلها مافي احلى من جده
سعود: اكيد جده تغنيك عن العالم كله
قتيبه:والأهل برضو يعني لما كنت في كندا ماحسيت انو في احد مهتم فيني اكثر ماحسيت بإهتمام اهلي في جده
سعود: الله لايحرمك منهم
قتيبه: سعود انت ليش مااتزوجت ؟؟ ماشاء الله متوظف ومنصب والف بنت تتمناك
سعود بنره حزن: النصيب
خطبت وماحصل نصيب
قتيبه: ع الحب؟
سعود: ايوا
قتيبه: يالله كلو الا الحب الله لا يبليني فيه
سعود: الحب حلو بس الفراق مو حلو
قتيبه: قدرت تصبر
سعود: انا لدحين موقادر اتزوج والسبب هيا لسه حاسس بأمل اني برجعلها
بس مدري ايش يمنعني
انا عمري مانسيتها ولا بنساها
قتيبه: يعني لسه مخلص
سعود: بس مدري اذا كانت هيا مخلصة او لا

في السقاله
ريم تحط يدها على خدها بين فمها عشان يعلى صوتها: حماااااااااااااس
ليان تسوي زيها
البنات: بس يابنت
ريم تضحك
خالدين: ولا حتى القزمه تسوي زيها بغبغان
راجين: مجنونه وربي مجنونه
لمار: شوفي الناس كيف يطالعو فينا
ريم تضحك
اسرار:ولا همها
ريم: ابغى احس بالفرح ابغى احس بالدشره
ليان:ايوا دشره
البنات: دخيييييلك ههههههههههههه
خالدين:طيب تعالو نشرب كوفي
البنات: يلا
ريم بصوت عالي: لآآ اقول ابغى احس بالدشره بالصياعه
لمار تمسك ريم من خصرها وتدفها: يلا يلا بس اسكتي
ريم والبنات يدفوها للكوفي وبدلع:بنات لآآآآآآ

يشوفها واحد من الشباب ويقول بدلع ويقلدها: بنات لآآآآ حرام عليكم اتركوها
خالدين: مال اهلك داعي
الشاب: افاااا ليش كذا؟؟
خالدين: مزآج
ريم تضحك: احسن اخذت على راسك
البنات:ههههههههههه

يروحو البنات يجلسو على الطاوله ويطلبو
ريم: بنات ماتحسو اننا زودناها شويه مع الشباب
اسرار: كيف يعني؟
ريم: يعني مابنعطيهم وجه حراام يحزنو
البنات بصوت واحد: نعم يختي!!
ريم تضحك
لمار: لا ريم اليوم فيها شي مو طبيعيه البنت
ريم: اجل صناعيه
البنات:ههههههههههههههه
خالدين: الله بنات سامعين

كان مشغلين في المقهى اغنيه
تامر حسني قرب كمان
ريم افتكرت رجوان
ريم نزلت شويه عن الكرسي وكنها ساحت او ذابت:آآآآآآآآآه
البنات: البنت ساحت هههههههههههههه

ريم تغني: قرب كمان من حضني وحس باللي بحس بيه
اسراروريم: دنا من زمان مستني اعيش وياك اللحظه دي
اسرار وريم وراجين:حبيبي قول بحبك وان اقولها معاك
ريم وراسرار وراجين ولمار وخالدين:حبيبي يفوت سنين وايام على حبك في قلبي يزيد
كإني بعيش من الأول في حب جديد
بعدت كتير وحضنك عنو مهما بعدت بيرجعلي
وقلبي يدوب في احساسو الي عايش فيه
ريم تمسك ليان وترقص معاها سلو

تخلص الأغنيه وريم تجلس على الكرسي
ريم:آآآآآآه بنات

كل الشباب الي جالسين في الكوفي بصوت واحد وعالي: آحلآآآآآ
والي يصفر والي يصفق
البنات انحرجو لأنهم ماحسو
البنات:هههههههههههههههههه

في الكبينه عند الشاطئ
قتيبه وسعود كانو جالسين ع الجلسه الي على البحر
والبنات كانو في البحر يلعبو

ريم قامت ترش مويه ع البنات
البنات:لآآآآآآآ
ريم تضحك
خالدين: بنات تعالو نسوي فيها زي ماسوينا في اسرار
راجين ولمار واسرار:هههههههههه
ريم: لالا ايش بتسوي توبه والله توبه
قتيبه وسعود:هههههههههه
البنات يشيلو ريم وريم تصرخ
ريم:لااااا سعود الحقني سعوووود
سعود يضحك: احسن خليكي
ريم: لاااااا
البنات يرمو ريم في البحر
ويرجعو يشيلوها ويرموها على التراب ويرمو عليها بالتراب
ريم وهيا منسدحه ع التراب: خلاص خلاص تووبه والله توووبه بلييييز لأ خلااص
البنات:ههههههههههههههه
قتيبه: مجانين وربي
سعود يضحك: شوف شكلها وربي تحفه
قتيبه وسعود:ههههههههههه
لمار: احسن
خالدين تمد لسانها
راجين تحرك حواجبها
اسرار: حراام انا حاسه بيكي وربي ..سووها فيني قبلك
البنات:هههههههههههههه


في بيت ابو سعود الساعه 3:30 الفجر
سعود وريم يدخلو بشويش عشان اهلهم مايحسو بشي

وهما طالعين بالدرج تطيح ريم
سعود:ههههههههههههه
ريم :آآي وجع سعود لا تضحك
سعود يجلس في الدرج من الضحك:هههههههههه وربي شكلك خطير
ريم تضحك: سعودد بطِّل
ريم وسعود:ههههههههههههههه
ام سعود وابو سعود كانو واقفين عند آخر الدرج
ام سعود: ماشاء الله عليكم
ريم وسعود وهما جالسين بالدرج :بسم الله
ريم: ماما
سعود: امي
ريم: وبابا
سعود:وابويا
ريم تطالع في سعود ويضحكو
ابو سعود: انتو مو شايفين الساعه كم؟؟ حضراتكم برا للفجر
سعود يوقف: والله ابوي ا اخدنا الوقت
ريم: بلييز بابي بليز مامي ماتزعلو بس وربي الوقت كان حلو واخدنا بس
ام سعود: واللهي ياشيخه
ريم وسعود يضحكو
ابو سعود: شوفو هذي اخر مره
ريم وسعود وفيهم ضحك : انشاء الله
ام سعود: فين ليان؟.
ريم وسعود يطالعو في بعض وبصوت واحد: في السيارا
ام سعود: بنتي
ابو سعود: حسبيا الله على ابليس حتى البنت ناسينها بالسيارا
ريم وسعود يجرو للسيارا

عند السيارا سعود يفتح الباب ويشل ليان وهيا نايمه
ريم:هههههههههههه وربي احنا تحفه
سعود:هههههههههه اشوه انو امي وابويا كفشونا ولا دحين نمنا وتركناها المسكينه في السيارا
في البيت ام سعود تاخد ليان وتوديها غرفتها
ريم تروح غرفتها وسعود يروح غرفته

ريم تدخل الغرفه وهيا تضحك وترمي نفسها على السرير بعبايتها وشوزها وشنطتها

سعود يدخل الغرفه ويسكر الباب وكان مبتسم
وتخطر على باله ميرا وتروح ابتسامته
سعود:آآآآخ عذبتيني والله
مو قادر انساكي ولا قادر ارجعلك
ولا ادري عنك اخبارك وايش مسويه
خليني اروح اسأل ريم

سعود يطلع من غرفته ويروح غرفة ريم

يلقى الباب مفتوح يدخل ويشوف ريم نايمه على السرير بعبايتها زي مادخلت

سعود يطالع في ريم ويبتسم

سعود يروح يقوم ريم: ريم ريم
ريم تقوم: هااا سعود خلاص وخر عني انت ايش جابك؟
سعود: يابنت قومي غيري ملابسك
ريم: ماابغى ابغى انام
سعود: طيب قومي نزلي عبايتك على الأقل ونزلي جزمتك
ريم تستوعب وتقوم تجلس على السرير:هااا ايوا صح
سعود يضحك: والله انك مهويه
ريم: سعوود لا تضحك عليا
سعود يعاندها ويضحك
ريم تضرب سعود بشنطتها على راسه
سعود: آي يابنت
ريم تضحك: احسن
ريم وسعود يضحكو
ريم: يلا برا برا بغير ملابسي يلا
سعود: مو منك من الي جا يقومك ويقولك مالت
ريم: على وجهك يلا برا اقول
سعود: ماشي يا...وقاطعته ريم
ريم: ياايه؟؟ ياايه يلاقول
سعود: ياوجه البومه
سعود يشرد على غرفته ويقفل الباب
ريم: انا مو وجه البومه يابوما انت
ام سعود من غرفتها: ريييييييييم وبعدين
ريم: سووري ماما
ريم تدخل غرفتها وتسكر الباب وتغير ملابسها
بس قبل لا تنام

تمسك التلفون وهيا منسدحه وتدق
يرن جوال رجوان

×× قرب كمان من حضني وحس بالي بحس بيه دنا من زمان مستني اعيش وياك اللحظه دي حبيبي قول بحبك وانا اقولها معاك××

رجوان: صبآح الورد لأحلى ورده بالكون
ريم تبتسم: صبآآح السكر والشيرا
رجوان: مابغيتي تتصلي
ريم: والله كنت اليوم مع البنات وفله ودجه وحركات
رجوان: يعني نسيتيني مع البنات
ريم: لالالا رجوان لا تقول كذا صدقني انا لو انسى حالي ماانساك من تكون
رجوان يبتسم: ياروحي انتي
ريم تبتسم
ريم: كنت بنام بس حبيت انام قبل لا اسمع صوتك
رجوان: وانا كنت استنى اتصالك عشان اسمع صوتك عشان يجيني النوم
ريم: اجل كذا كل يوم بتصل عشان تنام
رجوان: ياريت انا بدونك مااعيش
ريم: ولا انا
رجوان: وحشتيني
ريم حست بخجل
ريم بعد صمت: وانت اكتر
رجوان: متى اشوفك ترا اشتقتلك اكتر مما تتصوري
ريم: مادري رجوان
رجوان: طيب لو عزمتك بكرا بتجي
ريم بإرتباك:هاا لالا ماادري
رجوان: لا حياتي لاترفضي
ريم: مادري رجوان اشوف
رجوان: عشان خاطري حبيبتي
ريم: مااوعدك بس اشوف
رجوان: اجل بعزمك على العشا بكرا
ريم: عشا!! مادري رجوان
رجوان: ياعمري انا كل يوم اعد الثواني ثانيه بثانيه عشان اشوفك واسمع صوتك يلا عاد ياروحي
ريم: اشوف خلاص
رجوان: استنى ردك اوكي
ريم تبتسم:اوكي
رجوان: ياريت تقبلي عشان بقول لك شي مهم
ريم: انشاء الله احاول بس
رجوان: اوكي
ريم: طيب جوني تصبح على خير وربي تعبانه ومو هاين عليا اسكر الخط
رجوان:نعم عيديها تاني
ريم: اعيد ايش؟
رجوان: الي قلتيه
ريم فهمته
ريم تبتسم: جوووني
رجوان: الله ياعيون جوني انتي وروحه وقلبه وعمره
ريم تبسم
رجوان: ولا انا مو هاين اسكر الخط بس بما انك تعبانه وعسى التعب مايجيكي استحمل عشانك بس
ريم: تسلملي
رجوان: الله يسلمك ياعيوني
ريم: يلا بباي وتصبح على الف خير
رجوان: وانتي بمليون خير حياتي يلا باي

ريم تسكر الخط وتحط الجوال على صدرها
ريم في نفسها: اقبل ولا لأ؟؟ اقبل ولا لأ؟؟
انا موقادرا استحمل اكتر من جد وحشني
بس صعبه اتعشى مع واحد غريب صعبه مره
بس لازم اقبل ايوا لازم مره وحشني

رجوان يسكر الخط ويحط الجوال على دقنه :يارب تقبل وتريحني واشوفها
ياقلب جوني انتي
اول مره احد يدلعني ويقولي جوني
طالعه منها عسل وربي
الله لا يحرمني منها
ياناس احبها والله احبها ياعالم احبها
اعشق انفاسها
ولهيب صوتها
ونار قلبها

الظهر في بيت سميه
يرن الجرس
وتدخل جمانا
سميه: اهلين
جمانا: اهلين بيكي ياعسل كيفك؟
سميه: بخير وانتي؟
جمانا: الحمد لله
سميه: كل شي جاهز مابقى غير التطبيق
جمانا: حلو طيب يلا
جمانا تنزل عبايتها وتاخذ جوال سميه وتقرا نص الرساله:

سلام سعود
مو مهم مين انا
المهم انك تقابلني اليوم في كوفي...؟
العصر الساعه 5:30
ضروري تقابلني في شي لازم تعرفو ولازم تعرف الحقيقه
موضوع يخصك ويخصك احد كان عزيز عليك
استناك ...؟

سعود يفتح الرساله وهوا يتغدا ويقرا النص ويتعجب
يتصل على الرقم ومافي احد يجاوب

جمانا: ها سميه ارد
سميه:لا لا يدري انك بنت بعدين يفهم غلط خلنا ع الكوفي
جمانا:اوكي

سعود متعجب من الرساله ومين يكون صاحب الرساله
وايش هوا الموضوع

في غرفه سعود
سعود مره قلق وصار يتصل اكثر من مره بس جمانا ماكانت ترد

في الصاله
ريم ماسكه جوالها: ماما نوف ماترد عليا ماتدري ليش؟
ام ريم: لا والله
ريم: ابغاها تسأل بدر عن ميرا وربي وحشتني ابغا اشوف ايش صار معاها
ام ريم ارتبكت: ها.. لا حياتي اكيد ميرا بخير انشاء الله
ريم حست بأن امها مرتبكه
ريم: ماما اشبك؟؟
ام ريم: مافيني شي مافيني شي
ريم ماصدقت امها لأنها حست من كلامها ان ميرا فيها شي
ريم: الو نوف ليش ماتردي من اول
نوف: معليش ريمو كنت حاطته ع الصامت
ريم: من متى انتي تحطي الجوال ع الصامت؟؟ على فكرا انتي مارا متغيرا
ام ريم تطالع في ريم
نوف ارتبكت: لا انا مو متغيرا ولا شي انا زي ماانا
ريم: وربي حاسه بشي خابتو عني
نوف: انتي تعرفي اني مااخبي شي عنك
ريم: ماعلينا.. انا لي كم يوم ماشفتك يابنت وحشتيني
نوف: وانتي اكثر
ريم: حتى رولآ وربي وحشتني
نوف في نفسها:الله يستر
ريم: ليش ماتجو عندنا اليوم؟
نوف: مادري والله
ريم: لا بصراحه زودتوها
مدري ايش فيكم؟
نوف: خلاص خلاص اشوف
ريم: طيب اسمعي كيف ميرا
نوف صارت دموها تنزل: بخير
ريم: ايش فيه صوتك اتغير؟
نوف: لا بس احس بتعب وحلقي يعورني
ريم: اها روحي للدكتور طيب
نوف: انشاء الله
ريم: يعني ميرا تمام الحمد لله
نوف: الحمد لله وبدأت تتعالج
ريم: طيب قوليله خليها تتصل ابغى اكلمها
نوف ماقدرت تستحمل
ريم: وقوليله لما يروح لندن ابغاه يوصلها اغراض ورساله اوكي
نوف وهيا تبكي: انشاء الله
ريم: يالله نوفا صوتك راح مارا انتبهي على نفسك روحي للمستشفى يابنت
نوف: انشاء الله
ريم: يلا اشوفك على خير انشاء الله لا تنسي تقولي لزوجك
نوف: انشاء الله يلا مع السلامه
نوف تسكر الخط وتبكي
ريم تسكر الخط وهيا حاسه انو في شي نوف مخبيته عنها

ريم تتصل في رولآ
رولآ: هلار يم
ريم: هلا لولو كيفك؟
رولا: بخير الله يسلمك وانتي؟
ريم: تمام.. كدا يابنت ولا تتصلي ولا شي وربي وحشتيني
رولا: معليش بس مع الحمل مره تعبانه
ريم: سامحتك حبيبتي ماتشوفي شر
بس قولت وحشتيني وابغى اشوفك اتصلت في نوف قالت يمكن تجي شوفي انتي كمان
رولآ: مادري حبيبتي بس اشوف
ريم: على فكرا انتو الإثنين اول مره تقوليلي اشوف كل مره تقولولي طيب
ايش عندكم انتو؟؟
رولآ: حياتي والله ماعندنا شي بس عارفه دحين اتزوجنا وصار البيت مسؤوليتنا
ريم تقطع كلامها: بس لسه ماخلفتو عشان يكون عندكم مسؤوليه بطلي عبط
رولا مو عارفه ايش تقول
رولا: خلاص انشاء الله خليها بكرا العصر
ريم: اوكي
رولا: على خير
ريم: يلا اشوفك باي
رولآ: باي


العصر الساعه 5:15
سعود نازل من الدرج وطالع لبرا
ام سعود: على فين؟
سعود:بروح الكوفي مع الشباب
سعود يطلع
ريم: ماما...؟
ام سعود تقاطع ريم: ولا مكان
ريم: يووه ياماما وبعدين ماشاء الله كيف عرفتي اني بقول بطلع اليوم
ام سعود: هوا انتي عندك غير الكلمه دي
ريم تضحك
ريم: طيب انا بطلع غرفتي
ريم تطلع غرفتها وتسكر الباب
تاخذ الجوال وتدق

يرن جوال راجون على نغمة

××قرب كمان××

ريم: اهلين
رجوان: فدييت الصوت انا
ريم تضحك ضحكه دلع وخجل
ريم: كيفك؟؟ شو اخبارك؟
رجوان: اكيد بخير لأني بكلمك انتي كيفك؟
ريم: تمام الحمد لله
رجوان: ها ..ايش قلتي ع العزومه؟؟
ريم: مممممممممممممم
اوكي
رجوان يبتسم وبفرح: والله من جد يعني قبلتي
ريم: اها
رجوان:آآخ ياشيخه وربي شغلتي بالي البارح بس الحمد لله
ريم: سوري بس كان لازم افكر
رجوان: قصدك كان لازم تكوني ثقيله
ريم تضحك
رجوان: فديت ضحكتك
ريم خجلانه
رجوان: بس اقول حياتي
ريم: قول
رجوان: عازمك اول شي على ستار بوكس اترجيتك ماتقولي لا او مادري رجوان
ريم تضحك: خلاص اوكي
رجوان: ياقلبو عليكي


في الكوفي
سعود وهو يشوف كل الموجودين يرن جواله
سعود: الو
جمانا: الو سعود ..انا قدامك ارفع راسك بتلاقيني
سعود يرفع راسه ويشوف جمانا
سعود يروح عند طاوله جمانا ويطالع فيها
سعود يفتكر يوم جمانا ارسلت له البلوتوث حق ميرا
سعود بعصبيه: انتي
سميه: اهدا لو سمحت راح تفهم كل شي اهدا
جمانا: لو سمحت اجلس خلينا نتكلم
سعود يجلس وهوا يطالع في جمانا بحقد
سعود: ممكن تدخلو في الموضوع بسرعه
جمانا تفتح جوالها على بلوتوث ريم وميرا الي صوروهم وهما في البريك في الجامعه
وتعطي الجوال لسعود
سعود يشوف البلوتوث وبصدمه: هذي ميرا وريم
انتو كيف تتجرؤو على افعاكلم هذي انا ماراح اتركم
سميه: يأخي اهدا وخلينا نقولك الحكايا
جمانا: الحكايا ومافيها اناختك وخطيبتك نرفزوني
وانا قررت انتقم منهم
جمانا صار ت تدمع
جمانا:رحت لواحد من الشباب الي اعرفهم
وعطيته البلوتوث وركب جسم ميرا على بلوتوث ثاني
البلوتوث الي انت شفته
يعني ميرا مظلومه انا الي سويت فيها كذا
سعود منصدم
جمانا:وكنت راح اكمل انتقامي واسوي بريم كمان بس الله هداني قبل يصير شي
انا جيت اليوم اقدم اعتذاري واقولك الحقيقه
سعود عصب: انتي مجنونه انتي موعارفه ايش الي سويتيه
سميه: سعود لو سمحت لا يعلى صوتك اجلس واهدا
سعود بعصبيه وبصراخ:انتي انسانه بليدا وحقيرا
ليش سويتي كذا ليش؟
انتي ماتعرفي ميرا ايش بالنسبه لي
ياحقيرا
جمانا تبكي
سعود من العصبيه دف الكرسي وتركهم وركب سيارته ودموعه تنزل
سعود ودموعه على خده: آآآ ه ياميرا ظلمتك
سامحيني سامحيني ياميرا
ايش الي انا سويته
ماكان المفروض اصدق اي شي عنها
آآه انا عمري ماراح اسامح نفسي
ضربتك واهنتك وخوّنتك
مااعتقد بتسامحيني
سامحيني ياميرا
انا احبك

البارت الـ 23

الساعه 8:30 العِشا
في غرفة ريم
ريم كانت لابسه عبايتها
يرن جوالها على نغمة

××اوعدني عني من تغيب تبقى هنا جمبي قريب محتاج انا مثلك حبيب يفهم عيوني وضحكتي××

ريم تبتسم وتروح تاخذ الجوال من على الكومدينه
ريم بدلع: اهلين
رجوان:اهلين بالحلاكله
ريم تبتسم وتلعب بأصابعها
رجوان: ها خلاص جاهزة
ريم:خلاص اوكي بس انا بجي بالسواق روح انت
رجوان: ماشي حياتي الي يريحك يلا مااعطلك اشوفك هناك
ريم:اوكي
ريم تسكر الخط وتنقز: يس
ريم تروح للبلكونه وكانت رابطه حبل من البلكونه لأرضيّه الحوش
عشان اهلها مارضيو لها انها تطلع قررت تطلع وتشوف رجوان من وراهم
نزلت ريم وهيا متعلقه في الحبل
ريم بفرح: وربي ماطلعت هينه
ريم تضحك على نفسها
ريم تجري لين توصل البوابه
وتركب السياره

صدفه كان ماهر طالع من البيت وكان عند سعود وشاف ريم وهيا رايحه بالسواق قام لحقها
يبغى يشوف فين رايحه

في سيارة ماهر
ماهر: هادي فين رايحه؟؟ وليش كانت تجري؟؟ اكيد وراها شي
ولازم اعرفو
بس لو كان الي بتسويه نفس الي في بالي؟؟ ماراح اعديها على خير

توقف سياره ريم عند المطعم
ريم تدق على رجوان
ريم: ها فين؟
رجوان: مايحتاج تسألي
رجوان يمسك كتف ريم من وراها
ريم تشهق من الفجعه
رجوان: تاني راح تتفجعي
ريم ورجوان:ههههههههه
رجوان يطالع في ريم: وحشتيني وحشتيني وحشتيني
ريم تنزل راسها من الخجل: وانت اكثر
رجوان: راح نفضل هنا ؟ امشي ندخل
ريم: يلا
ماهر شاف رجوان مع ريم دمه غلي في عروقه
ماهر: الحقير كيف يتجرأ ويقابلها
انا ماراح اسمحله ياخدها مني
انا قلت ريم وراها شي
طيب دحين ايش بسوي؟؟
بستناها لين تطلع

في مطعم تاي تاي
الجو كان مره رومانسي انوار خافته هدوء وموسيقى رايقه
على الطاوله ريم ورجوان
رجوان يطالع في ريم وريم تطالع في رجوان
رجوان مسك يد ريم
ريم حاولت تبعد يدها بس رجوان مسك يدها بقوه عشان ماتفلت يدها
ريم حست بإحراج
رجوان: شوفتك تغنيني عن العالم كله
وانتي معايا بكون انسان غريب
حتى قلبي مااحسه قلبي
ولانبضي احسه نبضي
حتى دمي الي يجري بعروقي
وانا معاكي بيتغير
احس كل شي فيكي فيني
قلبي صار قلبك ودمي هوا دمك ونبضي هوا نبضك
ريم خجلانه ومنزله راسها
رجوان يرفع راسها: خليني اشوف الملاك الي فتني
ريم:رجوان
رجوان يبتسم: ياعيونه
ريم: احساسي معاك غير
احساس عشق وحب وغرام
انت ملكتني
كلي بين يدك احكمني
خليني بين ضلوعك واحبسني
خلي يدي ماتفارق يدك
وعيني ماتغيب عن عينك
رجوان يبتسم:احنا لبعض ياريم
ولاشي بيفرقنا
عشان كذا اليوم جيت اقولك
انتي حددي الموعد الي بجي فيه واخطبك
ريم بفرح وتبتسم: رجوااان
رجوان: ياقلبه
ريم موعارفه ايش تقول
ريم:مادري رجوان بس؟؟!!؟بس؟؟!؟
رجوان: بس ايش؟؟
ريم:مادري
رجوان يبتسم: ها متى قلتي؟؟
ريم بعد صمت
ريم: انت قول
رجوان: هذا رايك؟
ريم تهز راسها
رجوان: انا لو عليا اروح معاكي دحين اطلب يدك من اهلك واتزوجك واخذك معايا البيت
ريم تضحك بخجل
رجوان: طيب نقول الخميس؟؟
ريم تبتسم وتهز راسها
رجوان يبتسم: على الله
يرن جوال ريم
وريم تشوف الرقم وانفجعت
رجوان: ايش فيكي؟؟
ريم: ماما
رجوان: طيب ويعني؟
ريم: رجوان انا طلعت ومافي احد يدري عني
رجوان: ليش ياريم؟؟ ليش سويتي كذا؟
ريم: ماكنت قادرا استحمل وحشتني وقلت اشوفك
رجوان: طيب ايش بتسوي دحين وديتي نفسك في داهيه
ريم: ماعليه دحين بتشوف
ريم تدق على نوف
ريم: نوف لو ماما دقت عليكي قوليلها اني انا عندك اوكي خلاص
نوف: ليش وانتي فين؟
ريم: نوف بعدين انا دحين بقول لماما اني عندك خلاص
نوف: خلاص خلاص
ريم تسكر الخط
رجوان يبتسم: مجنونه
ريم تبتسم
ريم تدق على امها
ام سعود: ريم فينك؟
ريم: ماما انا عند نوف
ام سعود: ولا كإن عندك اهل تقوليلهم
ريم بدلع:ماما
ام سعود: وليش ماقلتيلي
ريم: ماكنت راح توافقي
ام سعود: حسبيا الله على ابليسك
ريم تضحك
ام سعود: لكي عين تضحكي.. يلا يلا ليا كلام ثاني لما ترجعي
ريم: باي

ريم تضحك
ورجوان يضحك معاها

اتعشو وانتهو وهما طالعين
ريم بتروح لسيارتها ورجوان بروح لسيارته
رجوان: راح توحشيني
ريم: وانت كمان
رجوان يمسك ريم من ظهرها ويسلم عليها: اشوفك قريب حبيبتي بس راح اشوفك خطيبتي
ريم حست بإحراج
ريم: انشاء الله يلا باي
رجوان: باي حبيبتي

السواق يفتح لريم الباب
ريم وهيا جايه تطلع يجيها ماهر ويسكر الباب
ريم بفجعه: ماهر؟؟!!!!!؟
ماهر: ايوا ماهر ياآنسه ريم
ريم بدون نفس: خير ايش عندك؟
ماهر:والله ماطلعتي هينه وصرتي تطلعي مع...وسكت ماهر
ريم بصراخ: احترم نفسك ياماهر
رجوان يطالع في ريم وكان بجي عندها
ريم تأشر لرجوان انه مايجي
رجوان شاف ماهر وعرف انه ولد خالتها

ماهر: شوفي ريم
بخيرك بين شيئين
ريم: واللهي اقول وح عني
ماهر: اروح اقول لسعود وبعد كدا اوعدك انك مابتشوفي وجهي
او..ليله حلوه زي الليله هذي الي قضيتيها مع رجوان
ريم تطالع في ماهر بصدمه
ريم:ماهر ابعد عني وخليك في حالك
ماهر: انا بخيرك
ريم: لا دا ولا دا
ماهر: اجل انا اختار بدالك واروح اقول لسعود
ريم: ماهر بلا جنون
ماهر: ها بتعطيني ليله حلوا
ريم بقهر: اشوف ويلا وخر عني
ريم تركب السياره ويحركو
لما تحركت سيارة ريم ماهر كان واقف وقدامه على طول كان رجوان
رجوان يطالع في ماهر
وماهر يطالع في رجوان
رجوان يركب سيارته ويحرك

في بيت ابو سعود
ريم تدخل الساعه 12:45
ام سعود تستقبلها: ماشاء الله ياحبيبتي داخله نص اليل وطالعه من غير علمنا
سعود يجي ويطالع في ريم بحقد:انتي ماتستحي
ريم بصدمه: سعود ليش تقول كذا؟
سعود بعصبيه: فين كنتي؟
ريم بإرتباك: عند نوف
ام سعود: وليش ماقلتي لنا
ابو سعود يجي: ريم قالتلي بس انا ماقلت لكم جيت من الدوام ونمت
ريم استغربت من ابوها
سعود: اكيد ابويا
ابو سعود: بتكذبني يعني
سعود: لا ابويا مااقصد كذا
ابو سعود :طيب وخرو عن البنت ..وتعالي ياريم ابغاكي في مكتبي
في مكتب ابو سعود
ابو سعود: سكري الباب
ريم تسكر الباب وتجلس وهيا خايفه
ابو سعود يشيل الكتب من على المكتب
وكان لابس الشماغ والعقال
ينزل ابو سعود الشماغ والعقال
ريم خافت تحسب انه بضربها
ريم شهقت وبعدت عن ابوها
ابو سعود يضحك
ريم بدلع: بااااباااااا خوفتني
ابو سعود : بس انتي خوفتيني عليكي اكثر..ها ليش ماقلتيلنا؟
ريم: بابا انا قلت لماما وماما ماوافقت قلت اطلع
ابو سعود: وهذا تصرف صح؟؟
ريم: بابا خلااص هوا موصح بس خلاااص ام سو سوري
ابو سعود: مشكلتي اني مااقدر اعاقبك قلبي مايطاوعني
ريم تروح تبوس راس ابوها: خلاص اروح
ابو سعود يبتسم: روحي
ريم بفرح: يس
ريم تفتح الباب وتطلع
وتلقى سعود وام سعود واقفين يستنوها
ريم تطالع فيهم بغرور وتمشي وتهز خصرها
سعود يلحق ريم : امشي هنا
ريم تضحك وتجري
سعود يلحقها
ريم تدخل غرفتها وتسكر الباب وتضحك
سعود وفيه ضحك: ماشي ياريم فلتي مني هذي المره بس المره الجايه لأ
ريم تضحك
سعود: مرجوجه البنت هذي
ام سعود تطالع فيهم وتضحك

اليوم الثاني
العصر في بيت ابو سعود
نوف ورولآ كانو جالسين بالصاله
ريم: اهلين والله مابغيتو تجو
نوف بحزن: اهو جينا
رولآ: المهم انك مبسوطه مانقدر نزعلك
لأن ريم ملاحظتها قويه لاحظت تغير اسلوب البنات بس سكتت وماقالت شي
ريم: بروح اجيب لكم العصير
نوف ورولآ: حسو ان ريم حست بشي
ريم تروح
ام سعود: الله يخليكم يابنات نبره الحزن هادي مو قدام ريم لا تحسسوها بشي
رولآ: والله مانقدر ياخاله
ام سعود: انتي بالذات ماتزعلي موتمام لكي انتي حامل
نوف: آآخ ياخاله الي صار لميرا مو شي عادي
رولآ : الله يرحمها بس
ام سعود: آآخ بس الله يستر على ريم لو دريت ان ميرا ماتت
نوف: الله يستر
ريم كانت جايه وشايله العصير
ريم ترمي العصير على الأرض وتنكسر الكاسات ويطلع صوتها
نوف ورولآ وام سعود يلتفتو يشوفو ريم قدامهم وسمعت كل شي
نوف ورولا يشهقو
ام سعود توقف وتطالع في ريم بدهشه
ريم تطالع فيهم بصدمه ودموعها على خدها
ريم: لالا ميرا لا
انتو تمزحو صح
ريم تضحك: مزحكم بايخ على فكرا مره بايخ لا تفاولو على البنت لا
رولآ ونوف يطالعو في بعض
ام سعود: ريم
ريم ودموعها على خدها: مسوين فيني مقلب صح
ريم تضحك: الله يرجعها ليابالسلامه
هيا قالتلي قالتي انها بترجع ميرا بترجع
ريم تروح عند نوف: ميرا بترجعلي
نوف تحضن ريم: الله يرحمها
ريم تصرخ: لا تقولو يرحمها
قولو يخليها ميرا ماماتت
رولآ: ريم اهدي
ام سعود تروح عند ريم: ريم حبيبي هذا امر الله
ريم تصرخ وتجلس على الأرض: لاااااااااااااااااااا ميرا لااااااااااااااااااا
ريم تبكي: مستحيل مستحييل
يدخل سعود من برا ويسمع صوت ريم وهيا تصرخ ويدخل الصاله مفجوع
سعود: ريم
ونسي انو نوف ورولآ في الصاله
سعود يلقى ريم على الأرض وتبكي وحولها ام سعود ورولآ ونوف
سعود يروح يحضن ريم: ريم ايش فيكي لا تبكي ريم
ريم تضحك: ميرا ياسعود شوفت ايش صار فيها
سعود بخوف: ايش؟
ريم: يقولو ماتت
ريم تضحك وتبكي
سعود بصدمه: ميييراااا
ام سعود تبكي على حال عيالها
ام سعود: لا تجننوني يكفي ياعيالي يكفي
سعود يحضن ريم ودموعه على خده
يحضنها ويضمها بقووه
رولآ ونوف وام سعود يطالعو فيهم ويبكو
ريم: ميرا حياتي وروحي وقلبي ميرا كل شي فيني
سعود ميرا وعدتني انها بترجعلي هيا تحبني مره
مالها غيري اكيد بترجعلي ماتقدر تعيش من غيري
سعود يمسح على شعر ريم: الله يرحمها ياريم
ريم:آآآه ياسعود وحشتنييييييي
هيا حبي وهيا انفاسي وهيا دمي وعروقي
احبها ياناس افهمونيي
ام سعود: حبيبتي ريم لا تسوي في نفسك كدا ادعيلها الدموع مابترجعها
ريم:آآآآه
ميرا راح تجي معايا الجامعه وتحضر معايا
راح تتزوجها ياسعود وراح احضر زواجكم
وتجيبولنا بيبي يجنن يشبهها
نوف: ريم خلاص يكفي
ريم:راح اطلع معاها تاني ونضحك سوا ونلعب سوا تاني صح
ريم تطالع فيهم كلهم: صح؟
سعود: خلاص ياريم ادعيلها لا تجننيني الي فيني كافيني حرام عليكي
رولآ: ريم اهدي حبيبتي الي بتسويه ماراح ينفعك
ريم:آآآه يارب
ليش حرمتني من اغلى شي ملكته بحياتي
ليش حرمتني حبي
كنا سوا مع بعض في كل شي
كنا روحين في جسد واحد
ليش هادي المره لا ليش مااخدتني معاها يارب ليش
سعود: ريم لا تقولي كدا ريم حرام عليكي
ام سعود تحضن ريم: خلاص يامااما خلاص حبيبتي وجعتي قلبي هونيها حبيبتي
سعود كان مره منهار
سعود يمسك راسه ويصرخ: ليش ليش؟؟ كنت حقولها اني عرفت الحقيقه ليش كدا ليش
ام سعود : لا تجننوني انتو الإتنين
ام سعود تبكي: خلاااص انا مو قادرا استحمل
نوف تمسك يد خالتها:خاله اهدي
رولآ تدق على مازن عشان يجي
سعود يطلع غرفتو
وريم تبكي بصوت عالي: آآآه ياميرا تعالي
تعالي شوفي حااالي بعدك تعالي ياميرا وارحميني
ليش
ليش رحتي انتي وعدتيني ليش تخلفي ياميرا لييييييش

في غرفه سعود
سعود يرمي بيده كل الي على التسريحه ويكسر كل شي
سعود يصرخ:لااااااااااااااااااا
لااااا
سعود ينزل بالأرض على ركبه ويبكي: انا دبحتها
انا ظلمتها
وذوقتها من كاس المر
شربتها السم
لاااا يارب لييش

مازن يدخل ع الصاله جري وهو كان مفجوع من اتصال رولا
مازن يلقى ريم تبكي بصوت عالي وهيا بالأرض وحاضنتها نوف وامها
رولآ وهيا تبكي: مازن الحق سعود يامازن
مازن: ايش صار؟
رولا: دري ان ميرا ماتت
مازن: هوا فين؟
رولآ: في غرفتو
مازن: خالتي انتي بخير
ام سعود: اي خير يامازن
مازن: طيب ريم بخير
ريم: ميرا راحت وتركتني رااحت خلاص
مازن حزن على حال ريم
مازن طلع لسعود
مازن يدق الباب: سعود افتح ياسعود
سعود: ليش الي بيصير معايا دا ليش
مازن: سعود اعقل وافتح انت رجال
سعود: فين الرجوله دي الي خلتني اتخلى عن حبيبتي واخوّنها
مازن: ياسعود اخزي ابليس وافتح
سعود يبكي
مازن يكسر الباب ويدخل ويلقى سعود جالس على ركبه على الأرض ويبكي
مازن: سعود الله يهديك ايش مسوي في نفسك
سعود: عمري ماراح اسامح نفسي يامازن انا الي ذبحتها
مازن: مين قال ؟؟ هاداامر ربك هوا الي كتبتها
سعود:آآه يامازن احبها
مازن يطالع في سعود بحزن
سعود ومازن يسمعو صوت صراخ من تحت
مازن وسعود يجرو تحت ويدخلو الصاله
سعود: ريم يامجنونه ليش سويتي كدا
ريم شالت المزهريه وكسرتها على يدها
ريم تمسح يدها بالدم على وجهها
ام سعود:سعود الحقني انا مو قادرا عليها
سعود يروح عند ريم ويمسك يدها ويبعدها عن وجهها: انتي مجنونه
ريم تطالع في سعود بظرآت ألم
مازن: سعود خلينا نوديها المستشفى يدوها ابره مهدئة لا تسوي في نفسها شي
ام سعود: بس بسرعه قبل لا تدبح نفسها
نوف تجيب عبايتها وعبايه ريم وتلبسها
سعود يمسك يد ريم ويطلع
ريم ترفض
سعود يشيل ريم ويطلع ويروح سيارته
ريم بصراخ: سعود اتركني
اتركني ياسعود
بروح عند ميرا انا بروح عند ميرا اتركني
لا تحرموني منها
خليني اعيش معاها باقي حياتي
سعود: ريم اسكتي واهجدي
رولا وهيا رايحه تركب مع ريم في السيارا
مازن: لا انتي حامل لا تروح تضربك على بطنك او تسوي شي ترا هيا مصدومه ومو بعقلها
رولآ :بس
مازن: خليكي مع خالتي
ام سعود: انا جايه
سعود: امي خليكي انا بوديها
نوف ركبت ورا واخدت ريم معاها
ومازن ركب جمب سعود

بدا صوت ريم ينخفض وتحس بكتمه
ريم:آآآه
نوف: سعود الحقني ريم مدري ايش فيها
مازن يلتفت على ريم: فكي طرحتها مخنوقه
سعود: نزلي طرحتها
نوف تصرخ: سعود الحق ريم
مازن : البنت مخنوقه
ريم وهيا تعرق: آآآه ميرا
نوف: ريييم كلميني انتي حاسه بإيش
ريم: هوااا مكتومه
سعود يفتح الشبابيك
يوصلو عند المستشفى
سعود يشيل ريم
ويجرو الثلاثه للطوارئ

في بيت ابو سعود
ابو سعود يدخل
رولآ:عمو الحق ريم ياعمو
ابو سعود بفجعه: ايش فيها؟
ابو سعود بشوف ام سعود وهيا تبكي
ابو سعود: رانيا ايش فيها ريم اتكلمي
ام سعود: ريم دريت ان ميرا ماتت
ابو سعود بدهشه: ايش؟؟ وهيا فين دحين؟؟
رولآ: اخدها مازن وسعود للمستشفى حالتها مره صعبه عمو
ابو سعود يطلع ويحرك السياره ويروح
وتدخل ام مازن مع ابو مازن بس ابو مازن جالس برا
ام مازن : رانيا
ام سعود: الحقيني يارنا شوفي ايش صار بعيالي
ام مازن تحضن ام سعود
رولا: خالتي ريم مره حالتها حاله انا خايفه عليها
ام مازن: خلاص اهدو انشاء الله خير
مين راح معاها
رولآ: راحت نوف وراح مازن انا خايفه عليها
ام سعود: حتى سعود يارنا حتى سعود الله يستر
ام مازن: خليها على الله يارانيا
يجو رولان ولوران ويروحو عند رولا: احنا خايفين
وكانت دموعهم على خدهم
رولا تنادي على الشغاله وتجي تاخدهم
ام مازن:رولا انتي بالذات تهدي ياماما مو طيب لكي الزعل
رولا وهيا تبكي: انا خايفه على ريم

في المستشفى
يطلع الدكتور
سعود: دكتور طمني
الدكتور: عندها هبوط وانهيار عصبي عطيناها الازم والحمد لله لحقناها
بس كل شويه تقول ميرا وبروح عند ميرا
عطيتها ابره مهدئه والباقي على رب العالمين
سعود: يعني هيا بخير
الدكتور: الحمد لله
نوف تبكي: دكتور بشوفها
الدكتور: اتفضلو بس التزمو الهدوؤ لو صحيت ماراح يكون حلو
سعود ونوف يدخلو ومازن يستنى برا
نوف تمسك يد ريم: ريم حبيبتي
سعود يطالع في ريم والدموع في عيونه

يرن جوال سعود المتصله رولا
رولا: ها مازن كيف ريم؟
مازن: الحمد لله عطوها مهدء بس انتي اهدي حبيبتي
رولا: يعني هيا بخير
مازن: الحمد لله
رولاتبكي
مازن: ياحياتي لا تبكي البنت بخير مافيها شي
رولا: الحمد لله
مازن يسكر الخط
رولا: خالتي ريم بيخر الحمد لله عطوها مهدء
ام سعود:الله يسامحه سعود مااخدني معاه
ام مازن:معليش الحمد لله انها بخير وهذا المهم

في المستشفى
ابو سعود: مازن
مازن: هلا عمي
ابو سعود: سعود جوا
مازن: ايوا
ابو سعود يدخل ويروح عند بنته ويمسح على خدها
ابو سعود: ريم..حبيبتي
نوف طلعت
وصارت تبكي
مازن: نوف انتي بخير
نوف تهز راسها

ابو سعود: كيفها؟.
سعود: بخير اهنيار عصبي
ابو سعود: امك مره قلقانه عليها سعود يابويا روح جيبها الله يرضى عليك
سعود بنبره حزن: انشاء الله
سعود يطلع
مازن:على فين؟
سعود: بروح اجيب امي
مازن:استنى بجي معاك
سعود يطالع في نوف: لا خليك انت اذا بتجي زوجتك انا بجيبها
مازن:اوكي

جوال ريم بالصدفه كان مع نوف طاح منها في السيارا ونوف اخذتو

تابع